இன்ஷூரன்ஸ் இப்போ ஈஸி - 6

இன்ஷூரன்ஸ் இப்போ ஈஸி - 6 இ ன்றைய வாழ்க்கைமுறை மற்றும் உணவுப் பழக்கவழக்கங்கள் மாறுபடுவதால், நோய்களும் அதன் சிக்க...

இன்ஷூரன்ஸ் இப்போ ஈஸி - 6

ன்றைய வாழ்க்கைமுறை மற்றும் உணவுப் பழக்கவழக்கங்கள் மாறுபடுவதால், நோய்களும் அதன் சிக்கல்களும் நாளுக்கு நாள் அதிகரித்துக்கொண்டே போகின்றன. விலைவாசி அதிகரிப்பதால், மருத்துவ சிகிச்சைகளுக்கான செலவும் ராக்கெட் வேகத்தில் செல்கிறது. சாதாரணத் தொற்றுக்காய்ச்சலுக்கு மருத்துவமனையில் தங்கி சிகிச்சை எடுக்க வேண்டும் என்றாலும், குறைந்தது ஒரு நாளைக்கு 10 ஆயிரம் ரூபாய் முதல் 60 ஆயிரம் ரூபாய் வரை செலவாகிறது. வார்டு கட்டணம், நர்சிங் கட்டணம், மருந்துச் செலவு, லேப் பரிசோதனைக் கட்டணம், ஸ்பெஷலிஸ்ட் கட்டணம்... என ஏராளமான கட்டணங்கள் வரிசைகட்டுகின்றன. இதுவே, ஐ.சி.யு எனப்படும் அவசர சிகிச்சைப் பிரிவில் அனுமதிக்கப்பட்டால், அறைக் கட்டணம் பல மடங்கு அதிகரித்துவிடும். கார்ப்பரேட் மருத்துவமனைகளில் சாதாரண வார்டுகளில், ஒரு ஸ்கிரீன் மட்டுமே போட்டுப் பிரித்துவிட்டு 1,800 முதல் 3,000 ரூபாய் வரை வார்டுக்கான கட்டணம் வசூலிக்கின்றனர். இதுவே, தனி அறை, இரண்டு பேர், மூன்று பேர் சேர்ந்து ஓர் அறையில் தங்குவதுபோல இருந்தால், கட்டணம் குதிரை வேகத்தில் செல்லும். இதய சிகிச்சைக்கு என்றால், ரூ 2 லட்சம் முதல் 5 லட்சம் வரைகூட செலவாகும். இது நகரம் மற்றும் மருத்துவமனையைப் பொறுத்து மாறுபடும்.
மேல் நடுத்தர, நடுத்தர, ஏழை மக்களால் இவ்வளவு கட்டணம் செலுத்த முடியாது. இந்தப் பிரச்னையைக் கையாள சிறந்த வழி மருத்துவக் காப்பீடு பாலிசி எடுப்பதுதான்.
இந்தியாவில் 25-க்கும் மேற்பட்ட நிறுவனங்கள், பல்வேறு மருத்துவக் காப்பீட்டு பாலிசிகளை வழங்குகின்றன. எனினும், இந்த பாலிசிகளின் தன்மை மற்றும் அதனைப் புரிந்துகொள்வது மிகவும் சிக்கலாக உள்ளன. எனவே, நீங்கள் சரியான காப்பீட்டுத் திட்டத்தைத் தேர்வுசெய்ய என்னென்ன விஷயங்களில் கவனம் செலுத்த வேண்டும் என்பதைத் தெரிந்துகொள்வது மிகவும் அவசியம். மெடிக்ளெய்ம் பாலிசி வாங்கும்போது கவனிக்க வேண்டிய 10 வழிகளைப் பற்றித் தெரிந்துகொள்வோம்.
நிறுவனத்தின் தரம்
இந்தியாவில் சுமார் 28 பொதுக் காப்பீட்டு நிறுவனங்கள் உள்ளன. இவற்றில், பெரும்பாலான நிறுவனங்கள் உயிர் காப்பீடு மற்றும் மருத்துவக் காப்பீட்டுத் திட்டங்களை வழங்குகின்றன. பாலிசி எடுக்க விரும்பும் நிறுவனத்தின் பின்னணி, மேலாண்மை, மருத்துவமனைகளுடனான நெட்வொர்க் முதலானவற்றைத் தெரிந்துகொள்வது மிகவும் முக்கியம். இதனுடன், வேறொரு நிறுவனத்தின் பாலிசியை ஒப்பிட்டுப் பார்த்தோம் என்றால், நல்லதை நம்மால் தேர்வுசெய்ய முடியும்.
