வாசகிகள் கைமணம் ஃப்ரூட் பேடா... ஓட்ஸ் வடை!

வாசகிகள் கைமணம் ஃப்ரூட்  பேடா... ஓட்ஸ் வடை! அவல் - சேமியா - ஓட்ஸ் வடை தேவையானவை : அவல், பொட...

வாசகிகள் கைமணம்

ஃப்ரூட்  பேடா... ஓட்ஸ் வடை!
அவல் - சேமியா - ஓட்ஸ் வடை


தேவையானவை: அவல், பொடித்த சேமியா, ஓட்ஸ் - தலா ஒரு கப், தயிர் - 2 கப், பொடியாக நறுக்கிய காய்கறிகள் (கோஸ், பெரிய வெங்காயம், கேரட், குடமிளகாய்) - ஒரு கப், பொடியாக நறுக்கிய இஞ்சி, பச்சை மிளகாய், கறிவேப்பிலை, உப்பு - தேவையான அளவு, எண்ணெய் - பொரிக்கத் தேவையான அளவு
செய்முறை: தயிரில் உப்பைக் கலக்கவும். இதில் அவல், ஓட்ஸ், சேமியாவைச் சேர்த்து அரை மணி நேரம் ஊறவிடவும். ஊறிய பொருட்களுடன் நறுக்கிய இஞ்சி, பச்சை மிளகாய், கறிவேப்பிலை சேர்த்துக் கலக்கவும். பின்னர் நறுக்கிய காய்களை வதக்கி சேர்த்து நன்கு கலக்கவும். எண்ணெயைக் காயவிட்டு, செய்துவைத்த கலவையை சிறுசிறு வடைகளாகத் தட்டிப் போட்டு இருபுறமும் வேகவிட்டு, எண்ணெய் வடித்து எடுத்து வைக்கவும்.
வடை மாவு தளர இருந்தால் கடலை மாவு அல்லது சோள மாவு கொஞ்சம் சேர்த்து வடை தட்டலாம்.

தேங்காய் - மாங்காய் - பட்டாணி சாதம்


தேவையானவை: பச்சரிசி - 2 கப், மாங்காய் - ஒன்று (பெரியது), தேங்காய் - அரை முடி, பச்சைப் பட்டாணி - 200 கிராம், கேரட் - ஒன்று (சிறியது), இஞ்சி - சிறிய துண்டு, கறிவேப்பிலை - சிறிதளவு, கடுகு - ஒரு டீஸ்பூன், கடலைப்பருப்பு - ஒரு டேபிள்ஸ்பூன், முந்திரி - 10, பச்சை மிளகாய் - 4, எண்ணெய் - 4 டேபிள்ஸ்பூன், உப்பு - தேவையான அளவு.
செய்முறை: அரிசியைக் கழுவி, உதிர் உதிராக சாதம் வடித்து வைக்கவும். பச்சைப் பட்டாணியை ஆவியில் வேகவைத்து தனியே வைக்கவும். தேங்காயை பல்லு பல்லாக மிகவும் சிறிதாக நறுக்கி வைக்கவும். கேரட்டை பொடியாக நறுக்கி வைக்கவும். மாங்காயைத் தோல் சீவி, துருவி வைக்கவும்.
வாணலியில் எண்ணெய் ஊற்றி, முந்திரியை வறுத்து எடுத்து தனியே வைக்கவும். பின்பு எண்ணெயில் கடுகை சேர்த்து, பொரிந்ததும் கடலைப்பருப்பு போட்டு, சிவந்ததும் மாங்காய் துருவல், சேர்த்து வதக்கவும். இதில் பச்சை மிளகாயை இரண்டாகக் கீறிப் போட்டு.... நறுக்கிய இஞ்சி, கேரட், கறிவேப்பிலை, தேங்காய்த் துண்டுகள், வெந்த பச்சை பட்டாணி, உப்பு சேர்த்து நன்றாக வதக்கவும். பிறகு, சாதத்தைப் போட்டுக் கிளறி, வறுத்த முந்திரி சேர்த்துக் கலந்து இறக்கி பரிமாறவும்.

