உடலினை உறுதி செய் - 2 ஏகபாதாசனா

உடலினை உறுதி செய் - 2 தோ ல், முகம், கை, கால் ஆகியவை ஆரோக்கியமாக இருக்கின்றனவா என நம்மால் பார்க்க ம...

உடலினை உறுதி செய் - 2
தோல், முகம், கை, கால் ஆகியவை ஆரோக்கியமாக இருக்கின்றனவா என நம்மால் பார்க்க முடியும். ஆனால், உள் உறுப்புகள் ஆரோக்கியமாக இருக்கின்றனவா, அவற்றின்  செயல்பாடு சீராக இருக்கிறதா என நமக்குத் தெரியாது. முழு உடலையும் உறுதியாக்கி, நம்மை ஆரோக்கியமாக்கும் கலை யோகா. இதோ நமக்கான எளிய ஆசனங்கள் இங்கே...
யோகாவுக்குத் தயாராகும் முன்...
கண்களை மூடி, கைகளில் சின்முத்ரா வைத்து, 10 நிமிடங்கள் வரை மூச்சைக் கவனிக்க வேண்டும். இது, யோகா செய்வதற்கு முன் மனதை ஓய்வுபெறச் செய்ய உதவும்.
ஏகபாதாசனா
நேராக நிற்க வேண்டும். கைகள் பக்கவாட்டில் இருக்கட்டும். இப்போது வலது காலை எடுத்து, இடது காலின் தொடைப்பகுதியில் வைக்கவும். (கைகளால் காலை எடுத்து வைக்கலாம்) மெதுவாக மூச்சை இழுத்தபடியே இரு கைகளையும் பக்கவாட்டில் உயர்த்தி, மேலே கொண்டு சென்று, கைகளைக் கூப்ப வேண்டும். இரு விநாடிகள் அப்படியே இருந்து, பின் மூச்சை விட்டபடியே கைகளைக் கீழே இறக்க வேண்டும். பின்னர், தொடையில் வைத்திருக்கும் குதிகாலை மெதுவாகக் கீழே இறக்கி, பழைய நிலைக்குத் திரும்ப வேண்டும்.
இதேபோன்று, இடது காலைத் தூக்கியும் செய்ய வேண்டும். இரண்டு கால்களுக்கும் முறையே மூன்று முறைகள் இந்தப் பயிற்சியைச் செய்ய வேண்டும்.
குறிப்பு: காய்ச்சல், எலும்பு அடர்த்திக் குறைதல் (ஆஸ்டியோபொரோசிஸ்), வெரிகோஸ் வெயின் பிரச்னை உள்ளவர்கள் மற்றும் மாதவிலக்கு சமயத்தில் பெண்கள் இந்த ஆசனத்தை செய்யக் கூடாது.
பலன்கள்: சிந்தனை மற்றும் கவனத்திறன் மேம்படும். மனதை ஒருநிலைப்படுத்தும். புஜம், கணுக்கால், இடுப்பு, கால் ஆகிய இடங்களில் உள்ள தசைகள் வலுவாகும். முதுகெலும்பு வலுவாகும். குதிகாலைத் தொடையில் வைப்பதால், அங்கு உள்ள அக்குபிரஷர் புள்ளிகள் அழுத்தப்பட்டு, ஆரோக்கியம் மேம்படும். குறிப்பாக, இனப்பெருக்க உறுப்புகள் வலுப்பெறும்.
அர்த்த சக்ராசனா
நேராக நிற்க வேண்டும். கால்களுக்கு இடையில் ஓர் அடி இடைவெளி இருக்கட்டும். கைகளை இடுப்பில் வைக்க வேண்டும். கையின்  கட்டைவிரல் பின்புறமும், மற்ற விரல்கள் முன்புறமும் இருக்குமாறு வைக்க வேண்டும். இப்போது, மூச்சை இழுத்தபடியே, மேல் உடலை பின்புறம் வளைக்க வேண்டும். கால்கள் நேராக அப்படியே இருக்க வேண்டும். 10-15 விநாடிகள் அதே நிலையில் இருந்துவிட்டு, மூச்சை விட்டபடியே இயல்பு நிலைக்குத் திரும்ப வேண்டும். இப்படி, மூன்று முறைகள் செய்ய வேண்டும்.
குறிப்பு: தலைவலி இருக்கும்போது செய்யக் கூடாது. மயக்கம் வருவோர் செய்யக் கூடாது. நரம்பு தொடர்பானப் பிரச்னை இருப்பவர்களும் செய்யக் கூடாது.
பலன்கள்: அடிமுதுகு வலி தீரும். அடிவயிற்றுப் பகுதி ஆரோக்கியம் பெறும். கழுத்து மற்றும் தோள்பட்டை வலிகள் சரியாகும். இதயச் செயல்பாடு சீராகும். ரத்த அழுத்தப் பிரச்னை சரியாகும். கர்ப்பப்பை வலுப்பெறும்.
பாதஹஸ்தாசனா
நேராக நிற்க வேண்டும். கால்களைச் சேர்த்து வைத்துக்கொள்ள வேண்டும். கைகள் பக்கவாட்டில் இருக்கட்டும். இப்போது, மூச்சை உள் இழுத்தபடியே, பக்கவாட்டில் கைகளை உயர்த்தி, தலைக்கு மேல் வைக்க வேண்டும். பின் மூச்சை விட்டப்படியே முட்டியை மடக்காமல் உடலை முன்பக்கமாக வளைத்து, கைகளால் தரையைத் தொட வேண்டும். எந்த அளவுக்கு முடியுமோ, அந்த அளவுக்கு உடலை வளைக்க வேண்டும். 10 விநாடிகள் அப்படியே இருந்துவிட்டு மூச்சை இழுத்தபடியே உடலை நிமிர்த்த வேண்டும். பிறகு, மூச்சை வெளியே விட்டபடி தொடக்கநிலைக்கு வர வேண்டும். இப்படி மூன்று முறைகள் செய்ய வேண்டும்.
குறிப்பு: முதுகு வலி இருப்பவர்கள் செய்யக் கூடாது.
பலன்கள்: இறுக்கத்துடன் இருக்கும் முதுகெலும்பு தளர்வடையும். முதுகுத்தண்டு, எலும்புகள் உறுதியாகும். செரிமான மண்டலம் ஆரோக்கியம் பெறும். மூளைக்குச் செல்லும் ரத்த ஓட்டம் சீராகும். உடல் எடை குறைக்க நினைப்போருக்குச் சிறந்த ஆசனம். வயிற்றைச் சுற்றி உள்ள தேவையற்ற கொழுப்புக் கரையும்.

