வகை வகையாய்... கத்திரிக்காய்ச் சமையல்!

வகை வகையாய்... கத்திரிக்காய்ச் சமையல்! வாங்கி பாத்  பஹாரா பைங்கன்  பைங்கன் பர்த்தா பைங்கன் முஸ்ஸலா...

வகை வகையாய்... கத்திரிக்காய்ச் சமையல்!
வாங்கி பாத் 
பஹாரா பைங்கன் 
பைங்கன் பர்த்தா
பைங்கன் முஸ்ஸலாம் 
கத்திரிக்காய் பெப்பர் அண்ட் சால்ட்
கத்திரிக்காய் ரோஸ்ட் 
பிரின்ஜால் ஃப்ரை 
வழுதலங்காய் கறி
சிறு கத்திரிக்காய் தக்காளித் தொக்கு
சிலோன் பிரின்ஜால் மசாலா 
கத்திரிக்காய் குழி மண்டி
விதவிதமான இந்தக் கத்திரிக்காய்ச் சமையலைச் செய்து அசத்துங்கள்... ‘பிரின்ஜால் ரெசிப்பி க்யூன்’ பட்டம் தானாகத் தேடி வரும்!
* இந்த ரெசிப்பிக்களை வழங்கியவர் செஃப் பழனிமுருகன்

வாங்கி பாத்
தேவையானவை:
பொடியாக நறுக்கிய கத்திரிக்காய் - 5
பொடியாக நறுக்கிய பெரிய
வெங்காயம் - 1
மிதமாக வேகவைத்த பச்சரிசி சாதம் - 1 கப்
உப்பு  - தேவையான அளவு.
வாங்கிபாத் பொடி செய்ய:
கடலைப்பருப்பு - 1 டேபிள்ஸ்பூன்
உளுந்து - அரை டேபிள்ஸ்பூன்
மல்லி (தனியா) - 1 டேபிள்ஸ்பூன்
காய்ந்த மிளகாய் - 5
ஏலக்காய் - 1
பட்டை - 1
எண்ணெய் - 1 டேபிள்ஸ்பூன்.
தாளிக்க:
எண்ணெய் - 1 டேபிள்ஸ்பூன்
கடுகு - 1 டீஸ்பூன்
கடலைப்பருப்பு - 1 டேபிள்ஸ்பூன்
கறிவேப்பிலை - சிறிதளவு
செய்முறை:
பொடி செய்யத் தேவையானவற்றை எல்லாம் வாணலியில் சிறிது எண்ணெய் ஊற்றி, வறுத்து ஆறியதும் மிக்ஸியில் பொடி செய்து வைக்கவும். தாளிக்கக் கொடுத்த பொருட்களைத் தாளித்து, இதில் வெங்காயத்தைச் சேர்த்து பொன்னிறமாக வதக்கி, கத்திரிக்காய் சேர்த்து நன்கு வதக்கவும். வதங்கியதும் தேவையான அளவு உப்பு மற்றும் வாங்கி பாத் பொடி சேர்த்துக் கிளறி, பச்சரிசி சாதம் சேர்த்து இரண்டு நிமிடம் சிம்மில் வைத்து இறக்கிப் பரிமாறவும்.

பஹாரா பைங்கன் 
தேவையானவை:
கத்திரிக்காய் - 4
பொடியாக நறுக்கிய பெரியவெங்காயம் - 2
பொடியாக நறுக்கிய பூண்டு - 5 பல்
பொடியாக நறுக்கிய இஞ்சி - சிறிதளவு
பச்சைமிளகாய் - 2
கொத்தமல்லித்தழை - சிறிதளவு
எண்ணெய் - தேவையான அளவு
உப்பு - தேவையான அளவு
மஞ்சள்தூள் - 1 டீஸ்பூன்.
அரைக்க:
நிலக்கடலை - 2 டேபிள்ஸ்பூன்
துருவிய தேங்காய் - 2 டேபிள்ஸ்பூன்
வெள்ளை எள் - 1 டீஸ்பூன்
கசகசா - 1 டீஸ்பூன்
மல்லி (தனியா) - அரை டீஸ்பூன்
சீரகம் - 1 டீஸ்பூன்
பட்டை - 1 டீஸ்பூன்
கிராம்பு - 1 டீஸ்பூன்
மிளகு - அரை டீஸ்பூன்
ஏலக்காய் - 1 டீஸ்பூன்

