நாட்டு மருந்துக் கடை - 21

நாட்டு மருந்துக் கடை - 21 நா ட்டு  மருந்துக்கடையை அன்றைக்கு அதிக மக்கள் நாடியது மூட்டுவலிக்கான வீட்டு வைத்தியத்த...

நாட்டு மருந்துக் கடை - 21

நாட்டு  மருந்துக்கடையை அன்றைக்கு அதிக மக்கள் நாடியது மூட்டுவலிக்கான வீட்டு வைத்தியத்துக்குத்தான். அப்படி மூட்டுவலியைக் குணப்படுத்தும் முக்கிய மூலிகைகளுள் ஒன்று சிற்றாமுட்டி. சித்த மருத்துவம், ஆயுர்வேதம் இரண்டிலுமே வாத நோய்க்கான மருந்தில் மறக்காமல் சேர்க்கப்படும் எளிய மூலிகை சிற்றாமுட்டி.  துவர்ப்புச்சுவை உடைய சிற்றாமுட்டியின் இலை, தழை,வேர் என அனைத்துப் பாகங்களும் மருத்துவத்துக்குப் பயன்படுகின்றன.
‘அத்தி சுரமுதல் அனந்தசுரம் பித்தமும் போம்’ என்ற அகத்தியரின் பாடல், சிற்றாமுட்டி பலவகை ஜுரங்களைப் போக்கும் என்கிறது. உடலில் உள்ள வெப்பத்தை அகற்றி, எலும்பு ஜுரத்தைக் குறைக்கும்.சிற்றாமுட்டியின் வேர்க் கஷாயம் இன்றும் கிராமப்புறத்தில் ஜுரத்துக்கான முக்கியமான கைவைத்தியம். ஜுரத்துடன் உடல்வலியையும் போக்கும் இதன் மருத்துவத்தன்மையே இதற்குக் காரணம். 
நின்றே பணிபுரியும் ஆசிரியர், காவலர், இல்லத்தரசி போன்றோரை குதிகால் வலி பாடாய்படுத்தும். உள்ளங்கால் திசுப்படல அழற்சி (Plantar fasciitis)அல்லது குதிகால் எலும்பு பாதிப்பு (Calaneal spur) காரணமாக வரும் இந்தக் குதிகால் வலியைப் போக்க, சிற்றாமுட்டி வேர், பசுவின் பால், இளநீர் கொண்டு செய்யப்படும் சிற்றாமுட்டி மடக்குத் தைலத்தை தினமும் அரை டீஸ்பூன் அளவு உள்ளுக்கு எடுத்துக்கொண்டு, வலி உள்ள குதிகால் பகுதிகளில் லேசாகத் தடவிக்கொடுக்க வேண்டும். மேலும், இந்த மடக்குத் தைலத்தை, கர்ப்பப்பை சார்ந்த நோய்கள், உடல் சோர்வு, சைனஸ் தொந்தரவுகளுக்கும் உபயோகிக்கலாம். வெளியேயும் உள்ளேயும் பயன்படுத்தப்படும் சில சித்த மருத்துவ எண்ணெய் வகைகளில் சிற்றாமுட்டித் தைலமும் ஒன்று.
சிறுநீர்ப்பெருக்கும் தன்மை (Diuretic) கொண்ட சிற்றாமுட்டி, சிறுநீர்ப்பாதை தொற்றுகளை விரைவாக வெளியேற்றும். வறட்சி அகற்றும் தன்மையும் (Emollient) இருப்பதால், எண்ணெய் சத்து இழந்து அல்லது கொஞ்சம் வறண்டு ஏற்படும் ‘ஆஸ்டியோஆர்த்ரைடிஸ்’ என்னும் வயோதிக மூட்டுத் தேய்மானத்துக்கு இந்தத் தைலம் சரியான தேர்வு. வலியுடன் வீக்கமும் கொண்டிருக்கும், ருமட்டாய்டு அல்லது அடிபட்டு வரும் மூட்டுவலிக்கும் இதன்  வீக்கமுறுக்கி (Anti-inflammatory) செயல்திறனால் பயன் கிடைக்கும்.
