என்ஆர்ஐ-களுக்கான வரிகள் தொடர்பான கேள்வி-பதில்! -I

என்ஆர்ஐ-களுக்கான வரிகள் தொடர்பான கேள்விகளுக்கு ஆடிட்டர் ஜி.கார்த்திகேயன் அளித்த பதில்கள்... சிங்கப்பூரில் வேலை நிமித்தமாக வசிக்கும் நான்...

என்ஆர்ஐ-களுக்கான வரிகள் தொடர்பான கேள்விகளுக்கு ஆடிட்டர் ஜி.கார்த்திகேயன் அளித்த பதில்கள்...
சிங்கப்பூரில் வேலை நிமித்தமாக வசிக்கும் நான் தமிழ்நாட்டில் வீடு வாங்க விரும்புகிறேன். திரும்பக் கட்டும் கடனில் எனக்கு வருமான வரிச் சலுகை கிடைக்குமா?
‘‘வாங்கும் வீட்டை வாடகைக்குவிடப் போகிறீர்களா அல்லது சொந்தமாக உபயோகப்படுத்த போகிறீர்களா என்பதைப் பொறுத்து உங்கள் கேள்விக்கான பதில் மாறுபடும். சொந்தமாக உபயோகப்படுத்துகிறீர்கள் என்றால் நீங்கள் வாங்கும் கடனுக்காகச் செலுத்தவேண்டிய வட்டியினை ரூ.2,00,000 வரை பிரிவு 24-ன்படியும், அசலினை ரூ.1,50,000 வரை பிரிவு 80C-ன் படியும் ஆண்டு வருமானத்திலிருந்து நீக்கி வரிச் சலுகை பெற முடியும். இதுவே வாடகைக்குவிடப் போகிறீர்கள் என்றால் நீங்கள் செலுத்திய முழு வட்டிக்கு வரிச் சலுகை கிடைக்கும்.’’
நான் கடந்த ஆறு வருடங்களாக மலேசியாவில் வேலை பார்த்து வருகிறேன். என் செலவுகள் போக இந்திய மதிப்பில் ரூ.40 லட்சம் சேர்த்து வைத்திருக்கிறேன். வழக்கமாக மணிகிராம் மூலம்  அனுப்பும்போது 2% தொகை கட்டணமாக வசூலிக்கப்படும். என் 40 லட்சம் தொகையை என் குடும்பத்துக்கு மணிகிராம் மூலமாக இல்லாமல் வேறு எப்படி அனுப்புவது? இதற்கு வருமான வரி கட்ட வேண்டி வருமா?
‘‘நீங்கள் வங்கிகள் மூலம் பணம் அனுப்பினால் அதிகக் கட்டணம் இல்லாமல் செலுத்த முடியம். வெளிநாட்டிலிருத்து சம்பாதித்து இந்தியாவுக்கு பணம் கொண்டுவரும்பட்சத்தில் அந்தப் பணத்துக்கு இந்தியாவில் வரி கட்ட வேண்டியதில்லை. ஆனால், அந்தப் பணத்தின் மூலம் இந்தியாவில் சம்பாதிக்கும் பணத்துக்கு அதற்கு அடுத்த ஆண்டுகளில் வருமான வரி வரம்பை பொறுத்து வரி கட்ட வேண்டும்.’’
என்ஆர்ஐ-ஆன என்னிடம் ரூ.3 லட்சம் இருக்கிறது. இதனை இந்தியாவில் முதலீடு செய்ய விரும்புகிறேன். கிடைக்கும் வருமானத்துக்கு வரி எதுவும் செலுத்த வேண்டுமா?
