ரிமோட் கன்ட்ரோலில் கம்ப்யூட்டர்கள்! (கம்ப்யூட்ராலஜி: தொடர்- 3)

ரிமோட் கன்ட்ரோலில் கம்ப்யூட்டர்கள்! வேலை, தொழில் என பிள்ளைகள் அமெரிக்காவில் செட்டில் ஆகிவிட,  இந்தியாவில் வசித்து வரும் ஒரு பெற்றோரின்...

ரிமோட் கன்ட்ரோலில் கம்ப்யூட்டர்கள்!

வேலை, தொழில் என பிள்ளைகள் அமெரிக்காவில் செட்டில் ஆகிவிட,  இந்தியாவில் வசித்து வரும் ஒரு பெற்றோரின் அறிமுகம் கிடைத்தது.

அவர்கள் இருவரும் ஸ்கைப்பில் சாட், இமெயிலில் கடிதப் போக்குவரத்து என இன்டர்நெட் உதவியுடன் பிள்ளைகளுடன் தொடர்பில் இருப்பதாகவும், கம்ப்யூட்டரில் சிறு சிறு பிரச்சனைகள் என்றால் பிள்ளைகள் அமெரிக்காவில் இருந்து இவர்கள் கம்ப்யூட்டரை இயக்கி சரி செய்து கொடுப்பார்கள் என்றும், ஏதேனும் சாஃப்ட்வேர் இன்ஸ்டால் செய்ய வேண்டும் என்றாலும் அதுபோலவே செய்வார்கள் என்றும் சொன்னார்கள்.

இதுபோல சென்னையில் ஹார்ட்வேர் சர்வீஸ் சென்டர் வைத்து பிசினஸ் செய்து கொண்டிருக்கும் ஒருவர்,  வெளியூரில் வசிக்கும் சில கிளையன்ட்டுகளுக்கு தன் அலுவலகத்தில் இருந்தபடி அவர் கம்ப்யூட்டர் மூலம் இன்டர்நெட் வழியாக சர்வீஸ் செய்துகொடுப்பதாகவும் கூறினார். சென்னையின் பிசியான பகுதியில் டிடிபி சென்டர் நடத்தி வரும் ஒருவர், தன் மனைவிக்கு டைப்பிங் மட்டும் சொல்லிக் கொடுத்திருந்தார்.

அவர், வீட்டில் உள்ள கம்ப்யூட்டரில் டைப் செய்துகொண்டிருப்பார். இவர் அலுவலகத்தில் லே அவுட், கிராஃபிக்ஸ், டிஸைன் என பிசியாக இருப்பார். அவ்வப்போது தன் வீட்டு கம்ப்யூட்டரை தன் கம்ப்யூட்டரில் இருந்தபடி இயக்கி ஃபைல்களை டவுன்லோடு செய்துகொள்வார். அதுபோல தேவையான ஃபைல்களைத் தேடி எடுத்துக்கொள்வார்.

இதெல்லாம் எப்படி சாத்தியம்?


தொலைதூர கம்ப்யூட்டர்களை இயக்கும் சாஃப்ட்வேர்களினால்தான், ஓர் இடத்தில் இயங்கும் கம்ப்யூட்டரை மற்றோர் இடத்தில் இயங்கும் கம்ப்யூட்டரினால் இயக்க முடிகிறது. இந்த வகை சாஃப்ட்வேர்களுக்கு Remote Access Software அல்லது Remote Control Software என்று பெயர். நாம் இயக்கிக் கொண்டிருக்கும் கம்ப்யூட்டருக்கு, அடுத்த அறையில், அடுத்த வீட்டில்,  அடுத்த ஊரில், அடுத்த நாட்டில் இப்படி நம்மைவிட்டுத் தொலைவில் இருக்கும் கம்ப்யூட்டரை இயக்குவதற்கு ரிமோட் அக்ஸஸ் சாஃப்ட்வேர் உதவுகிறது. இன்னும் சொல்லப்போனால், நம் கம்ப்யூட்டருக்கு 10 அடி தொலைவில் இருக்கும் கம்ப்யூட்டரையும் ரிமோட் அக்ஸஸ் சாஃப்ட்வேர் மூலம் இயக்க முடியும்.


ஏராளமான ரிமோட் அக்ஸஸ் சாஃப்ட்வேர்கள் உள்ளன. உதாரணத்துக்கு சில:
 1.    VNC
 2.    Windows Remote Desktop
 3.    imPC Remote
 4.    Team Viewer
 5.    Show MyPC
 6.    Remote Utilities
 7.    Ammyy Admin
 8.    Aero Admin
 9.    Remote PC
 10.    Chrome Remote Desktop
 11.    Firnass
 12.    Any Desk
 13.    Lite Manager
 14.    Comodo Unite
 15.    Desk top Now
 16.    Beam Your Screen
 17.    join.me
 18.    Log Me In

ரிமோட் கண்ட்ரோல் சாஃப்ட்வேரினால் என்னென்ன செய்ய முடியும்?
நம் கம்ப்யூட்டரில் இருந்து உலகில் எந்த மூலையில் இருக்கும் கம்ப்யூட்டரையும் இயக்க முடியும்.