குறிப்பு: ஒரு நிறுவனத்தின் தரம் அறிந்து, அந்த நிறுவனத்தின் காப்பீட்டை வாங்குவது மிகவும் சிறந்தது.
க்ளெய்ம் செட்டில்மென்ட் விபரம்
ஒரு நிறுவனத்தைத் தேர்வுசெய்வதற்கு முன், அந்த நிறுவனத்தின் க்ளெய்ம் செட்டில்மென்ட் விவரம் மற்றும், க்ளெய்ம் செய்யும் விதம் பற்றித் தெரிந்துகொள்வது மிகவும் முக்கியம். ஒரு சில காப்பீட்டு நிறுவனங்கள், வெளி நிறுவனங்களுடன் இணைந்து, க்ளெய்ம் வழங்கி வருகின்றன. ஆனால், ஒரு சில நிறுவனங்கள் இந்த க்ளெய்ம் செட்டில் செய்யும் முறையை தாங்களே செய்துவருகின்றன. பொதுவாக, பொதுக் காப்பீட்டு நிறுவனத்தின் காப்பீட்டுத் தொகை, மருத்துவக் காப்பீடு மட்டும் வழங்கும் நிறுவனத்தைவிட சற்று அதிகமாக இருக்கும்.
குறிப்பு: பொதுக் காப்பீட்டு நிறுவனத்தைவிட, மருத்துவக் காப்பீடு மட்டுமே வழங்கும் நிறுவனத்தைத் தேர்வு செய்வது சிறந்தது.
உள்ளடக்கம் மற்றும் விதிவிலக்குகள்
பாலிசி எடுக்கும் முன், இருக்கும் நோய்களுக்கு ஆரம்ப சில ஆண்டுகளுக்கு கவரேஜ் கிடைக்காது என்பதை நினைவில்கொள்வது மிக முக்கியம். உதாரணமாக, காப்பீடு எடுப்பதற்கு முன்பே சர்க்கரை நோய் இருக்கிறது என்றால், குறிப்பிட்ட ஆண்டுகளுக்கு கவரேஜ் கிடைக்காது. மேலும், ஒரு சில மருத்துவ நடைமுறைகளான கண் சிகிச்சை, பல் அறுவைசிகிச்சை, குடல் இறக்கம் போன்ற  நோய்கள் முதல் சில ஆண்டுகள் கவரேஜிலிருந்து விலக்கப்பட்டு இருக்கும். இவை அனைத்தையும் நன்கு தெரிந்துகொள்ள வேண்டியது அவசியம்.
குறிப்பு: உங்கள் உடல்நலக் காப்பீட்டுத் திட்டத்தை இறுதி செய்வதற்கு முன்பு, விலக்கப்பட்ட நோய்கள் பட்டியலை ஒரு முறை கூர்ந்து பாருங்கள்.
கட்டண வரம்பு
சில நோய்களின் தன்மையைப் பொறுத்து, பாதுகாப்புச் செலவினங்களைச் சமாளிக்க, காப்பீட்டு நிறுவனங்கள் துணைக்கட்டண உட்பிரிவுகளை அறிமுகப்படுத்தியுள்ளன. இதன் அடிப்படையிலேயே அறை வாடகை, டாக்டர்கள் கட்டணம் போன்றவை நிர்ணயிக்கப்படுகின்றன. நோயாளி தங்கியிருக்கும் அறை வாடகை என்பது, காப்பீட்டுத் தொகையில் ஒரு சதவிகிதம் அல்லது ரூ 2,000 இவற்றில் எது அதிகமோ அதுவே வழங்கப்படும். இரண்டு லட்சத்துக்குக் காப்பீடு எடுத்திருந்தால், 2,000 ரூபாய் அறை வாடகைக்குச் செலவிடப்படும். இதுவே, ஒரு லட்ச ரூபாய்க்குக் காப்பீடு எடுத்திருந்தால், காப்பீட்டு நிறுவனம் 1,000 ரூபாய் வரை மட்டுமே செலவிடும்.
குறிப்பு: எந்த நிறுவனம் கட்டண வரம்பு இல்லாமல் காப்பீட்டுத் திட்டங்களை வழங்குகிறது எனத் தெரிந்துகொண்டு காப்பீடு எடுப்பது நல்லது.