செய்முறை:
வாணலியில் சிறிது எண்ணெய் ஊற்றிக் காய்ந்ததும், அரைக்கக் கொடுத்துள்ள பொருட்களை, ஒன்றன் பின் ஒன்றாகப் போட்டு வறுத்து ஆறியதும், மிக்ஸியில் பொடி செய்து வைக்கவும். கத்திரிக்காயை நான்காக வெட்டி, ஒரு கப் தண்ணீரில் சிறிது உப்பு சேர்த்து அதில் போடவும் (இது கத்திரிக்காயை நிறம் மாறாமல் வைக்க உதவும்). வாணலியில் சிறிது எண்ணெய் ஊற்றிப் பொடியாக நறுக்கிய வெங்காயம், பூண்டு, இஞ்சி, பச்சைமிளகாய்  சேர்த்து நன்கு வதக்கி, அதனுடன் கத்திரிக்காயைச் சேர்த்து வதக்கிக் கொள்ளவும். கத்திரிக்காய் நன்கு வதங்கியதும், மஞ்சள் தூள், உப்பு, அரைத்து  வைத்துள்ள மசாலாத்தூள் சேர்த்து, 10 நிமிடம் வேக வைத்து இறக்கி கொத்தமல்லித்தழை சேர்த்துப் பரிமாறவும்.

பைங்கன் பர்த்தா
தேவையானவை:
கத்திரிக்காய் - 2
பொடியாக நறுக்கிய பெரியவெங்காயம் - 1
பொடியாக நறுக்கிய தக்காளி - 2
பொடியாக நறுக்கிய பூண்டு - 5 பல்
பொடியாக நறுக்கிய இஞ்சி - சிறிதளவு
பொடியாக நறுக்கிய பச்சைமிளகாய் - 2
உப்பு - தேவையான அளவு
எண்ணெய் - தேவையான அளவு
மிளகாய்த்தூள் - அரை டீஸ்பூன்
கொத்தமல்லித்தழை - சிறிதளவு
செய்முறை:
கத்திரிக்காயைக் கழுவி சிறிது நேரம் தண்ணீர் வடிய விடவும். வடிந்ததும் அதன் தோல் மீது சிறிது எண்ணெய் தடவி, அடுப்பை சிம்மில் வைத்து, இடுக்கியின் உதவியுடன் கத்திரிக்காயைச் சுட்டுக் கொள்ளவும். ஆறியதும் கத்திரிக்காயின் தோலை நீக்கிப் பிசிறி வைத்துக்கொள்ளவும். அடுப்பில் வாணலியை வைத்து சிறிதளவு எண்ணெய் ஊற்றி வெங்காயம், பூண்டு, இஞ்சி, பச்சைமிளகாய், தக்காளி சேர்த்து நன்கு கலவை ஆகும் வரை வதக்கி, கத்திரிக்காயைச் சேர்த்து உப்பு மற்றும் மிளகாய்த்தூள் கலந்து 5 நிமிடம் வேகவைத்து, கொத்தமல்லித்தழை சேர்த்து இறக்கவும்.

பைங்கன் முஸ்ஸலாம்
தேவையானவை:
சிறிய கத்திரிக்காய் - 4
நெய் - 2 டேபிள்ஸ்பூன்
சீரகம் - அரை டீஸ்பூன்
பொடியாக நறுக்கிய பெரிய வெங்காயம் - 1
இஞ்சி - பூண்டு விழுது - 2 டீஸ்பூன்
மிளகாய்த்தூள் - 1 டீஸ்பூன்
மல்லித்தூள் (தனியாத்தூள்) -
1 டீஸ்பூன்
மஞ்சள் தூள் - 1 டீஸ்பூன்
பொடியாக நறுக்கிய தக்காளி - 3
தக்காளி பியூரி - 5 டீஸ்பூன்
கொத்தமல்லித்தழை - சிறிதளவு
எண்ணெய் - தேவையான அளவு
உப்பு - தேவையான அளவு
செய்முறை:
கத்திரிக்காயை நான்காக நறுக்கிக்கொள்ளவும். வாணலியில் எண்ணெய் ஊற்றி காய்ந்ததும், கத்திரிக்காயைப் பொரித்தெடுத்து ஆறவிடவும். மற்றொரு வாணலியை அடுப்பில் வைத்து நெய் ஊற்றி உருகியதும் சீரகம் சேர்த்துப் பொரிய விடவும். இதில் பொடியாக நறுக்கிய வெங்காயம் சேர்த்து பொன்னிறமாக வதக்கவும். இத்துடன் தக்காளி சேர்த்து வதக்கி, இஞ்சி-பூண்டு விழுது, மிளகாய்த்தூள், மல்லித்தூள் (தனியாத்தூள்), மஞ்சள்தூள், கொத்தமல்லித்தழை சேர்த்து பச்சை வாசம் போகும் வரை வதக்கி, எண்ணெய் பிரிந்து வந்ததும் உப்பு மற்றும் தக்காளி பியூரி சேர்த்து 5 நிமிடம் கொதிக்க விடவும். பிறகு பொரித்து வைத்துள்ள கத்திரிக்காயைச் சேர்த்து 5 நிமிடம் வேக வைத்து இறக்கிப் பரிமாறவும்.