நம் கம்ப்யூட்டரில் இருந்து மற்றொரு கம்ப்யூட்டருக்குத் தொடர்பு கொடுத்து இயக்கும்போது, நம் கம்ப்யூட்டரை கிளையன்ட் (Client) எனவும், எந்த கம்ப்யூட்டரோடு   தொடர்புகொண்டு இயக்குகிறோமோ அதை ஹோஸ்ட் (Host) என்றும் சொல்லலாம்.

எந்த ஹோஸ்ட் கம்ப்யூட்டரை இயக்க இருக்கிறோமோ, அது ஆன் செய்யப்பட்டு இன்டர்நெட் இணைப்பில் இருக்க வேண்டும்.

எந்த வகை ரிமோட் கண்ட்ரோல் சாஃப்ட்வேரைப் பயன்படுத்தினாலும்,  அது நம் கம்ப்யூட்டரிலும் ஹோஸ்ட் கம்ப்யூட்டரிலும் இன்ஸ்டால் செய்யப்பட்டிருக்க வேண்டும். அப்போதுதான் நம் கம்ப்யூட்டரில் இருந்து அதை இயக்க முடியும்.

கம்ப்யூட்டர்களை அவற்றின் ஐ.பி முகவரி மூலமாக தொடர்பு கொள்ள முடியும்.  நாம் தொடர்புகொள்ளும் ஹோஸ்ட் கம்ப்யூட்டர், அப்படியே நம் கம்ப்யூட்டரின் மானிட்டரில் வெளிப்படும். நம் கம்ப்யூட்டருக்குள் மற்றொரு கம்ப்யூட்டரை வைத்து இயக்குவதைப்போல இயக்கலாம்.

ஃபைல்களை நம் கம்ப்யூட்டரில் இருந்து ஹோஸ்ட் கம்ப்யூட்டருக்கும், ஹோஸ்ட் கம்ப்யூட்டரில் இருந்து நம் கம்ப்யூட்டருக்கும் காப்பி செய்யலாம்.

ஹோஸ்ட் கம்ப்யூட்டரில் இருந்து ஃபைல்களை பிரின்ட் எடுக்கலாம், சிடி, பென் டிரைவ் போன்றவற்றில் காப்பி செய்யலாம், டெலிட் செய்யலாம்.

ஹோஸ்ட் கம்ப்யூட்டரில் சாஃப்ட்வேர்களை இன்ஸ்டால் செய்யலாம். ஹோஸ்ட் கம்ப்யூட்டரை சர்வீஸ் செய்யலாம். நம் கம்ப்யூட்டரில் என்னென்ன வேலைகளை எல்லாம் செய்ய முடியுமோ அத்தனையையும் நம் கம்ப்யூட்டரில் இருந்தே, ஹோஸ்ட் கம்ப்யூட்டரில் செய்ய முடியும்.

வி.என்.சி ரிமோட் அக்ஸஸ் சாஃப்ட்வேர் (VNC Remote Access Software)


இப்போது, VNC ரிமோட் அக்ஸஸ் சாஃப்ட்வேரின் இலவச வெர்ஷனைப் பயன்படுத்தி நம் கம்ப்யூட்டர் மூலம் மற்றொரு கம்ப்யூட்டரை இயக்கும் முறையைப் பார்ப்போம். VNC சாஃப்ட்வேரை இன்ஸ்டால் செய்யும்போது VNC Server மற்றும் VNC Viewer என்ற இரண்டு விவரங்களை இன்ஸ்டால் செய்துகொள்ள வேண்டும். நம் கம்ப்யூட்டரில் (கிளையன்ட்) உள்ள VNC VIEWER என்ற சாஃப்ட்வேர் மூலம், ஹோஸ்ட் கம்ப்யூட்டரை தொடர்புகொள்ள முடியும். இதற்கு ஹோஸ்ட் கம்ப்யூட்டரில் VNC SERVER சாஃப்ட்வேர் இன்ஸ்டால் செய்யப்பட்டிருக்க வேண்டும்.

(ஹோஸ்ட் கம்ப்யூட்டரிலும் SERVER, VIEWER என்ற இரண்டும் இன்ஸ்டால் செய்யப்பட்டிருந்தால்தான் நாம் அந்த கம்ப்யூட்டரை தொடர்புகொள்ள முடியும், அந்த கம்ப்யூட்டர் மூலம் நம் கம்ப்யூட்டரை இயக்க நினைத்தாலும் இயக்க முடியும்.)
 

