ஈஸியா பேசலாம் இங்கிலிஷ்-6

  வாக்கியத்தில் ஐந்து வகை! ட் யூஷனுக்கு வந்த வித்யாவிடம் ...

  வாக்கியத்தில் ஐந்து வகை!
ட் யூஷனுக்கு வந்த வித்யாவிடம் கோமதி, ‘‘ஆன்ட்டி ‘இதோ வந்துர்றேன்’னு சொல்லியிருக் காங்க. அது வரைக்கும் நாம கத்துக்கிட்டதை ரிவைஸ் பண்ணுவோமா?’’ என்றாள்.
‘‘ஓகே. அக்கா! ஆமா, மேம் கொடுத்திருந்த ஹோம்வொர்க்கை கம்ப்ளீட் பண்ணிட்டீங்களா?’’ என்று வித்யா கேட்க, ‘‘பேஷா! படிக்கட்டுமா?’’ என்று படிக்க ஆரம்பித்தாள் கோமதி.
‘‘ட்ரான்சிடிவ் வெர்ப்ஸ் & like, bring, buy, catch . இன்ட்ரான்சிடிவ் வெர்ப்ஸ் - walk, fly, go,come . சரிதானே, வித்யா?’’
வித்யா பதில் சொல்லும்முன், ‘‘ஹாய், வித்யா! கோமுவோட ப்ராக்ரஸ் எப்படி?’’ என்று கேட்டபடி நுழைந்தார் உஷா மேம். அவருக்கு வணக்கம் சொன்ன வித்யா, ‘‘எக்ஸலண்ட், மேம்’’ என்றாள்.
‘‘ஆன்ட்டி! போன க்ளாஸ்ல வித்யாகிட்ட Passive voice ல ஒரு v.t (ட்ரான்சிடிவ் வெர்ப்) சொல்லச் சொன்னீங்க. அது எனக்குப் புரியல.’’
‘‘க்ராமர்ல active voice, passive voice -னு ரெண்டு இருக்கு, கோமு. object -ஐ கண்டுபிடிக்க ரெண்டு விதமா கேள்வி கேக்கணும். யாரை, எதைனு கேட்டா active voice . யாரால், எதனால்னு கேட்டா passive voice’’ என்று உஷா மேம் சொல்ல,
‘‘மேம்! கோமு அக்கா வாக்கிய அமைப்புகள்... அதான், sentence patterns பத்தித் தெரிஞ்சிக் கிட்டாங்கன்னா ஒரு கலக்கு கலக்கிடுவாங்க...’’ என்றாள் வித்யா.
அதையே கெட்டியாகப் பிடித்துக் கொண்ட கோமதி, ‘‘ஆன்ட்டி... இன்னிக்கு அதையே பாடமா வெச்சுக்கலாமே’’ என்று கோரிக்கை வைத்தாள்.
‘‘ஓ.யெஸ்... வெச்சுக்கலாமே’’ என்ற மேம், ‘‘வித்யா! வாக்கிய அமைப்புகள் எவைனு நீயே எழுதிப் போடு’’ என்று வித்யாவிடம் மார்க்கர் பேனாவைக் கொடுத்தார்.
இதை எதிர்பார்க்காத வித்யா, ஒரு கணம் சுதாரித்துக் கொண்டு, எழுத ஆரம்பித்தாள்...
1. Subject + Verb
2. Subject + Verb + Object
3. Subject + Verb + Indirect Object + Direct Object
எழுதிவிட்டு மேமைப் பார்த்த வித்யாவிடம், ‘‘முக்கியமான அமைப்புகள் மொத்தம் அஞ்சு இருக்கு. இன்னும் ரெண்டு தெரியலயா?’’ என்று கேட்டு விட்டு அவரே போர்டில் எழுதினார்.
4. Subject + Verb + Complement
5. Subject + Verb + Object + Complement