வாசிஸின் (Vasicine) மற்றும் வாசிசீனன் (Vasicinone) சத்து சிற்றாமுட்டியில் இருப்பது இந்த மூலிகைக்குக் கூடுதல் சிறப்பு. கபத்தை அறுத்து, வாதம் குறைக்கும் மூலிகைதான் ஆஸ்துமாவுக்கான சரியான தேர்வாக இருக்கும். மூச்சுக்குழாய் தளர்த்தியாகவும் (Bronchodilator), வலி நீக்கியாகவும் மலமிலக்கியாவும் செயல்பட்டு, ஆஸ்துமா நோயில் இருந்து, சிற்றாமுட்டி சிறந்த நிவாரணம் அளிக்கும். இதில் உள்ள சில ரசாயனங்கள் கல்லீரலைப் பலப்படுத்தவும், கிருமிகளை அழிப்பதற்கும் பயன்படுகின்றன. மனப் பதற்றத்தை (Anxiety) குறைத்து, மனச்சுமை கூடாது இருக்கவும் சிற்றாமுட்டி உதவுகின்றதாம்.
பக்கவாத நோயாளிகளின் தசைச் செயல்திறனை அதிகரிக்க, சிற்றாமுட்டித் தைலத்தைக்கொண்டு செய்யும் வர்மத் தடவல், இன்றும் தென் தமிழகத்தின் தொன்மையான சிகிச்சைமுறை. குறிப்பாக, கழுத்து எலும்பு தேய்மானத்துக்கும், தட்டு விலகல் நோய்க்கும் முகவாதத்துக்கும் இதன் எண்ணெயைக்கொண்டு வர்ம சிகிச்சையையும், ‘தொக்கண சிகிச்சை’ எனும் மருத்துவ மசாஜையும் சித்த மருத்துவர்கள் செய்வர்.
வெறும் வாதநோய் மட்டும் அல்லாது, பல பித்த நோய்கள், குன்மம், பசியின்மை ஆகிய நோய்களுக்கு மருந்தாகப் பயன்படும் சரபங்க வில்வாதி லேகியத்திலும், ரத்தக் குறைவு, உடல் பலவீனம், இளநரை போன்ற நோய் நிலைகளுக்கு வழங்கப்படும் கரிசாலை லேகியத்திலும், சிற்றாமுட்டி வேர் மிக முக்கிய மருந்துப்பொருள்.  தூக்கத்தில் விந்துகழிதல், விரைவில் விந்து வெளியேறுதல் போன்ற நிலைகளுக்கு, சிற்றாமுட்டி வேர் சூரணம், அமுக்கரா கிழங்குப் பொடி, நீர்முள்ளி விதைப் பொடி, ஜாதிக்காய்ப் பொடி, முருங்கைப் பிசின் சேர்த்த கலவையை இரண்டு கிராம் பால் அல்லது நெய்யில் தினமும் இரு வேளை சாப்பிட, விரைவில் மாற்றம் உறுதி.
சிற்றாமுட்டியின் வேர்ப் பொடி 500 கிராம் எடுத்து, மூன்று லிட்டர் தண்ணீர் சேர்த்து, 750 மி.லி அளவுக்குக் குறுக்கி, அதில், மிளகு, ஏலம், வெட்டிவேர், சுக்கு, மிளகு ஆகியவற்றை வகைக்கு 20 கிராம் சேர்த்து, 1 லிட்டர் நல்லெண்ணெயும் சேர்த்துக் காய்ச்சி எடுத்துக்கொண்டு, வாரம் இரு முறை தலைக்குத் தேய்த்துக் குளித்துவர, உடலில் வாதம் அதிகரிப்பதால் உண்டாகும் மூட்டு வலி, உடல் வலி போன்றவை சொல்லாமல் தெறித்து ஓடும்.
வயதானவர்களின் மூட்டு வலி, வீக்கம், உடல் வலி போன்ற வாத நோய்களை நீக்கி, அவர்களின் அன்பு ஊன்றுகோலாகப் பயன்படும் சிற்றாமுட்டிக்கு, அந்த அன்பின் அடையாளமாக இதய வடிவ இலைகளைக் கொடுத்திருக்கிறது இயற்கை!
பாரம்பர்ய மருத்துவங்களில் சிற்றாமூட்டி!
பல்வேறு நாடுகளின் பாரம்பர்ய மருத்துவத்தில் சிற்றாமுட்டியின் பயன்பாடு இன்றும் அதிகமாக உள்ளது. ஆப்பிரிக்க நாட்டுப் பழங்குடியினர், நுரையீரல் சார்ந்த நோய்களுக்கு இதனை அருமருந்தாகப் பாவிக்கின்றனர்.  மூல நோயினைப் போக்க, இதன் இலைகளை, கீரை போல சமைத்துச் சாப்பிடும் பழக்கம் இன்றும் இருக்கிறது.

