மறைந்திருந்து தாக்கும் கண்நீர் அழுத்த நோய் கிளாகோமா! ஹெல்த் ஸ்பெஷல்

மார்ச் 12-18 - கண்நீர் அழுத்த நோய் (கிளாகோமா) வாரம் ஆஸ்துமா நோயால் பாதிக்கப்பட்ட ஒருவர் மருத்துவரை அணுகாமல், மருந்துக் கடைகளில் மருந்த...

மார்ச் 12-18 - கண்நீர் அழுத்த நோய் (கிளாகோமா) வாரம்
ஆஸ்துமா நோயால் பாதிக்கப்பட்ட ஒருவர் மருத்துவரை அணுகாமல், மருந்துக் கடைகளில் மருந்து வாங்கிச் சாப்பிட்டுக்கொண்டிருந்தார். திடீரென்று ஒரு நாள் அவர் கண் மங்கலாக இருப்பதாகக் கூறிக் கண் மருத்துவரிடம் சென்றுள்ளார். அவரைப் பரிசோதித்த கண் மருத்துவர் கண்ணில் பிரஷர் (கிளாகோமா) நோய் இருக்கிறது, உங்கள் கண் நரம்பானது கண்நீர் அழுத்த நோயால் (கிளாகோமா) 75% பாதிக்கப்பட்டுள்ளது என்றும் கூறினார். இதற்குக் காரணம் ஆஸ்துமா நோய்க்கு மருந்துக் கடைகளில் வாங்கிச் சாப்பிட்ட மருந்துகளில் ஸ்டீராய்டு இருந்தது தான். ஆம், ஸ்டீராய்டு மருந்தைத் தொடர்ந்து உட்கொள்பவர்களுக்குக் கண்நீர் அழுத்த நோய் (கிளாகோமா) பாதிக்கும் சாத்தியம் அதிகம்.

கண்நீர் அழுத்தம் என்றால் என்ன?
உடலில் ரத்த ஓட்டம் சீராக இருக்க ரத்த அழுத்தம் 120/80 mm/Hg ஆக இருக்க வேண்டியது எவ்வளவு அவசியமோ, அது போல் கண்ணுக்குள் சுரக்கும் நீர் 10-21 mm/ Hg என்ற அழுத்தத்துடன் இருந்தால்தான் கண்ணின் வடிவமைப்பு பாதுகாக்கப்படுவதுடன் கண் நரம்பு ஆரோக்கியமாக இருக்க முடியும்.

கிளாகோமா என்றால் என்ன?
கண்ணின் நீர் அழுத்தம் அதிகமாவதால், அது பார்வை நரம்பை (optic nerve) கொஞ்சம் கொஞ்சமாகப் பாதித்துக் கண் பார்வை இழப்பை ஏற்படுத்தும். பெரும்பாலும் எந்தவித முன்அறிகுறிகள் தென்படாமல் நம் பார்வை முழுவதையும் ரகசியமாகத் திருடிவிடும் கண்ணின் நீர் அழுத்த நோயே கிளாகோமா என்று அழைக்கப்படுகிறது.

யார் கண்நீர் அழுத்தப் பரிசோதனையை உடனடியாகச் செய்துகொள்ள வேண்டும்?
நீங்கள் நாற்பது வயதுக்கு மேற்பட்டவரா? சிறு வயதிலிருந்தே கிட்டப் பார்வை, தூரப் பார்வைக்குக் கண்ணாடி அணிந்திருப்பவரா? கிளாகோமா பாதித்த குடும்பத்தில் பிறந்தவரா? ஸ்டீராய்டு மருந்துகளைத் தொடர்ந்து உட்கொண்டுவருபவரா? மனநல மாத்திரைகள் எடுத்துக் கொண்டிருப்பவரா? நீரிழிவு நோய், ரத்தக் கொதிப்பு நோய் (Hypertension), தைராய்டு நோய் உள்ளவரா? கண்களில் அடிபட்டவரா? கண்ணில் அறுவைசிகிச்சை செய்து கொண்டவரா? இக்கேள்விகளில் ஒரு சிலவற்றுக்காவது ‘ஆம்’ என்று பதில் அளித்தால், உடனே அருகில் உள்ள கண் மருத்துவரை அணுகிக் கண்நீர் அழுத்தப் பரிசோதனையைச் செய்துகொள்ளுங்கள்.