கத்திரிக்காய் பெப்பர் அண்ட் சால்ட்
தேவையானவை:
கத்திரிக்காய் - 5
பொடியாக நறுக்கிய இஞ்சி  -
1 டேபிள்ஸ்பூன்
பொடியாக நறுக்கிய பூண்டு -
1 டேபிள்ஸ்பூன்
கார்ன்ஃபிளார் - 2 டீஸ்பூன்
மைதா மாவு - 2 டீஸ்பூன்
பொடியாக நறுக்கிய பெரியவெங்காயம் - 1
பொடியாக நறுக்கிய பச்சைமிளகாய் - 2
மிளகுத்தூள் - 2 டீஸ்பூன்
ஸ்பிரிங் ஆனியன் - 1.
உப்பு, எண்ணெய் - தேவையான அளவு
செய்முறை:
கத்திரிக்காயை விரும்பும் வடிவில் நறுக்கிக் கொள்ளவும். ஒரு பாத்திரத்தில் மைதா மாவு, கார்ன் ஃபிளார் ஆகியவற்றை சிறிது தண்ணீர் சேர்த்துக் கொஞ்சம் கெட்டியாகப் பிசைந்துகொள்ளவும். அதில் கத்திரிக்காயைச் சேர்த்து சிறிது நேரம் ஊற வைத்து, பக்கோடா போன்று எண்ணெயில் பொரித்து எடுக்கவும். வேறு வாணலியில் எண்ணெய் ஊற்றி காய்ந்ததும் பொடியாக நறுக்கிய இஞ்சி, பூண்டு, பச்சைமிளகாய், வெங்காயம் ஆகியவற்றை பச்சை வாசனை போகும்வரை வதக்கி, பொரித்தெடுத்திருக்கும் கத்திரிக்காயை அதனுடன் கலந்து, உப்பு மற்றும் மிளகுத்தூள் சேர்த்து வதக்கி, ஸ்பிரிங் ஆனியன் கொண்டு அழகுபடுத்திப் பரிமாறவும்.

கத்திரிக்காய் ரோஸ்ட்
தேவையானவை:
 கத்திரிக்காய் - 2
 மஞ்சள்தூள் - கால் டீஸ்பூன்
 மிளகாய்த்தூள் - ஒரு டீஸ்பூன்
 மல்லித்தூள் (தனியாத்தூள்) - கால் டீஸ்பூன்
 சீரகம் - 1 டீஸ்பூன்
 உப்பு - தேவையான அளவு
 எண்ணெய் - தேவையான அளவு.
செய்முறை:
கத்திரிக்காயை வட்டவடிவில் வெட்டிக்கொள்ளவும். இதை சிறிது நேரம் தண்ணீரில் ஊற வைக்கவும். எண்ணெய் நீங்கலாக மற்ற பொருட்கள் அனைத்தையும் ஒரு பாத்திரத்தில் ஒன்றாகக் கலந்து, அதில் கத்திரிக்காயைப் போட்டுப் புரட்டி எடுக்கவும். தோசைக்கல்லில் எண்ணெய் ஊற்றி, அதில் கத்திரிக்காய் இருபுறமும் நன்கு வேகுமாறு புரட்டி எடுத்துப் பரிமாறவும்.

