ஈஸி டிப்ஸ்..! ஹைஜீன் கிச்சன்!

ஹைஜீன் கிச்சன்! ஈஸி டிப்ஸ் வீ ட்டில் உள்ள சமையலறை என்பது ஒரு கோயிலின் கருவறை போன்றது. வீட்டில் உ...

ஹைஜீன் கிச்சன்!
ஈஸி டிப்ஸ்
வீட்டில் உள்ள சமையலறை என்பது ஒரு கோயிலின் கருவறை போன்றது. வீட்டில் உள்ள பெண்கள் ஒரு நாளில் பாதி நேரம் வசிப்பது சமையலறையில் தான். இந்தச் சமையலறையைச் சுத்தமாகவும், ஆரோக்கியமாகவும், பாதுகாப்பானதாகவும் நாம் வைத்திருக்கிறோமா? நோய்களிலிருந்து நம்மைத் தற்காத்துக்கொள்வதற்கான முன் ஏற்பாடுகளில் எல்லாம் பிரதானமானது, கிச்சன் பாதுகாப்பு குறித்த விழிப்புஉணர்வுதான்.
க்ளீன் கிச்சன்
கிச்சனில் காணப்படும் கிருமிகள், இ-கோலை, சால்மொனெல்லா, காம்பைலோபாக்டர் (E-Coli, Salmonella, Campylobacter) போன்றவை. கைகள், துணிகள், உணவுப்பொருட்கள் ஒன்றோடு ஒன்று புழங்குவதால் உருவாகும் தொற்றுக்கள் மற்றும் கிச்சனுள்ளே வரும் வளர்ப்புப் பிராணிகள் மூலமாகத்தான் பெரும்பாலும் கிருமிகள் பரவுகின்றன. எனவே, வாரம் ஒருமுறை கிச்சனை முழுமையாகச் சுத்தம்செய்ய வேண்டும். கிச்சனில் உள்ள பொருட்களில் குளிர்சாதனப்பெட்டியும், பாத்திரம் கழுவும் சின்க்கும்தான் பெரும்பாலான கிருமிகளுக்கு உறைவிடமாக உள்ளன. அதிகம் கவனம் எடுத்துப் பார்த்துக்கொள்ள வேண்டியவை இந்த இடங்களைத்தான்.
கிச்சன் தரையைத் துடைக்க, ஒரே துணியைப் பயன்படுத்தக் கூடாது. சுத்தம்செய்யப் பயன்படுத்தப்படும் ஸ்பான்ச்சையும் உடனுக்குடன் மாற்ற வேண்டும். கீழே சிந்தும் உணவுப்பொருட்களை உடனடியாகச் சுத்தம்செய்ய வேண்டும். அடுப்புமேடையையும் ஒவ்வொரு வேளைக்கு உணவு சமைத்த பிறகும் சுத்தம் செய்ய வேண்டும். குப்பைத்தொட்டியை கிச்சனுக்கு வெளியே வைத்திருக்க வேண்டும். குப்பைத்தொட்டியின் அடியில் ஒரு கவர் போட்டுவைக்க வேண்டும்.
கிச்சனில் உள்ள காபி மேக்கர், ஓவன், ஹீட்டர் போன்றவற்றின் வொயர்கள் சரியாக உள்ளதா என அவ்வப்போது சரிபார்த்துக்கொள்ளவும். ஈரக் கைகளோடு எலெக்ட்ரிக் பொருட்களைக் கையாள்வதைத் தவிர்க்கவும். பழுதான சாதனங்களையும் பயன்படுத்தாதீர்கள்.
பாத்திரங்களைக் கையாளும் முறைசமைத்து முடித்த பிறகு, எண்ணெய் மற்றும் பால் பிசுபிசுப்பு உள்ள பாத்திரங்களை  மிதமான வெந்நீரில் கழுவிக் காயவைப்பது சிறந்தது. கழுவிய உடனேயே, மறு பயன்பாட்டுக்கு எடுத்துக்கொள்ளாமல், கழுவிக் காயவைத்த பிறகே பயன்படுத்த வேண்டும். சோப் அல்லது டிஷ்வாஷ் பவுடர் வைத்திருக்கும் டப்பாக்களில் தண்ணீர் தேங்குவதால், அதிக அளவில் கிருமிகள் அங்கு வளர ஏதுவாகிறது. அதனால், சிறிய சோப்கள் அல்லது தேவையான அளவு பவுடரைக் கொட்டிவைத்துப் பயன்படுத்தலாம்.சமைக்கப்பட்ட உணவு பல நாட்கள் மூடப்பட்டு இருந்தால், அதனுள் பூஞ்சை பூத்திருக்க வாய்ப்பு உண்டு. அவற்றை கிச்சனுக்கு உள்ளே திறந்தால், மற்ற பொருட்களிலும் கிருமிகள் பரவும். அதனால், வெளியே சென்று பாத்திரத்தைத் திறந்து அப்புறப்படுத்த வேண்டும். இயன்றால், பூஞ்சைபிடித்தப் பாத்திரங்களை மறுபடியும் பயன்படுத்தாமல் இருப்பது சிறந்தது.