கண்நீர் அழுத்த நோய் (கிளாகோமா) அறிகுறிகள் என்ன?
சாதாரணமாகக் கண்ணின் நீர் அழுத்த நோய் எந்தவித முன் அறிகுறிகளுமே தென்படாமலேயே நோயாளிகள் கொஞ்சம் கொஞ்சமாகப் பக்கவாட்டு பார்வையை இழந்து கடைசியாக மையப் பார்வையும் இழக்கச் செய்யும். சில சமயங்களில் ஒரு சிலருக்குக் கீழ்க்கண்ட அறிகுறிகள் தென்படலாம்

கிளாகோமா கண் பரிசோதனைகள்
கண்ணின் நீர் அழுத்தத்தை அளத்தல் (Intra ocular Pressure measurement)
இதை டோனோமீட்டர் (Tonometer) என்ற கருவியின் மூலம் துல்லியமாகப் பரிசோதிக்கலாம். கண்ணின் நீர் அழுத்தம் சராசரியாகப் பத்து முதல் இருபத்தி ஒன்றுக்குள் இருக்க வேண்டும்.

பார்வை நரம்பைப் பரிசோதித்தல் (Optic Nerve Examination)
கண்ணின் மையப் பகுதியான பாப்பாவை (Pupil) விரிவடையச் செய்து, பார்வை நரம்புகளை (Optic Nerve) பரிசோதித்து முன்கூட்டியே பாதிப்புகளை கண்டறிந்து அதற்குரிய மருந்துகளைக் கொடுத்து, பார்வை இழப்பைத் தடுக்கலாம்.

பார்வைப் புலப் பரிசோதனை (Visual Field Test)
இப்பரிசோதனை மூலம் பக்கவாட்டுப் பார்வை இழப்பை முன்கூட்டியே கண்டுபிடித்து மருந்துகள் மூலமோ அல்லது அறுவை சிகிச்சை மூலமோ பார்வை இழப்பைத் தடுக்கலாம்.

கிளாகோமா சிகிச்சை முறைகள்
கண்நீர் அழுத்த நோய்க்குத் தொடர்ச்சியாகச் சொட்டு மருந்துகளை இட்டு வருவதன் மூலம் கட்டுப்படுத்தலாம்.
# சொட்டு மருந்துகள் மூலம் கட்டுப்படுத்த முடியாத நிலை யில் கண்நீர் அழுத்த நோயை அறுவை சிகிச்சை மூலம் கட்டுப்படுத்தலாம்.
# கண்நீர் அழுத்த நோய் உள்ள வர்களுக்கு முறையான வாழ்க்கை முறை மாற்றங்கள் தேவை.

மறந்து விடாதீர்கள்
பொதுவாகக் கண்நீர் அழுத்த நோயை மருத்துவர்கள் மூலம் அறிந்துகொண்டவர்கள் ஓரிரு மாதங்கள் மட்டும் மருந்தைப் பயன்படுத்தி விட்டு, வருடக்கணக்கில் அதைப் பற்றி கண்டுகொள்ளாமல் விட்டுவிடுவார்கள். மீண்டும் மருத்துவரை அணுகும்போது அவர்களுடைய பார்வை நரம்பு முழுவதும் பாதிக்கப்பட்டுப் பார்வையற்றவர்களாக மாறிவிடுகிறார்கள்

மருத்துவரின் அறிவுரைப்படி முழு கண் பரிசோதனையை, அவர் கூறும் கால அளவுக்குள் செய்துகொண்டு, சொட்டு மருந்துகளைத் தொடர்ந்து பயன்படுத்திவந்தால், இந்நோயால் ஏற்படும் பார்வையிழப்பைத் தடுக்கலாம்.