‘‘கோமு! எல்லாத்திலயும் வெர்ப்னு வருது இல்லியா? அதுங்க ஒண்ணேவா, வேற வேறயா?’’
‘‘புரியல. க்ளூ குடுங்க ஆன்ட்டி.’’
‘‘நீதான் ‘யாரை, எதை’-னு கேட்டு object ஐ கண்டுபிடிக்கிற எக்ஸ்பர்ட் ஆச்சே!’’
போர்டை உற்றுப் பார்த்துவிட்டு, புரிந்து கொண்ட வளாக, ‘‘முதல் வகை வாக்கியத்துல object இல்ல. அதனால, அங்கிருக்கிறது இன்ட்ராசிடிவ் வெர்ப். 2, 3, 5-ம் வாக்கியங்கள்ல object இருக்கு. அதனால அதுங்க ட்ரான்ஸிடிவ் வெர்ப். ஆமா, நாலாவது வகையில Complement வருது. அப்படின்னா... க்யா ஹை ஆன்ட்டி?’’ என்று கோமதி இந்தியில் கேட்க, மேம் தன் மூக்குக் கண்ணாடியை இறக்கி அவளைப் பார்த்துக் கொண்டே, ‘‘என்ன... நேத்து ராத்திரி இந்திப் படம் பார்த்த பாதிப்பா?’’ என்றார் கிண்டலாக.
‘‘ஆமா ஆன்ட்டி... எனக்கு இந்திப் படம்னா கொஞ்சம் புடிக்கும்...’’
‘‘அப்படியா! சீக்கிரமா இங்கிலீஷ் கத்துக்கிறயோ இல்லியோ, இந்தி கத்துக்குவே போல இருக்கு!’’ என்று கலாய்த்த மேம், ‘‘ Complement னா வாக்கியத்தை நிறைவு செய்யும் ஒரு விஷயம்’’ என்று சொல்ல, ‘‘ Could you please tell me examples for sentence patterns? ’’ என்றாள் கோமதி, ஸ்டைலாக.
‘‘ஷ்யூர்!’’ என்று சிரித்த மேம், வாக்கியங்களை உதாரணங்களாக எழுதிப் போட்டார்.
வித்யா கேட்டாள்... ‘‘ complement ஐ எப்படி கண்டு பிடிக்கறது மேம்?’’ உடனே, கோமதியிடமிருந்தும் ஒரு கேள்வி... ‘‘ Indirect object -ன்னா என்ன ஆன்ட்டி?’’
‘‘போர்டுல இருக்கிற 4-வது, 5-வது வாக்கியங்களைப் பாருங்க. She is an engineer -ங்கிற வாக்கியத்துல subject -ம், complement -ம் ஒருத்தரையே குறிக்குது. அதனால அந்த வாக்கியம் subject complement -ல இருக்கு’’ என்ற மேம், போர்டில் சில வாக்கியங்களை எழுதினார்.
‘‘கோமு! மேல சொன்னதெல்லாம் subject complement வாக்கியம்தான்! ஏன்னு சொல்லு...’’
‘‘மாலாவும் டாக்டரும் ஒருத்தரே. கலாதான் ஹேப் பியா இருக்கா. ராணிதான் பொலைட்டா இருக்கா. அதனால doctor, happy, polite எல்லாம் complement வார்த்தைகள்.’’
‘‘குட். வித்யா... நீ சொல்லு, 5-வது வாக்கியம் எப்படி object complement -னு.’’
‘‘அந்த வாக்கியத்துல the table -ங்கிற object தான் green -ஆக இருக்கு. அதனால, மேம்...’’
‘‘குட். இப்ப indirect object -ஐப் பத்தி கோமு கேட்டா இல்லியா... அதுக்கு வருவோம்...’’