சமைக்கும்போது...
சமைக்கும்போது ஏப்ரன் அணிந்துகொண்டு, தலைமுடியைக் கட்டிக்கொண்டு சமைக்க வேண்டும். ஆபரணங்கள் நிறைய அணிந்துகொண்டு சமைப்பதையும் தவிர்ப்பது நலம். சமைப்பவர் கை நகங்கள் வெட்டப்பட்டு, சுத்தமாக இருப்பது மிக மிக அவசியம். கைகளில் வெட்டுக் காயங்கள் இருந்தால், சமைப்பதைத் தவிர்ப்பது நல்லது. இதனால், காயங்களில் இருந்து பாக்டீரியா உணவில் பரவுவதைத் தவிர்க்கலாம்.ஒவ்வோர் உணவு வகையையும் செய்துமுடித்த பின்னரும், கையைச் சுத்தம்செய்வது மிகமிக அவசியம். சோப் அல்லது ஹேண்ட்வாஷ்கொண்டு கையைக் கழுவி, சுத்தமான துணியால் கைகளைத் துடைக்கலாம்.
பாத்திரம் அடுப்பில் இருக்கும் நேரம் முழுக்க, உங்கள் கவனம் அதன் மேலே இருக்கட்டும். துடைக்கும் துணிகள், பிளாஸ்டிக் கவர் போன்றவற்றை அடுப்பிலிருந்து தள்ளிவைக்கவும். மிகமிக முக்கியமான ஒரு விஷயம்... சமைக்கும்போது போன் பேசிக்கொண்டே சமைப்பதையும் தவிர்க்கவும்.
பழங்கள், காய்கறிகள்
காய்கறிகளையும் இறைச்சிகளையும் சேர்த்துவைக்கக் கூடாது. காய்கறிகள் கழுவும் சின்க்கில் இறைச்சியைக் கழுவ வேண்டாம். இறைச்சியை கிச்சனுக்கு வெளியே கழுவலாம். பழங்களை, குளிர்ந்த ஓடும் நீரில் கழுவ வேண்டும். இறைச்சி மற்றும் காய்கறிகளை நறுக்கத் தனித்தனி கத்திகள் மற்றும் கட்டிங் போர்டு பயன்படுத்துவது நலம். வெளியே வைக்கப்படும் பழங்கள் அல்லது சில ஆர்கானிக் பொருட்கள் மேல் `ஃப்ரூட் ஃப்ளை’ எனப்படும் ஈக்கள் உட்காரும். எனவே, பழங்களைக் கழுவிய பிறகு, ஃப்ரிட்ஜில் வைத்துவிடுவது நல்லது. சமைத்த பொருட்களை இரண்டு மணி நேரங்களுக்கு மேல் வெளியில் வைக்காதீர்கள். ஃப்ரிட்ஜில் வைத்துக் குளிரூட்டி, பிறகு பயன்படுத்தும்போது, சரியான தட்பவெப்பத்தில் உணவைச் சூடேற்றிப் பயன்படுத்த வேண்டும். சமைக்கப்படாத உணவைச் சமைத்த உணவோடு சேர்த்துவைப்பதையும் தவிர்க்க வேண்டும்.