‘‘இந்திய வாழ் வரிதாரர்களுக்கான வரிச் சட்டம் இந்தியாவில் பெறும் அனைத்து வருமானத்துக்கும் உங்களுக்கும் பொருந்தும். என்ஆர்ஐ என்பவர் இந்தியாவில் பெறப்படும் வருமானத்துக்கு  வருமான வரி செலுத்த வேண்டும். ஆனால், வரிச் சலுகை பெற்ற மியூச்சுவல் ஃபண்டுகள் உள்ளிட்டவைகளில் முதலீடு செய்து (குறிப்பிட்ட காலம் அதனை உங்களிடம் வைத்திருக்கும்பட்சத்தில்) அதிலிருந்து வரும் ஈவுத் தொகைக்கு (dividend) வருமான வரி எதுவும் செலுத்த வேண்டியதில்லை. மேலும், உங்களது மொத்த இந்திய வருமானம், வருமான வரி அடிப்படை வரம்புக்கு உட்பட்டு இருந்தால் வரி ஏதும் செலுத்த தேவையில்லை.’’
ஒருவர் வெளிநாட்டு வாழ் இந்தியர் (என்ஆர்ஐ) என்பது எதன் அடிப்படையில் நிர்ணயிக்கப்படுகிறது?
‘‘ஒருவர் இந்தியாவை விட்டு வெளியே சென்ற மறுநிமிடமே ஒருவர் வெளிநாட்டு வாழ் இந்தியராகக் கருதப்பட மாட்டார். வருமான வரிச் சட்டம் மற்றும் FEMA இந்தியாவை விட்டுச் செல்லும் ஒரு நபரின் குடியிருப்பு அந்தஸ்தை இருவேறு முறையில் விவரித்துள்ளன. வருமான வரிச் சட்டத்தில் வெளிநாட்டு வரிதாரர் என்ற அந்தஸ்து ஒருவர் இந்தியாவில் தங்கிய நாட்களை வைத்துக் கணக்கிடப்படுகிறது. அதன்படி முந்தைய நிதி ஆண்டில்,
1) 182-க்கும் குறைவான நாட்கள் (அல்லது)
2) முந்தைய நிதி ஆண்டில் 60 நாட்கள் (மற்றும்) முந்தைய நான்கு நிதி ஆண்டுகளில் 365-க்கும் குறைவான நாட்கள் இந்தியாவில் தங்கியிருந்தால், அவர் வெளிநாட்டு வரிதாரர் என்ற அந்தஸ்தை பெறுவார்.
என்.ஆர்.ஓ.(NRO), என்.ஆர்.இ.(NRE), எஃப்.சி.என்.ஆர்.(FCNR) கணக்குகளுக்கிடையே என்ன வேறுபாடு?
NRO கணக்கு:
வேலை அல்லது ஒரு தொழில் செய்வதற்காக இந்தியாவை விட்டுச் செல்பவர் மட்டுமே என்.ஆர்.ஓ. கணக்கைத் திறக்க முடியும். சாதாரண வங்கிக் கணக்கு போன்றே என்.ஆர்.ஓ. கணக்கும் செயல்படும். இந்தக் கணக்குகளை, வெளிநாட்டு  கணக்குகளிலிருந்து பணம் அனுப்பி தொடங்க முடியும். இந்தக் கணக்கு ரூபாயில் வகுக்கப்பட்டிருக்கும். இந்தியாவில் என்.ஆர்.ஓ. கணக்கில் அனுமதிக்கப்பட்ட வைப்புகள் வருமாறு:
என்.ஆர்.இ. கணக்குகளில் இருந்து அனுப்பப்படும் பணம்.  இந்தியாவுக்கு வெளியே பெறப்படும் வருமானம்.  தற்காலிக வருகையின்போது கணக்கில் செலுத்தப்படும் பணம்.
 வாடகை, ஈவுத்தொகை, ஓய்வூதியம், வட்டி போன்ற உள்ளூர் வருமானம்  சொத்துக்களை விற்று வாங்கிய தொகை.
என்.ஆர்.ஓ. கணக்கில் அனுமதிக்கப்பட்ட எடுப்புகள்:   உள்ளூர் செலவுகள்