Related

நாட்டு வைத்தியம் 6343005239003579809

Post a Comment

Find Here

Date & Time

No. of Posts

Follow Pettagum on Twitter

Follow pettagum on Twitter

Counter From Jan 15 2011

Try this

Total Pageviews

Contributors

Popular Posts

Blog Archive

Followers

Cloud Labels

30 நாள் 30 வகை சிறுதானிய உணவுகள் 30 நாள் 30 வகை சமையல் E-BOOKS GOVERNMENT LINKS Greetings WWW-Service Links அக்கு பிரஷர் சிகிச்சை முறைகள். அடை வகைகள். அமுத மொழிகள் அழகு குறிப்புகள். ஆசனம் ஆப்பிள் சிடர் வினிகர் ஆரோக்கியம் காக்கும். ஆயுர்வேத மருத்துவம் ஆறு சுவையும்... அஞ்சறைப் பெட்டியும்... இஃப்தார் நோன்பு ஸ்பெஷல் இந்த நாள் இனிய நாள் இந்தியா நமது தேசம்! தேசத்தின் நேசம் காப்போம்!! இய‌ற்கை மருந்துகளின் ஆயுள்காலம் இய‌ற்கை வைத்தியம் இன்ஷூரன்ஸ் இஸ்லாமிய உணவுகள். ஈஸியா பேசலாம் இங்கிலிஷ்! உங்களுக்கு உதவும் சட்டங்கள் உடலுக்கு வலிவு தரும் சூப்கள் உடற்பயிற்சி உணவே மருந்து உபயோகமான தகவல்கள் ஊறுகாய்கள் ஃபண்ட் முதலீடுகள் கணிணிக்குறிப்புக்கள் கல்வி வழிக்காட்டி கவிதைத்துளிகள் கன்சல்ட்டிங் ரூம் காய்கறிகளின் மருத்துவ குணங்கள் கால்நடை வளர்ப்பு கால்நடைகளுக்கான இயற்கை மருத்துவம் காளான் வளர்ப்பு குழந்தைகள் நலம்! குழம்பு வகைகள் குளிர் பானங்கள் கை மருந்துகள் சட்னிகள் சமையல் அரிச்சுவடி சமையல் குறிப்புகள் சமையல் குறிப்புகள்-அசைவம்! சமையல் குறிப்புகள்-சைவம்! சமையல் சந்தேகங்கள்-கேள்வி-பதில் சர்க்கரை நோயைக் கட்டுப்படுத்தும் உணவுகள் சித்த மருத்துவம் சிறுதானிய உணவுகள் சுற்றுலா சூரணம் சேமிப்பின் சிறப்பு டெங்குக் காய்ச்சல். தமிழகத்தின் சுற்றுலா தளங்கள் தமிழால் இணைவோம் தமிழ்ப் பழமொழிகளும் சொலவடைகளும் தாய் சேய் நலம்! துவையல்கள் நாட்டு மருந்துகளின் பெயர்கள் நாட்டு வைத்தியம் நாட்டுப்புறப் பாடல்கள். நில அளவுகள் அறிவோம் நீங்களும் பிசினஸ்மேன் ஆகலாம் நீதி நூல்கள் பச்சடிகள் பலவிதம் பரீட்சை சுலபமாக பழங்களின் பயன்கள் பாட்டி வைத்தியம் பிசிஓஎஸ் பிரச்னை குணமாகும் பிசினஸ் ஸ்பெஷல் புகைப்படங்கள் பூக்களின் மருத்துவக் குணங்கள் பெட்டகம் சிந்தனை பெண்களுக்கான நோய்களும் இயற்கை மருத்துவமும் பேலியோ டயட் பொடி வகைகள் மசாலா பால் மண்ணில்லாமல் பசுந்தீவனம் வளர்ப்பு மரம் வளர்ப்போம் மருத்துவ டிப்ஸ் மருத்துவ டிப்ஸ் வீடியோ பதிவுகள் மருத்துவக் குணம் நிரம்பிய உணவுகள் மன நலம்! முகவரிகள். மூலிகை சமையல் மூலிகைகள் கீரைகள் மைக்ரோ கீரைகள் ரிலாக்ஸ் ப்ளீஸ் வங்கியில் பல வகை கடன்கள் வடாம் வகைகள் வத்தல் வகைகள் வரலாற்றில் ஒரு ஏடு வருமான வரி விவசாயக்குறிப்புக்கள் விஷப்பூச்சிகள் கடிக்கு இயற்கை வைத்தியம் வீடியோ பதிவுகள் வீட்டிலிருந்தே சம்பாதிக்க வீட்டுக்குறிப்புக்கள் வேலை வாய்ப்புகள் ஜூஸ் வகைகள் ஷாப்பிங் போகலாமா..? ஹெல்த் ஸ்பெஷல் ஹோமியோபதி மருத்துவம்
item