Related

இன்ஷூரன்ஸ் 3635689103528730300

Post a Comment

Find Here

Date & Time

No. of Posts

Follow Pettagum on Twitter

Follow pettagum on Twitter

Counter From Jan 15 2011

Try this

Total Pageviews

Contributors

Popular Posts

Blog Archive

Followers

Cloud Labels

30 நாள் 30 வகை சிறுதானிய உணவுகள் 30 நாள் 30 வகை சமையல் E-BOOKS GOVERNMENT LINKS Greetings WWW-Service Links அக்கு பிரஷர் சிகிச்சை முறைகள். அடை வகைகள். அமுத மொழிகள் அழகு குறிப்புகள். ஆசனம் ஆப்பிள் சிடர் வினிகர் ஆரோக்கியம் காக்கும். ஆயுர்வேத மருத்துவம் ஆறு சுவையும்... அஞ்சறைப் பெட்டியும்... இஃப்தார் நோன்பு ஸ்பெஷல் இந்த நாள் இனிய நாள் இந்தியா நமது தேசம்! தேசத்தின் நேசம் காப்போம்!! இய‌ற்கை மருந்துகளின் ஆயுள்காலம் இய‌ற்கை வைத்தியம் இன்ஷூரன்ஸ் இஸ்லாமிய உணவுகள். ஈஸியா பேசலாம் இங்கிலிஷ்! உங்களுக்கு உதவும் சட்டங்கள் உடலுக்கு வலிவு தரும் சூப்கள் உடற்பயிற்சி உணவே மருந்து உபயோகமான தகவல்கள் ஊறுகாய்கள் ஃபண்ட் முதலீடுகள் கணிணிக்குறிப்புக்கள் கல்வி வழிக்காட்டி கவிதைத்துளிகள் கன்சல்ட்டிங் ரூம் காய்கறிகளின் மருத்துவ குணங்கள் கால்நடை வளர்ப்பு கால்நடைகளுக்கான இயற்கை மருத்துவம் காளான் வளர்ப்பு குழந்தைகள் நலம்! குழம்பு வகைகள் குளிர் பானங்கள் கை மருந்துகள் சட்னிகள் சமையல் அரிச்சுவடி சமையல் குறிப்புகள் சமையல் குறிப்புகள்-அசைவம்! சமையல் குறிப்புகள்-சைவம்! சமையல் சந்தேகங்கள்-கேள்வி-பதில் சர்க்கரை நோயைக் கட்டுப்படுத்தும் உணவுகள் சித்த மருத்துவம் சிறுதானிய உணவுகள் சுற்றுலா சூரணம் சேமிப்பின் சிறப்பு டெங்குக் காய்ச்சல். தமிழகத்தின் சுற்றுலா தளங்கள் தமிழால் இணைவோம் தமிழ்ப் பழமொழிகளும் சொலவடைகளும் தாய் சேய் நலம்! துவையல்கள் நாட்டு மருந்துகளின் பெயர்கள் நாட்டு வைத்தியம் நாட்டுப்புறப் பாடல்கள். நில அளவுகள் அறிவோம் நீங்களும் பிசினஸ்மேன் ஆகலாம் நீதி நூல்கள் பச்சடிகள் பலவிதம் பரீட்சை சுலபமாக பழங்களின் பயன்கள் பாட்டி வைத்தியம் பிசிஓஎஸ் பிரச்னை குணமாகும் பிசினஸ் ஸ்பெஷல் புகைப்படங்கள் பூக்களின் மருத்துவக் குணங்கள் பெட்டகம் சிந்தனை பெண்களுக்கான நோய்களும் இயற்கை மருத்துவமும் பேலியோ டயட் பொடி வகைகள் மசாலா பால் மண்ணில்லாமல் பசுந்தீவனம் வளர்ப்பு மரம் வளர்ப்போம் மருத்துவ டிப்ஸ் மருத்துவ டிப்ஸ் வீடியோ பதிவுகள் மருத்துவக் குணம் நிரம்பிய உணவுகள் மன நலம்! முகவரிகள். மூலிகை சமையல் மூலிகைகள் கீரைகள் மைக்ரோ கீரைகள் ரிலாக்ஸ் ப்ளீஸ் வங்கியில் பல வகை கடன்கள் வடாம் வகைகள் வத்தல் வகைகள் வரலாற்றில் ஒரு ஏடு வருமான வரி விவசாயக்குறிப்புக்கள் விஷப்பூச்சிகள் கடிக்கு இயற்கை வைத்தியம் வீடியோ பதிவுகள் வீட்டிலிருந்தே சம்பாதிக்க வீட்டுக்குறிப்புக்கள் வேலை வாய்ப்புகள் ஜூஸ் வகைகள் ஷாப்பிங் போகலாமா..? ஹெல்த் ஸ்பெஷல் ஹோமியோபதி மருத்துவம்
item