என்.ஆர்.இ. கணக்குகளில் செலுத்துவதற்காகப் பணம் எடுத்தல்.
NRE கணக்கு!
இதுவும் என்.ஆர்.ஓ. கணக்கைப் போலவே செயல்படும். ஆனால், ஒரு சில மாற்றங்கள் உண்டு.  அவற்றைக் கீழே காண்போம்.
1. கூட்டுக் கணக்குகள்: இரண்டு அயல்நாடு வாழ் இந்தியர்கள் சொந்தமாக ஒரு கூட்டுக் கணக்கை என்.ஆர்.இ. அல்லது என்.ஆர்.ஓ. கணக்கில் இயக்க முடியும். இந்தியாவில் உள்ள நெருங்கிய உறவினர்களோடு சேர்ந்து என்.ஆர்.ஒ. கணக்கைத் துவங்கலாம். ஆனால், என்.ஆர்.இ. கணக்கில் கூட்டு உரிமையாளராக ஒரு குடியாளரை சேர்க்க முடியாது.
2. வரிச் சலுகை: என்.ஆர்.இ. கணக்கிலிருந்து ஈட்டிய வட்டி இந்தியாவில் வரிக்கு உட்பட்டது இல்லை. ஆனால், என்.ஆர்.ஓ. கணக்கில் வரும் வட்டிக்கு 30 சதவிகித வரியை கழித்துவிட்டு பாக்கியை மட்டுமே அளிப்பர்.
3. வெளிநாட்டுக்குப் பணத்தைத் திரும்ப அனுப்புதல்: என்.ஆர்.இ. கணக்குகளில் (அசல் மற்றும் வட்டி) இருந்து வெளிநாட்டுக்கு எந்தத் தடையுமின்றிப் பணத்தைத் திரும்ப அனுப்பலாம். என்.ஆர்.ஓ. கணக்கில் இருந்து அனுமதி பெற்றபின்தான் பணம் அனுப்ப முடியும். ஒரு வருடத்தில் 1 மில்லியன் அமெரிக்க டாலருக்கு நிகராக மட்டுமே வெளிநாட்டுக்குப் பணம் அனுப்ப முடியும். அதற்கும் ஆடிட்டரிடமிருந்து வருமான வரி செலுத்திவிட்டதற்கான சான்றிதழ் பெற வேண்டும்.
4. கடன் பெறுதல்: என்.ஆர்.ஓ மற்றும் என்.ஆர்.இ. வைப்புகளுக்கு எதிராக ரூபாய் கடன் பெறலாம். ஆனால், அந்நிய செலாவணியில் கடன் பெற என்.ஆர்.இ. வைப்புகள் மட்டுமே உதவும்.
5. உள்நாட்டு வருமானத்தைச் செலுத்துதல்: என்.ஆர்.இ. கணக்கில், உள்நாட்டு வருமானத்தை நேரடியாகச் செலுத்த முடியாது.
6. வட்டி விகிதம் : என்.ஆர்.ஓ. மற்றும் என்.ஆர்.இ வைப்புகளுக்கு, சாதாரண வைப்புகளுக்குத் தரும் வட்டியைவிட, வட்டி விகிதம் அதிகமாகவே உள்ளது. வட்டி வழங்குவதில் வங்கிகளுக்கு எந்த வரம்பும் அளிக்கப்படுவதில்லை.
குடும்பத்தின் நிதி தேவைகளைப் பொறுத்து எந்தக் கணக்கை பராமரிக்க வேண்டும் என்று தேர்ந்தெடுக்க வேண்டும். இந்தியாவில் அவசர தேவைகள் இருந்தால், என்.ஆர்.ஓ. கணக்கிலும், எளிதாக வெளிநாட்டுக்குப் பணம் அனுப்ப என்.ஆர்.இ. கணக்கிலும், வட்டி சம்பாதிக்க ஒரு வைப்பு வைத்துகொள்வதாக இருந்தால் எஃப்.சி.என்.ஆர். கணக்கிலும் பணத்தை முதலீடு செய்வது பொருத்தமாக இருக்கும்.