கம்பு மாவு - ஃப்ரூட் பேடா


தேவையானவை: கம்பு மாவு, கோதுமை மாவு - தலா அரை கப், துருவிய கேரட், ஆப்பிள் - தலா அரை கப், பால் - முக்கால் கப், மில்க்மெய்டு - 4 டீஸ்பூன், நெய் - 4 டீஸ்பூன், வெண்ணெய் - 50 கிராம், சர்க்கரை - 500 கிராம், பாதாம், முந்திரி, திராட்சை, பேரீச்சை - தலா 6, குங்குமப்பூ - 3 சிட்டிகை, ஏலக்காய்த்தூள் - அரை டீஸ்பூன், எண்ணெய், உப்பு - தேவைக்கேற்ப.
செய்முறை: வாணலியில் நெய் விட்டு ஆப்பிள், கேரட்டை தனித்தனியே வதக்கி இரண்டையும் சேர்த்து, பால் விட்டு, வேகவிடவும். வெந்து பால் வற்றியதும் நறுக்கிய பாதாம், முந்திரி, பேரீச்சை மற்றும்  திராட்சை, மில்க்மெய்டு சேர்த்துக் கிளறி, உருட்டும் பதம் வந்தவுடன் வேறு பாத்திரத்துக்கு மாற்றி ஆறவிடவும். ஒரு பாத்திரத்தில் கம்பு மாவு, கோதுமை மாவுடன் உப்பு சேர்த்து, அடுத்து வெண்ணெய் சேர்த்து நன்கு கலந்து நீர் தெளித்து கெட்டியாகப் பிசைந்து 30 நிமிடங்கள் அப்படியே மூடி வைக்கவும்.
வேறு ஒரு பாத்திரத்தில் சர்க்கரையில் மூழ்கும் அளவு தண்ணீர் விட்டு அடுப்பில் ஏற்றவும்.  சர்க்கரை கரைந்து கொதி வரும்போது குங்குமப்பூ, ஏலக்காய்த்தூள் சேர்த்து அடுப்பை குறைவான தீயில் வைத்து (கொதிக்கும்போது ஒரு ஸ்பூன் எலுமிச்சைச் சாறு சேர்த்தால் பூத்து வராமலிருக்கும்), ஒரு கம்பி பதத்தில் பாகு காய்ச்சி வைக்கவும். இதுதான் ஜீரா. பிசைந்து வைத்த மாவை சிறு உருண்டைகளாக எடுத்து பூரியாக தேய்த்து, நடுவில் ஆப்பிள் - கேரட் கலவையை வைத்து ஓரத்தில் தண்ணீர் தடவி விருப்பம் போல் மடித்து வைத்துக்கொள்ளவும். இதுதான் பேடா. வாணலியில் எண்ணெயை சூடாக்கி, மிதமான சூட்டில் இருக்கும்போது பேடாக்களைப் போட்டு பொரித்து எடுத்து ஜீராவில் போட்டு 15-20 நிமிடம் ஊறிய பின் பரிமாறவும்.
விருப்பப்பட்டால், மேலாக ஐஸ்க்ரீம் வைத்து குழந்தைகளுக்குக் கொடுக்கலாம்.