‘‘நான் சொல்லட்டுமா மேம்?’’
‘‘ப்ரொஸீட்..’’
‘‘யாரை, எதைனு கேட்டா direct object வரும். யாருக்குனு கேட்டா indirect object . அதாவது, ‘அவள் பேனாவை யாருக்குக் கொடுக்கிறாள்?’னு கேட்டா, ‘ me -எனக்கு’னு பதில் வருது. அந்த me -ங்கிறது indirect object .’’
‘‘அது மட்டுமில்ல வித்யா. she gives me னு மட்டும் எழுதினா ‘அவ எதைக் குடுத்தா’னு கேட்டா அர்த்தம் முழுமையா வரல. அதுக்கு ஒரு direct object போட்டாதான் அர்த்தம் வருது. வித்யா! சரி, S + V + IO + DO வகை வாக்கியத்துக்கு வேற உதாரணம் சொல்லு’’
‘‘ Ma’am teaches us English ’’என்றாள் வித்யா.
‘‘இதை Ma’ am teaches English to us -னு மாத்திக் கூட சொல்லலாம். Passive voice பத்தி நாம கத்துக்கிறப்ப இதை இன்னும் விரிவா பார்க்கலாம்’’ என்ற மேம், ஐந்து வாக்கிய அமைப்புகளுக்கும் உதாரண வாக்கியங்கள் எழுதி வருமாறு இருவருக்கும் ஹோம்வொர்க் கொடுத்து, அனுப்பினார்.
ங்கிலத்தில் சிறப்பாகப் பேச, எழுத Phrasal verbs மிக அவசியம். வெர்ப்புடன் Preposition சேர்ந்தால் வருவது Phrasal verb . அதில் உள்ள வார்த்தைகளுக்குத் தனியாக அர்த்தம் கொள்ளக் கூடாது. தமிழில் கூட அப்படி உண்டு. (உ-ம்) கம்பி எண்ணினான் = சிறையில் இருந்தான். கம்பி நீட்டினான் = தப்பித்தான்.
இந்த வகையில் call on என்பது ஒரு Phrasal verb . இதற்கு ‘மேலே கூப்பிடு’ என்று அர்த்தமல்ல. ஒருவரை இருப்பிடம் தேடிச் சென்று சந்தித்தல் என்று அர்த்தம். இதையும்கூட பெரியவர்களை சிறியவர்கள் சென்று சந்திக்கும்போதுதான் உபயோகப்படுத்த வேண்டும். இது பதவியில் உள்ளவர்களுக்கும் பொருந்தும்.
(உ-ம்) The P.M called on the President
The Finance Minister called on the P.M .
n He kicked the bucket என்று இன்னொரு Phrasal verb உண்டு. அதற்கு, ‘அவர் இறந்து விட்டார்’ என்று அர்த்தம்! கவிழ்த்து போட்ட ஒரு பக்கெட் மீது ஏறி நின்று, கயிற்றில் தூக்கு மாட்டிக் கொண்டு பக்கெட்டை எட்டி உதைத்து தற்கொலை செய்து கொண்டதைக் குறிக்க ஆரம்பித்து, பொதுவாக இறப்பைக் குறிக்கவும் இதுவே வழக்கத்தில் வந்து விட்டது. ஆனால், இது கொச்சை மொழி ( slang )தான். மரியாதை மிக்கவர்கள் இறந்து போனால், அவர்களுக்கு இதை உபயோகிக்கக் கூடாது. அவர்களை அவமானப் படுத்துவதாக ஆகிவிடும்.