சர்வதேசப் பிரச்சாரம்
விழிப்புணர்வை ஏற்படுத்த ‘கண்ணுக்குத் தெரியாத கண்நீர் அழுத்த நோயை (கிளாகோமாவை) விரட்டுவோம்’ என்ற முழக்கத்துடன் உலகக் கண்நீர் அழுத்த நோய் வாரம் 2017 (World Glaucoma Week 2017) மார்ச் 12-18 வரை உலகம் முழுவதும் அனுசரிக்கப்படுகிறது.
உலகச் சுகாதார நிறுவனத்தின் ஆய்வின்படி கண்நீர் அழுத்த நோய் (கிளாகோமா) தடுக்கக்கூடிய பார்வை இழப்பு நோய்களில் உலகில் 2-வது இடத்தில் உள்ளது. 2020-ம் ஆண்டு உலகில் 7.6 கோடி மக்கள் கிளாகோமா நோயால் பாதிக்கப்படுவதற்கான சாத்தியம் உள்ளது.
முறையான விழிப்புணர்வு, சரியான நேரத்தில் சிகிச்சை மட்டுமல்லாமல் தொடர் கவனிப்பு ஆகியவற்றின் மூலம் இந்தப் பாதிப்பைத் தடுக்கலாம். கிளாகோமா இல்லாத உலகைப் படைப்போம்.

அறிகுறிகள்

பெரும்பாலான நோயாளிகள் மேற்கண்ட அறிகுறிகளுடன் மருத்து வரிடம் செல்லும்போது கிளாகோமா முற்றிய நிலையில்தான் செல்கிறார்கள். இதைத் தவிர்க்க என்ன செய்யலாம்? கண்நீர் அழுத்தப் பரிசோதனை செய்துகொண்டால் கண்நீர் அழுத்த நோயிலிருந்து காத்துக் கொள்ளலாம்.