Related

சமையல் குறிப்புகள்-சைவம்! 7508230330477697783

Post a Comment

Find Here

Date & Time

No. of Posts

Follow Pettagum on Twitter

Follow pettagum on Twitter

Counter From Jan 15 2011

Try this

Total Pageviews

Contributors

Popular Posts

Blog Archive

Followers

Cloud Labels

30 நாள் 30 வகை சிறுதானிய உணவுகள் 30 நாள் 30 வகை சமையல் E-BOOKS GOVERNMENT LINKS Greetings WWW-Service Links அக்கு பிரஷர் சிகிச்சை முறைகள். அடை வகைகள். அமுத மொழிகள் அழகு குறிப்புகள். ஆசனம் ஆப்பிள் சிடர் வினிகர் ஆரோக்கியம் காக்கும். ஆயுர்வேத மருத்துவம் ஆறு சுவையும்... அஞ்சறைப் பெட்டியும்... இஃப்தார் நோன்பு ஸ்பெஷல் இந்த நாள் இனிய நாள் இந்தியா நமது தேசம்! தேசத்தின் நேசம் காப்போம்!! இய‌ற்கை மருந்துகளின் ஆயுள்காலம் இய‌ற்கை வைத்தியம் இன்ஷூரன்ஸ் இஸ்லாமிய உணவுகள். ஈஸியா பேசலாம் இங்கிலிஷ்! உங்களுக்கு உதவும் சட்டங்கள் உடலுக்கு வலிவு தரும் சூப்கள் உடற்பயிற்சி உணவே மருந்து உபயோகமான தகவல்கள் ஊறுகாய்கள் ஃபண்ட் முதலீடுகள் கணிணிக்குறிப்புக்கள் கல்வி வழிக்காட்டி கவிதைத்துளிகள் கன்சல்ட்டிங் ரூம் காய்கறிகளின் மருத்துவ குணங்கள் கால்நடை வளர்ப்பு கால்நடைகளுக்கான இயற்கை மருத்துவம் காளான் வளர்ப்பு குழந்தைகள் நலம்! குழம்பு வகைகள் குளிர் பானங்கள் கை மருந்துகள் சட்னிகள் சமையல் அரிச்சுவடி சமையல் குறிப்புகள் சமையல் குறிப்புகள்-அசைவம்! சமையல் குறிப்புகள்-சைவம்! சமையல் சந்தேகங்கள்-கேள்வி-பதில் சர்க்கரை நோயைக் கட்டுப்படுத்தும் உணவுகள் சித்த மருத்துவம் சிறுதானிய உணவுகள் சுற்றுலா சூரணம் சேமிப்பின் சிறப்பு தமிழகத்தின் சுற்றுலா தளங்கள் தமிழால் இணைவோம் தமிழ்ப் பழமொழிகளும் சொலவடைகளும் தாய் சேய் நலம்! துவையல்கள் நாட்டு மருந்துகளின் பெயர்கள் நாட்டு வைத்தியம் நாட்டுப்புறப் பாடல்கள். நில அளவுகள் அறிவோம் நீங்களும் பிசினஸ்மேன் ஆகலாம் நீதி நூல்கள் பச்சடிகள் பலவிதம் பரீட்சை சுலபமாக பழங்களின் பயன்கள் பாட்டி வைத்தியம் பிசிஓஎஸ் பிரச்னை குணமாகும் பிசினஸ் ஸ்பெஷல் புகைப்படங்கள் பூக்களின் மருத்துவக் குணங்கள் பெட்டகம் சிந்தனை பெண்களுக்கான நோய்களும் இயற்கை மருத்துவமும் பேலியோ டயட் பொடி வகைகள் மசாலா பால் மண்ணில்லாமல் பசுந்தீவனம் வளர்ப்பு மருத்துவ டிப்ஸ் மருத்துவ டிப்ஸ் வீடியோ பதிவுகள் மருத்துவக் குணம் நிரம்பிய உணவுகள் மன நலம்! முகவரிகள். மூலிகை சமையல் மூலிகைகள் கீரைகள் மைக்ரோ கீரைகள் ரிலாக்ஸ் ப்ளீஸ் வங்கியில் பல வகை கடன்கள் வடாம் வகைகள் வத்தல் வகைகள் வரலாற்றில் ஒரு ஏடு வருமான வரி விவசாயக்குறிப்புக்கள் விஷப்பூச்சிகள் கடிக்கு இயற்கை வைத்தியம் வீடியோ பதிவுகள் வீட்டிலிருந்தே சம்பாதிக்க வீட்டுக்குறிப்புக்கள் வேலை வாய்ப்புகள் ஜூஸ் வகைகள் ஷாப்பிங் போகலாமா..? ஹெல்த் ஸ்பெஷல் ஹோமியோபதி மருத்துவம்
item