பிரின்ஜால் ஃப்ரை
தேவையானவை:
கத்திரிக்காய் - 4
கடலைமாவு - 2 டேபிள்ஸ்பூன்
அரிசிமாவு - 1 டேபிள்ஸ்பூன்
மிளகாய்த்தூள் - 1 டீஸ்பூன்
சீரகம் - கால் டீஸ்பூன்
மிளகுத்தூள் - 1 டீஸ்பூன்
ஓமம் - 1/4 டீஸ்பூன்
எண்ணெய் - தேவையான அளவு
உப்பு - தேவையான அளவு
செய்முறை:
கத்திரிக்காயைப் பிடித்த வடிவத்தில் வெட்டி தண்ணீரில் போட்டுவிடவும். சிறிது நேரம் கழித்து தண்ணீரை வடித்துவிட்டு, ஒரு பாத்திரத்தில் கடலைமாவு, அரிசிமாவு, மிளகாய்த்தூள், சீரகம், மிளகுத்தூள், ஓமம், உப்பு ஆகியவற்றை ஒன்றாகக் கலந்து கத்திரிக்காயின் மீது தடவி, வாணலியில் எண்ணெய் காய்ந்ததும், பக்கோடா பதத்தில் பொரித்து எடுக்கவும்.

 வழுதலங்காய் கறி
தேவையானவை:
கத்திரிக்காய் - 3
உருளைக்கிழங்கு - 1
தக்காளி - 2
பச்சைமிளகாய் - 2
சின்ன வெங்காயம் - 10
பூண்டு - 5 (இவை அனைத்தையும் பொடியாக நறுக்கிக்கொள்ளவும்)
தேங்காய் எண்ணெய் - 2 டேபிள்ஸ்பூன்
கடுகு - 1 டீஸ்பூன்
உப்பு - தேவையான அளவு
கறிவேப்பிலை - சிறிதளவு
செய்முறை:
கத்திரிக்காய், உருளைக்கிழங்கு, தக்காளி, பச்சைமிளகாய், வெங்காயம், பூண்டு, உப்பு ஆகியவற்றை குக்கரில் போட்டு வேகவைத்துக் கொள்ளவும். வெந்தவுடன் தண்ணீரை வடித்துவிட்டு, வாணலியில் தேங்காய் எண்ணெய் ஊற்றி, காய்ந்ததும் கடுகு, கறிவேப்பிலை சேர்த்துத் தாளித்து, வேக வைத்த பொருட்களைப் போட்டுக் கிளறி இறக்கவும்.

சிறு கத்திரிக்காய் தக்காளித் தொக்கு
தேவையானவை:
 சிறு கத்திரிக்காய் - 4
 பெரிய தக்காளி - 2 (பொடியாக நறுக்கவும்)
 மீடியம் சைஸ் பெரிய வெங்காயம் - 1 (பொடியாக நறுக்கவும்)
 பச்சை மிளகாய் - 2 (பொடியாக நறுக்கவும்)
 பூண்டு - 5 பல்
 கடுகு - 1 டீஸ்பூன்
 உளுத்தம்பருப்பு - அரை டீஸ்பூன்
 எண்ணெய் - 3 டேபிள்ஸ்பூன்
பேஸ்டாக அரைக்க:
 மல்லி (தனியா) - 1 டீஸ்பூன்
 புளி - பெரிய எலுமிச்சை அளவு
 சீரகம் - அரை டீஸ்பூன்
 மிளகு - அரை டீஸ்பூன்
 காய்ந்த மிளகாய் - 2
 உப்பு - தேவையான அளவு
பேஸ்டாக கொடுத்தவற்றை வறுத்து மிக்ஸியில், சிறிதளவு தண்ணீர் விட்டு அரைத்துக் கொள்ளவும்.
செய்முறை:
கத்திரிக்காயைக் கழுவி அடிப்பாகம் வரை நான்காக கீறி விட்டுக் கொள்ளவும். தண்ணீரில் சிறிதளவு உப்பு சேர்த்து கத்திரிக்காயை 10 நிமிடம் ஊற வைக்கவும். பேஸ்டாக அரைத்ததை கத்திரிக்காயின் உள்ளே வைத்து 10 நிமிடம் தனியாக வைக்கவும். வாணலியில் எண்ணெய் ஊற்றி கடுகு, உளுத்தம்பருப்பு, வெங்காயம் சேர்த்து வதக்கி, பூண்டு, பச்சை மிளகாய் போட்டு வதக்கவும். இதில் தக்காளியைச் சேர்த்து கரைய வதக்கி, ஊறிய கத்திரிக்காயைச் சேர்த்து மெதுவாக புரட்டி விடவும். தீயை சிம்மில் வைத்து சிறிது தண்ணீர் தெளித்து, மீதம் இருக்கும் அரைத்த பேஸ்ட், தேவையான அளவு உப்பு சேர்த்து ஐந்து நிமிடம் மூடி போட்டு வேக விடவும். கத்திரிக்காய் உடையாமல் புரட்டி வேக வைத்து எடுத்துப் பரிமாறவும்.