Related

உடற்பயிற்சி 2772000408032217556

Post a Comment

Find Here

Date & Time

No. of Posts

Follow Pettagum on Twitter

Follow pettagum on Twitter

Counter From Jan 15 2011

Try this

Total Pageviews

Contributors

Popular Posts

Blog Archive

Followers

Cloud Labels

30 நாள் 30 வகை சிறுதானிய உணவுகள் 30 நாள் 30 வகை சமையல் E-BOOKS GOVERNMENT LINKS Greetings WWW-Service Links அக்கு பிரஷர் சிகிச்சை முறைகள். அடை வகைகள். அமுத மொழிகள் அழகு குறிப்புகள். ஆசனம் ஆப்பிள் சிடர் வினிகர் ஆரோக்கியம் காக்கும். ஆயுர்வேத மருத்துவம் ஆறு சுவையும்... அஞ்சறைப் பெட்டியும்... இஃப்தார் நோன்பு ஸ்பெஷல் இந்த நாள் இனிய நாள் இந்தியா நமது தேசம்! தேசத்தின் நேசம் காப்போம்!! இய‌ற்கை மருந்துகளின் ஆயுள்காலம் இய‌ற்கை வைத்தியம் இன்ஷூரன்ஸ் இஸ்லாமிய உணவுகள். ஈஸியா பேசலாம் இங்கிலிஷ்! உங்களுக்கு உதவும் சட்டங்கள் உடலுக்கு வலிவு தரும் சூப்கள் உடற்பயிற்சி உணவே மருந்து உபயோகமான தகவல்கள் ஊறுகாய்கள் ஃபண்ட் முதலீடுகள் கணிணிக்குறிப்புக்கள் கல்வி வழிக்காட்டி கவிதைத்துளிகள் கன்சல்ட்டிங் ரூம் காய்கறிகளின் மருத்துவ குணங்கள் கால்நடை வளர்ப்பு கால்நடைகளுக்கான இயற்கை மருத்துவம் காளான் வளர்ப்பு குழந்தைகள் நலம்! குழம்பு வகைகள் குளிர் பானங்கள் கை மருந்துகள் சட்னிகள் சமையல் அரிச்சுவடி சமையல் குறிப்புகள் சமையல் குறிப்புகள்-அசைவம்! சமையல் குறிப்புகள்-சைவம்! சமையல் சந்தேகங்கள்-கேள்வி-பதில் சர்க்கரை நோயைக் கட்டுப்படுத்தும் உணவுகள் சித்த மருத்துவம் சிறுதானிய உணவுகள் சுற்றுலா சூரணம் சேமிப்பின் சிறப்பு டெங்குக் காய்ச்சல். தமிழகத்தின் சுற்றுலா தளங்கள் தமிழால் இணைவோம் தமிழ்ப் பழமொழிகளும் சொலவடைகளும் தாய் சேய் நலம்! துவையல்கள் நாட்டு மருந்துகளின் பெயர்கள் நாட்டு வைத்தியம் நாட்டுப்புறப் பாடல்கள். நில அளவுகள் அறிவோம் நீங்களும் பிசினஸ்மேன் ஆகலாம் நீதி நூல்கள் பச்சடிகள் பலவிதம் பரீட்சை சுலபமாக பழங்களின் பயன்கள் பாட்டி வைத்தியம் பிசிஓஎஸ் பிரச்னை குணமாகும் பிசினஸ் ஸ்பெஷல் புகைப்படங்கள் பூக்களின் மருத்துவக் குணங்கள் பெட்டகம் சிந்தனை பெண்களுக்கான நோய்களும் இயற்கை மருத்துவமும் பேலியோ டயட் பொடி வகைகள் மசாலா பால் மண்ணில்லாமல் பசுந்தீவனம் வளர்ப்பு மருத்துவ டிப்ஸ் மருத்துவ டிப்ஸ் வீடியோ பதிவுகள் மருத்துவக் குணம் நிரம்பிய உணவுகள் மன நலம்! முகவரிகள். மூலிகை சமையல் மூலிகைகள் கீரைகள் மைக்ரோ கீரைகள் ரிலாக்ஸ் ப்ளீஸ் வங்கியில் பல வகை கடன்கள் வடாம் வகைகள் வத்தல் வகைகள் வரலாற்றில் ஒரு ஏடு வருமான வரி விவசாயக்குறிப்புக்கள் விஷப்பூச்சிகள் கடிக்கு இயற்கை வைத்தியம் வீடியோ பதிவுகள் வீட்டிலிருந்தே சம்பாதிக்க வீட்டுக்குறிப்புக்கள் வேலை வாய்ப்புகள் ஜூஸ் வகைகள் ஷாப்பிங் போகலாமா..? ஹெல்த் ஸ்பெஷல் ஹோமியோபதி மருத்துவம்
item