Related

ஹெல்த் ஸ்பெஷல் 5909033828939583001

Post a Comment

Tamil Unicode Converter

Find Here

Date & Time

No. of Posts

Follow Pettagum on Twitter

Follow pettagum on Twitter

Counter From Jan 15 2011

Try this

Total Pageviews

Advertisement

Contributors

Popular Posts

Blog Archive

Followers

Cloud Labels

30 நாள் 30 வகை சிறுதானிய உணவுகள் 30 நாள் 30 வகை சமையல் 30 வகை மருந்து குழம்பு E-BOOKS GOVERNMENT LINKS Greetings WWW-Service Links அக்கு பிரஷர் சிகிச்சை முறைகள். அசோலா ஓர் அட்சயப் பாத்திரம் அடை வகைகள். அமுத மொழிகள் அழகு குறிப்புகள். ஆசனம் ஆப்பிள் சிடர் வினிகர் ஆரோக்கியம் காக்கும். ஆயுர்வேத மருத்துவம் ஆறு சுவையும்... அஞ்சறைப் பெட்டியும்... இஃப்தார் நோன்பு ஸ்பெஷல் இந்த நாள் இனிய நாள் இந்தியா நமது தேசம்! தேசத்தின் நேசம் காப்போம்!! இய‌ற்கை மருந்துகளின் ஆயுள்காலம் இய‌ற்கை வைத்தியம் இன்ஷூரன்ஸ் இஸ்லாமிய உணவுகள். ஈஸியா பேசலாம் இங்கிலிஷ்! உங்களுக்கு உதவும் சட்டங்கள் உடலுக்கு வலிவு தரும் சூப்கள் உடற்பயிற்சி உணவே மருந்து உபயோகமான தகவல்கள் உலகத்தமிழ் மங்கையர்மலர் ஊறுகாய்கள் ஃபண்ட் முதலீடுகள் கணிணிக்குறிப்புக்கள் கல்வி வழிக்காட்டி கவிதைத்துளிகள் கன்சல்ட்டிங் ரூம் காய்கறிகளின் மருத்துவ குணங்கள் கால்நடை வளர்ப்பு கால்நடைகளுக்கான இயற்கை மருத்துவம் காளான் வளர்ப்பு குழந்தைகள் நலம்! குழம்பு வகைகள் குளிர் பானங்கள் குறைந்த செலவில் அதிக லாபம் தரும் நாட்டு கோழி வளர்ப்பு குறைந்த செலவில் அதிக லாபம் தரும் நாட்டு கோழி வளர்ப்பு!!! கை மருந்துகள் கொரோனா நோய் எதிர்ப்பு சக்தி உணவுகள் கொரோனாவுக்கு மருந்து சட்னிகள் சமையல் அரிச்சுவடி சமையல் குறிப்புகள் சமையல் குறிப்புகள்-அசைவம்! சமையல் குறிப்புகள்-சைவம்! சமையல் சந்தேகங்கள்-கேள்வி-பதில் சர்க்கரை நோயைக் கட்டுப்படுத்தும் உணவுகள் சித்த மருத்துவம் சிந்தனை துளிகள் சிந்தனை துளிகள். சிறுதானிய உணவுகள் சுற்றுலா சூரணம் சேமிப்பின் சிறப்பு டெங்குக் காய்ச்சல். தமிழகத்தின் சுற்றுலா தளங்கள் தமிழால் இணைவோம் தமிழ்ப் பழமொழிகளும் சொலவடைகளும் தாய் சேய் நலம்! துவையல்கள் நாட்டு மருந்துகளின் பெயர்கள் நாட்டு வைத்தியம் நாட்டுக் கோழி வளர்ப்பு நாட்டுப்புறப் பாடல்கள் நாட்டுப்புறப் பாடல்கள். நில அளவுகள் அறிவோம் நீங்களும் பிசினஸ்மேன் ஆகலாம் நீதி நூல்கள் பச்சடிகள் பலவிதம் பதிவுத்துறை சட்டங்கள் பரீட்சை சுலபமாக பழங்களின் பயன்கள் பாட்டி வைத்தியம் பிசிஓஎஸ் பிரச்னை குணமாகும் பிசினஸ் ஸ்பெஷல் புகைப்படங்கள் பூக்களின் மருத்துவக் குணங்கள் பெட்டகம் சிந்தனை பெண்களுக்கான நோய்களும் இயற்கை மருத்துவமும் பேலியோ டயட் பொடி வகைகள் மசாலா பால் மண்ணில்லாமல் பசுந்தீவனம் வளர்ப்பு மரம் வளர்ப்போம் மருத்துவ டிப்ஸ் மருத்துவ டிப்ஸ் வீடியோ பதிவுகள் மருத்துவக் குணம் நிரம்பிய உணவுகள் மருத்துவக் குறிப்பு மன நலம்! மாடித்தோட்டம் முகவரிகள். மூலிகை சமையல் மூலிகைகள் கீரைகள் மைக்ரோ கீரைகள் ரிலாக்ஸ் ப்ளீஸ் வங்கியில் பல வகை கடன்கள் வடாம் வகைகள் வத்தல் வகைகள் வரலாற்றில் ஒரு ஏடு வருமான வரி விவசாயக்குறிப்புக்கள் விஷப்பூச்சிகள் கடிக்கு இயற்கை வைத்தியம் வீடியோ பதிவுகள் வீட்டிலிருந்தே சம்பாதிக்க வீட்டுக்குறிப்புக்கள் வேலை வாய்ப்புகள் ஜூஸ் வகைகள் ஷாப்பிங் போகலாமா..? ஹெல்த் ஸ்பெஷல் ஹோமியோபதி மருத்துவம்
item