சிலோன் பிரின்ஜால் மசாலா
தேவையானவை:
கத்தரிக்காய் - 5
பெரியவெங்காயம் - 2
தக்காளி - 1
பூண்டு - 10 பல்
இஞ்சி-பூண்டு விழுது - 1 டேபிள்ஸ்பூன்
மிளகாய்த்தூள் - 1 டேபிள்ஸ்பூன்
மல்லித்தூள் (தனியாத்தூள்) -
1 டேபிள்ஸ்பூன்
சீரகத்தூள் - 1/2 டேபிள்ஸ்பூன்
உப்பு - தேவையான அளவு
சோம்பு - 1/2 டேபிள்ஸ்பூன்
சீரகம் - 1/2 டேபிள்ஸ்பூன்
தேங்காய்ப்பால் - 1 கப்
புளிக்கரைசல் - 1 கப்
எண்ணெய் - தேவையான அளவு
செய்முறை:
கத்திரிக்காயை நீளமாக வெட்டி தண்ணீரில் போட்டு முக்கி எடுத்து தண்ணீரை வடிய விடவும். ஒரு பாத்திரத்தில் இஞ்சி - பூண்டு விழுது, மிளகாய்த்தூள், மல்லித்தூள் (தனியாத்தூள்), சீரகத்தூள் சேர்த்து நன்கு கலந்துகொள்ளவும். அந்தக் கலவையில் நீளமாக 6 துண்டுகளாக நறுக்கிய கத்திரிக்காயை நன்கு கலந்து ஊற விடவும். வாணலியில் எண்ணெய் ஊற்றி சோம்பு, சீரகம் போட்டுப் பொரிய விடவும். பின்னர் பூண்டு, வெங்காயம் சேர்த்து பொன்னிறமாக வதக்கவும். அதில் இஞ்சி-பூண்டு விழுது, தக்காளி சேர்த்து பச்சை வாசனை போகும் வரை வதக்கி, அதனுடன் புளிக்கரைசல், உப்பு சேர்த்து 5 நிமிடம் கொதிக்க விடவும். கொதித்ததும் ஊற வைத்துள்ள கத்திரிக்காயைப் போட்டு மிதமான தீயில் 10 நிமிடம் வேக வைத்து, தேங்காய்ப்பால் சேர்த்துக் கிளறி இறக்கிப் பரிமாறவும்.

கத்திரிக்காய் குழி மண்டி
தேவையானவை:
கத்திரிக்காய் - 5
சின்ன வெங்காயம் - 10
பூண்டு - 5 பல்
தக்காளி - 1
பச்சைமிளகாய் - 4
அரிசி மண்டி (அரிசியைக் கழுவிய தண்ணீர்) - 2 கப்
எண்ணெய் - 2  டீஸ்பூன்
கடுகு - 1 டீஸ்பூன்
உளுந்து - அரை டீஸ்பூன்
சோம்பு - அரை டீஸ்பூன்
கறிவேப்பிலை - தேவையான அளவு
புளி - பெரிய எலுமிச்சை அளவு (திக்காக கரைத்துக் கொள்ளவும்)

செய்முறை:
வாணலியில் எண்ணெய் காய்ந்ததும் கடுகு, உளுந்து, கறிவேப்பிலை, சோம்பு, போட்டுத் தாளித்து பூண்டு, வெங்காயம், பச்சை மிளகாய் சேர்த்து பொன்னிறமாக வதக்கவும். பின்னர் தக்காளி சேர்த்து வதக்கி கலவை போல் ஆக்கவும். இதில் சதுரமாக நறுக்கிய கத்திரிக்காயைப் போட்டு வதக்கவும். நன்கு வதங்கியதும் அரிசி மண்டி, புளிக்கரைசல், உப்பு சேர்த்து 5 நிமிடம் வேகவிட்டு இறக்கிப் பரிமாறவும்.