முதலில் நம் கம்ப்யூட்டரில், https://www.realvnc.com/download/vnc/ என்ற வெப்சைட் லிங்க் மூலம் VNC for Windows என்ற ஃபைலை டவுன்லோட் செய்துகொள்ள வேண்டும்.
 

பிறகு அதை இன்ஸ்டால் செய்ய வேண்டும். இன்ஸ்டால் செய்யும்போது VNC SERVER, VNC VIEWER என்ற இரண்டு விவரங்களை செலக்ட் செய்துகொள்ள வேண்டும். அப்போதுதான் SERVER, VIEWER என இரண்டும் இன்ஸ்டால் ஆகும். இன்ஸ்டால் செய்து முடிக்கும் போது அந்த சாஃப்ட்வேருக்கான லைசன்ஸ் கீயை டைப் செய்யச் சொல்லி வலியுறுத்தும்.
 

லைசன்ஸ் கீயைப் பெறுவதற்கு, நாம் பயன்படுத்திய வெப்சைட் லிங்கில் Free என்ற தலைப்பின்கீழ் உள்ள GET என்ற பட்டனை கிளிக் செய்துகொள்ள வேண்டும்.  அடுத்து License Type என்ற இடத்தில் Free License only என்ற விவரத்தைத் தேர்ந்தெடுத்துக் கொண்டு, நம் பெயர், இமெயில் முகவரி மற்றும் மொபைல் எண் போன்றவற்றைப் பூர்த்தி செய்துகொண்ட பிறகு Continue என்ற பட்டனை க்ளிக் செய்ய வேண்டும்.
 

இப்போது நம் சாஃப்ட்வேருக்கான லைசன்ஸ் கீயை உள்ளடக்கிய விண்டோ வெளிப்படும். அந்த கீயை சாஃப்ட்வேரில் Enter the License Key என்ற இடத்தில் டைப் செய்துகொள்ள வேண்டும்.


அடுத்து நம் சாஃப்ட்வேருக்கு பாஸ்வேர்ட் ஒன்றை உருவாக்கும் விண்டோ வெளிப்படும். அதில் பாஸ்வேர்டை உருவாக்கிக்கொள்ளலாம்.


நம் கம்ப்யூட்டரில் இன்ஸ்டால் செய்துள்ள VNC Viewer என்ற ரிமோட் அக்ஸஸ் சாஃப்ட்வேரை இயக்கிக்கொள்ள வேண்டும். அடுத்து ஹோஸ்ட் கம்ப்யூட்டரின் ஐ.பி முகவரியை டைப் செய்துகொண்டு, Connect பட்டனை க்ளிக் செய்ய வேண்டும்.


பிறகு, ஹோஸ்ட் கம்ப்யூட்டரில் இன்ஸ்டால் செய்துள்ள VNC SERVER சாஃப்ட்வேருக்கான பாஸ்வேர்டை டைப் செய்துகொள்ள வேண்டும். (ஹோஸ்ட் கம்ப்யூட்டரின் ஐ.பி முகவரி மற்றும் பாஸ்வேர்டை அந்த கம்ப்யூட்டரைப் பயன்படுத்துபவரிடம் கேட்டு வாங்க வேண்டும்.)

 


இப்போது நம் கம்ப்யூட்டரில் ஹோஸ்ட் கம்ப்யூட்டரின் டெஸ்க்டாப் அப்படியே வெளிப்படும். இனி, நம் கம்ப்யூட்டரில் இருந்து ஹோஸ்ட் கம்ப்யூட்டரை இயக்கலாம்.

நினைவில் கொள்க;

VNC சாஃப்ட்வேரின் இலவச வெர்ஷனைப் பயன்படுத்தும்போது ஃபைல் டிரான்ஃபர் மற்றும் சாட் வசதிகளைப் பயன்படுத்த முடியாது. இந்த சாஃப்ட்வேரின் Enterprise மற்றும் Personal வெர்ஷன்களைப் பயன்படுத்தும்போது எல்லா வசதிகளையும் பயன்படுத்தலாம். இவற்றைப் பயன்படுத்திப் பார்க்க FREE TRIAL என்ற வெர்ஷனை இன்ஸ்டால் செய்துகொள்ளலாம். இதுபோல ஒவ்வொரு சாஃப்ட்வேருக்கும் விதிமுறைகள் மாறுபடும்.

குறிப்பு

இந்தக் கட்டுரையில் பயன்படுத்தியுள்ள சாஃப்ட்வேர்களின் தயாரிப்பாளர்களுடைய விதிமுறைகளுக்கு உட்பட்டு இந்த கட்டுரை தயார் செய்யப்பட்டுள்ளது. வெப்சைட்டிலும், சாஃப்ட்வேரிலும், கட்டணத்திலும் அவர்கள் எப்போது வேண்டுமானாலும் மாற்றங்கள் செய்யலாம். என்பதை நினைவில் கொள்ளவும்.