Related

வீட்டுக்குறிப்புக்கள் 2966994581865729658

Post a Comment

Find Here

Date & Time

No. of Posts

Follow Pettagum on Twitter

Follow pettagum on Twitter

Counter From Jan 15 2011

Try this

Total Pageviews

Contributors

Popular Posts

Blog Archive

Followers

Cloud Labels

30 நாள் 30 வகை சிறுதானிய உணவுகள் 30 நாள் 30 வகை சமையல் E-BOOKS GOVERNMENT LINKS Greetings WWW-Service Links அக்கு பிரஷர் சிகிச்சை முறைகள். அடை வகைகள். அமுத மொழிகள் அழகு குறிப்புகள். ஆசனம் ஆப்பிள் சிடர் வினிகர் ஆரோக்கியம் காக்கும். ஆயுர்வேத மருத்துவம் ஆறு சுவையும்... அஞ்சறைப் பெட்டியும்... இஃப்தார் நோன்பு ஸ்பெஷல் இந்த நாள் இனிய நாள் இந்தியா நமது தேசம்! தேசத்தின் நேசம் காப்போம்!! இய‌ற்கை மருந்துகளின் ஆயுள்காலம் இய‌ற்கை வைத்தியம் இன்ஷூரன்ஸ் இஸ்லாமிய உணவுகள். ஈஸியா பேசலாம் இங்கிலிஷ்! உங்களுக்கு உதவும் சட்டங்கள் உடலுக்கு வலிவு தரும் சூப்கள் உடற்பயிற்சி உணவே மருந்து உபயோகமான தகவல்கள் ஊறுகாய்கள் ஃபண்ட் முதலீடுகள் கணிணிக்குறிப்புக்கள் கல்வி வழிக்காட்டி கவிதைத்துளிகள் கன்சல்ட்டிங் ரூம் காய்கறிகளின் மருத்துவ குணங்கள் கால்நடை வளர்ப்பு கால்நடைகளுக்கான இயற்கை மருத்துவம் காளான் வளர்ப்பு குழந்தைகள் நலம்! குழம்பு வகைகள் குளிர் பானங்கள் கை மருந்துகள் சட்னிகள் சமையல் அரிச்சுவடி சமையல் குறிப்புகள் சமையல் குறிப்புகள்-அசைவம்! சமையல் குறிப்புகள்-சைவம்! சமையல் சந்தேகங்கள்-கேள்வி-பதில் சர்க்கரை நோயைக் கட்டுப்படுத்தும் உணவுகள் சித்த மருத்துவம் சிறுதானிய உணவுகள் சுற்றுலா சூரணம் சேமிப்பின் சிறப்பு டெங்குக் காய்ச்சல். தமிழகத்தின் சுற்றுலா தளங்கள் தமிழால் இணைவோம் தமிழ்ப் பழமொழிகளும் சொலவடைகளும் தாய் சேய் நலம்! துவையல்கள் நாட்டு மருந்துகளின் பெயர்கள் நாட்டு வைத்தியம் நாட்டுப்புறப் பாடல்கள். நில அளவுகள் அறிவோம் நீங்களும் பிசினஸ்மேன் ஆகலாம் நீதி நூல்கள் பச்சடிகள் பலவிதம் பரீட்சை சுலபமாக பழங்களின் பயன்கள் பாட்டி வைத்தியம் பிசிஓஎஸ் பிரச்னை குணமாகும் பிசினஸ் ஸ்பெஷல் புகைப்படங்கள் பூக்களின் மருத்துவக் குணங்கள் பெட்டகம் சிந்தனை பெண்களுக்கான நோய்களும் இயற்கை மருத்துவமும் பேலியோ டயட் பொடி வகைகள் மசாலா பால் மண்ணில்லாமல் பசுந்தீவனம் வளர்ப்பு மரம் வளர்ப்போம் மருத்துவ டிப்ஸ் மருத்துவ டிப்ஸ் வீடியோ பதிவுகள் மருத்துவக் குணம் நிரம்பிய உணவுகள் மன நலம்! முகவரிகள். மூலிகை சமையல் மூலிகைகள் கீரைகள் மைக்ரோ கீரைகள் ரிலாக்ஸ் ப்ளீஸ் வங்கியில் பல வகை கடன்கள் வடாம் வகைகள் வத்தல் வகைகள் வரலாற்றில் ஒரு ஏடு வருமான வரி விவசாயக்குறிப்புக்கள் விஷப்பூச்சிகள் கடிக்கு இயற்கை வைத்தியம் வீடியோ பதிவுகள் வீட்டிலிருந்தே சம்பாதிக்க வீட்டுக்குறிப்புக்கள் வேலை வாய்ப்புகள் ஜூஸ் வகைகள் ஷாப்பிங் போகலாமா..? ஹெல்த் ஸ்பெஷல் ஹோமியோபதி மருத்துவம்
item