Related

சமையல் குறிப்புகள்-சைவம்! 378409910595061905

Post a Comment

Find Here

Date & Time

No. of Posts

Follow Pettagum on Twitter

Follow pettagum on Twitter

Counter From Jan 15 2011

Try this

Total Pageviews

Contributors

Popular Posts

Blog Archive

Followers

Cloud Labels

30 நாள் 30 வகை சிறுதானிய உணவுகள் 30 நாள் 30 வகை சமையல் E-BOOKS GOVERNMENT LINKS Greetings WWW-Service Links அக்கு பிரஷர் சிகிச்சை முறைகள். அடை வகைகள். அமுத மொழிகள் அழகு குறிப்புகள். ஆசனம் ஆப்பிள் சிடர் வினிகர் ஆரோக்கியம் காக்கும். ஆயுர்வேத மருத்துவம் ஆறு சுவையும்... அஞ்சறைப் பெட்டியும்... இஃப்தார் நோன்பு ஸ்பெஷல் இந்த நாள் இனிய நாள் இந்தியா நமது தேசம்! தேசத்தின் நேசம் காப்போம்!! இய‌ற்கை மருந்துகளின் ஆயுள்காலம் இய‌ற்கை வைத்தியம் இன்ஷூரன்ஸ் இஸ்லாமிய உணவுகள். ஈஸியா பேசலாம் இங்கிலிஷ்! உங்களுக்கு உதவும் சட்டங்கள் உடலுக்கு வலிவு தரும் சூப்கள் உடற்பயிற்சி உணவே மருந்து உபயோகமான தகவல்கள் ஊறுகாய்கள் ஃபண்ட் முதலீடுகள் கணிணிக்குறிப்புக்கள் கல்வி வழிக்காட்டி கவிதைத்துளிகள் கன்சல்ட்டிங் ரூம் காய்கறிகளின் மருத்துவ குணங்கள் கால்நடை வளர்ப்பு கால்நடைகளுக்கான இயற்கை மருத்துவம் காளான் வளர்ப்பு குழந்தைகள் நலம்! குழம்பு வகைகள் குளிர் பானங்கள் கை மருந்துகள் சட்னிகள் சமையல் அரிச்சுவடி சமையல் குறிப்புகள் சமையல் குறிப்புகள்-அசைவம்! சமையல் குறிப்புகள்-சைவம்! சமையல் சந்தேகங்கள்-கேள்வி-பதில் சர்க்கரை நோயைக் கட்டுப்படுத்தும் உணவுகள் சித்த மருத்துவம் சிறுதானிய உணவுகள் சுற்றுலா சூரணம் சேமிப்பின் சிறப்பு டெங்குக் காய்ச்சல். தமிழகத்தின் சுற்றுலா தளங்கள் தமிழால் இணைவோம் தமிழ்ப் பழமொழிகளும் சொலவடைகளும் தாய் சேய் நலம்! துவையல்கள் நாட்டு மருந்துகளின் பெயர்கள் நாட்டு வைத்தியம் நாட்டுப்புறப் பாடல்கள். நில அளவுகள் அறிவோம் நீங்களும் பிசினஸ்மேன் ஆகலாம் நீதி நூல்கள் பச்சடிகள் பலவிதம் பரீட்சை சுலபமாக பழங்களின் பயன்கள் பாட்டி வைத்தியம் பிசிஓஎஸ் பிரச்னை குணமாகும் பிசினஸ் ஸ்பெஷல் புகைப்படங்கள் பூக்களின் மருத்துவக் குணங்கள் பெட்டகம் சிந்தனை பெண்களுக்கான நோய்களும் இயற்கை மருத்துவமும் பேலியோ டயட் பொடி வகைகள் மசாலா பால் மண்ணில்லாமல் பசுந்தீவனம் வளர்ப்பு மருத்துவ டிப்ஸ் மருத்துவ டிப்ஸ் வீடியோ பதிவுகள் மருத்துவக் குணம் நிரம்பிய உணவுகள் மன நலம்! முகவரிகள். மூலிகை சமையல் மூலிகைகள் கீரைகள் மைக்ரோ கீரைகள் ரிலாக்ஸ் ப்ளீஸ் வங்கியில் பல வகை கடன்கள் வடாம் வகைகள் வத்தல் வகைகள் வரலாற்றில் ஒரு ஏடு வருமான வரி விவசாயக்குறிப்புக்கள் விஷப்பூச்சிகள் கடிக்கு இயற்கை வைத்தியம் வீடியோ பதிவுகள் வீட்டிலிருந்தே சம்பாதிக்க வீட்டுக்குறிப்புக்கள் வேலை வாய்ப்புகள் ஜூஸ் வகைகள் ஷாப்பிங் போகலாமா..? ஹெல்த் ஸ்பெஷல் ஹோமியோபதி மருத்துவம்
item