- காம்கேர் கே.புவனேஸ்வரி
Thanks to http://www.vikatan.com

Related

கணிணிக்குறிப்புக்கள் 185737601757081180

Post a Comment

Find Here

Date & Time

No. of Posts

Follow Pettagum on Twitter

Follow pettagum on Twitter

Counter From Jan 15 2011

Try this

Total Pageviews

Contributors

Popular Posts

Blog Archive

Followers

Cloud Labels

30 நாள் 30 வகை சிறுதானிய உணவுகள் 30 நாள் 30 வகை சமையல் E-BOOKS GOVERNMENT LINKS Greetings WWW-Service Links அக்கு பிரஷர் சிகிச்சை முறைகள். அடை வகைகள். அமுத மொழிகள் அழகு குறிப்புகள். ஆசனம் ஆப்பிள் சிடர் வினிகர் ஆரோக்கியம் காக்கும். ஆயுர்வேத மருத்துவம் ஆறு சுவையும்... அஞ்சறைப் பெட்டியும்... இஃப்தார் நோன்பு ஸ்பெஷல் இந்த நாள் இனிய நாள் இந்தியா நமது தேசம்! தேசத்தின் நேசம் காப்போம்!! இய‌ற்கை மருந்துகளின் ஆயுள்காலம் இய‌ற்கை வைத்தியம் இன்ஷூரன்ஸ் இஸ்லாமிய உணவுகள். ஈஸியா பேசலாம் இங்கிலிஷ்! உங்களுக்கு உதவும் சட்டங்கள் உடலுக்கு வலிவு தரும் சூப்கள் உடற்பயிற்சி உணவே மருந்து உபயோகமான தகவல்கள் ஊறுகாய்கள் ஃபண்ட் முதலீடுகள் கணிணிக்குறிப்புக்கள் கல்வி வழிக்காட்டி கவிதைத்துளிகள் கன்சல்ட்டிங் ரூம் காய்கறிகளின் மருத்துவ குணங்கள் கால்நடைகளுக்கான இயற்கை மருத்துவம் குழந்தைகள் நலம்! குழம்பு வகைகள் குளிர் பானங்கள் கை மருந்துகள் சட்னிகள் சமையல் அரிச்சுவடி சமையல் குறிப்புகள் சமையல் குறிப்புகள்-அசைவம்! சமையல் குறிப்புகள்-சைவம்! சமையல் சந்தேகங்கள்-கேள்வி-பதில் சர்க்கரை நோயைக் கட்டுப்படுத்தும் உணவுகள் சித்த மருத்துவம் சிறுதானிய உணவுகள் சுற்றுலா சூரணம் சேமிப்பின் சிறப்பு தமிழகத்தின் சுற்றுலா தளங்கள் தமிழால் இணைவோம் தமிழ்ப் பழமொழிகளும் சொலவடைகளும் தாய் சேய் நலம்! துவையல்கள் நாட்டு மருந்துகளின் பெயர்கள் நாட்டு வைத்தியம் நாட்டுப்புறப் பாடல்கள். நில அளவுகள் அறிவோம் நீதி நூல்கள் பச்சடிகள் பலவிதம் பரீட்சை சுலபமாக பழங்களின் பயன்கள் பாட்டி வைத்தியம் பிசிஓஎஸ் பிரச்னை குணமாகும் பிசினஸ் ஸ்பெஷல் புகைப்படங்கள் பூக்களின் மருத்துவக் குணங்கள் பெட்டகம் சிந்தனை பெண்களுக்கான நோய்களும் இயற்கை மருத்துவமும் பேலியோ டயட் பொடி வகைகள் மசாலா பால் மருத்துவ டிப்ஸ் மருத்துவ டிப்ஸ் வீடியோ பதிவுகள் மருத்துவக் குணம் நிரம்பிய உணவுகள் மன நலம்! முகவரிகள். மூலிகை சமையல் மூலிகைகள் கீரைகள் ரிலாக்ஸ் ப்ளீஸ் வங்கியில் பல வகை கடன்கள் வடாம் வகைகள் வத்தல் வகைகள் வரலாற்றில் ஒரு ஏடு வருமான வரி விவசாயக்குறிப்புக்கள் வீடியோ பதிவுகள் வீட்டிலிருந்தே சம்பாதிக்க வீட்டுக்குறிப்புக்கள் வேலை வாய்ப்புகள் ஜூஸ் வகைகள் ஷாப்பிங் போகலாமா..? ஹெல்த் ஸ்பெஷல் ஹோமியோபதி மருத்துவம்
item