- கத்துக்கலாம்

Related

ஈஸியா பேசலாம் இங்கிலிஷ்! 3961018575630970553

Post a Comment

Find Here

Date & Time

No. of Posts

Follow Pettagum on Twitter

Follow pettagum on Twitter

Counter From Jan 15 2011

Try this

Total Pageviews

Contributors

Popular Posts

Blog Archive

Followers

Cloud Labels

30 நாள் 30 வகை சிறுதானிய உணவுகள் 30 நாள் 30 வகை சமையல் E-BOOKS GOVERNMENT LINKS Greetings WWW-Service Links அக்கு பிரஷர் சிகிச்சை முறைகள். அடை வகைகள். அமுத மொழிகள் அழகு குறிப்புகள். ஆசனம் ஆப்பிள் சிடர் வினிகர் ஆரோக்கியம் காக்கும். ஆயுர்வேத மருத்துவம் ஆறு சுவையும்... அஞ்சறைப் பெட்டியும்... இஃப்தார் நோன்பு ஸ்பெஷல் இந்த நாள் இனிய நாள் இந்தியா நமது தேசம்! தேசத்தின் நேசம் காப்போம்!! இய‌ற்கை மருந்துகளின் ஆயுள்காலம் இய‌ற்கை வைத்தியம் இன்ஷூரன்ஸ் இஸ்லாமிய உணவுகள். ஈஸியா பேசலாம் இங்கிலிஷ்! உங்களுக்கு உதவும் சட்டங்கள் உடலுக்கு வலிவு தரும் சூப்கள் உடற்பயிற்சி உணவே மருந்து உபயோகமான தகவல்கள் ஊறுகாய்கள் ஃபண்ட் முதலீடுகள் கணிணிக்குறிப்புக்கள் கல்வி வழிக்காட்டி கவிதைத்துளிகள் கன்சல்ட்டிங் ரூம் காய்கறிகளின் மருத்துவ குணங்கள் கால்நடைகளுக்கான இயற்கை மருத்துவம் குழந்தைகள் நலம்! குழம்பு வகைகள் குளிர் பானங்கள் கை மருந்துகள் சட்னிகள் சமையல் அரிச்சுவடி சமையல் குறிப்புகள் சமையல் குறிப்புகள்-அசைவம்! சமையல் குறிப்புகள்-சைவம்! சமையல் சந்தேகங்கள்-கேள்வி-பதில் சர்க்கரை நோயைக் கட்டுப்படுத்தும் உணவுகள் சித்த மருத்துவம் சிறுதானிய உணவுகள் சுற்றுலா சூரணம் சேமிப்பின் சிறப்பு தமிழகத்தின் சுற்றுலா தளங்கள் தமிழால் இணைவோம் தமிழ்ப் பழமொழிகளும் சொலவடைகளும் தாய் சேய் நலம்! துவையல்கள் நாட்டு மருந்துகளின் பெயர்கள் நாட்டு வைத்தியம் நாட்டுப்புறப் பாடல்கள். நில அளவுகள் அறிவோம் நீதி நூல்கள் பச்சடிகள் பலவிதம் பரீட்சை சுலபமாக பழங்களின் பயன்கள் பாட்டி வைத்தியம் பிசிஓஎஸ் பிரச்னை குணமாகும் பிசினஸ் ஸ்பெஷல் புகைப்படங்கள் பூக்களின் மருத்துவக் குணங்கள் பெட்டகம் சிந்தனை பெண்களுக்கான நோய்களும் இயற்கை மருத்துவமும் பேலியோ டயட் பொடி வகைகள் மசாலா பால் மருத்துவ டிப்ஸ் மருத்துவ டிப்ஸ் வீடியோ பதிவுகள் மருத்துவக் குணம் நிரம்பிய உணவுகள் மன நலம்! முகவரிகள். மூலிகை சமையல் மூலிகைகள் கீரைகள் ரிலாக்ஸ் ப்ளீஸ் வங்கியில் பல வகை கடன்கள் வடாம் வகைகள் வத்தல் வகைகள் வரலாற்றில் ஒரு ஏடு வருமான வரி விவசாயக்குறிப்புக்கள் வீடியோ பதிவுகள் வீட்டிலிருந்தே சம்பாதிக்க வீட்டுக்குறிப்புக்கள் வேலை வாய்ப்புகள் ஜூஸ் வகைகள் ஷாப்பிங் போகலாமா..? ஹெல்த் ஸ்பெஷல் ஹோமியோபதி மருத்துவம்
item