Related

உபயோகமான தகவல்கள் 4969074461400970146

Post a Comment

Find Here

Date & Time

No. of Posts

Follow Pettagum on Twitter

Follow pettagum on Twitter

Counter From Jan 15 2011

Try this

Total Pageviews

Contributors

Popular Posts

Blog Archive

Followers

Cloud Labels

30 நாள் 30 வகை சிறுதானிய உணவுகள் 30 நாள் 30 வகை சமையல் E-BOOKS GOVERNMENT LINKS Greetings WWW-Service Links அக்கு பிரஷர் சிகிச்சை முறைகள். அடை வகைகள். அமுத மொழிகள் அழகு குறிப்புகள். ஆசனம் ஆப்பிள் சிடர் வினிகர் ஆரோக்கியம் காக்கும். ஆயுர்வேத மருத்துவம் ஆறு சுவையும்... அஞ்சறைப் பெட்டியும்... இஃப்தார் நோன்பு ஸ்பெஷல் இந்த நாள் இனிய நாள் இந்தியா நமது தேசம்! தேசத்தின் நேசம் காப்போம்!! இய‌ற்கை மருந்துகளின் ஆயுள்காலம் இய‌ற்கை வைத்தியம் இன்ஷூரன்ஸ் இஸ்லாமிய உணவுகள். ஈஸியா பேசலாம் இங்கிலிஷ்! உங்களுக்கு உதவும் சட்டங்கள் உடலுக்கு வலிவு தரும் சூப்கள் உடற்பயிற்சி உணவே மருந்து உபயோகமான தகவல்கள் ஊறுகாய்கள் ஃபண்ட் முதலீடுகள் கணிணிக்குறிப்புக்கள் கல்வி வழிக்காட்டி கவிதைத்துளிகள் கன்சல்ட்டிங் ரூம் காய்கறிகளின் மருத்துவ குணங்கள் கால்நடை வளர்ப்பு கால்நடைகளுக்கான இயற்கை மருத்துவம் காளான் வளர்ப்பு குழந்தைகள் நலம்! குழம்பு வகைகள் குளிர் பானங்கள் கை மருந்துகள் சட்னிகள் சமையல் அரிச்சுவடி சமையல் குறிப்புகள் சமையல் குறிப்புகள்-அசைவம்! சமையல் குறிப்புகள்-சைவம்! சமையல் சந்தேகங்கள்-கேள்வி-பதில் சர்க்கரை நோயைக் கட்டுப்படுத்தும் உணவுகள் சித்த மருத்துவம் சிறுதானிய உணவுகள் சுற்றுலா சூரணம் சேமிப்பின் சிறப்பு தமிழகத்தின் சுற்றுலா தளங்கள் தமிழால் இணைவோம் தமிழ்ப் பழமொழிகளும் சொலவடைகளும் தாய் சேய் நலம்! துவையல்கள் நாட்டு மருந்துகளின் பெயர்கள் நாட்டு வைத்தியம் நாட்டுப்புறப் பாடல்கள். நில அளவுகள் அறிவோம் நீங்களும் பிசினஸ்மேன் ஆகலாம் நீதி நூல்கள் பச்சடிகள் பலவிதம் பரீட்சை சுலபமாக பழங்களின் பயன்கள் பாட்டி வைத்தியம் பிசிஓஎஸ் பிரச்னை குணமாகும் பிசினஸ் ஸ்பெஷல் புகைப்படங்கள் பூக்களின் மருத்துவக் குணங்கள் பெட்டகம் சிந்தனை பெண்களுக்கான நோய்களும் இயற்கை மருத்துவமும் பேலியோ டயட் பொடி வகைகள் மசாலா பால் மண்ணில்லாமல் பசுந்தீவனம் வளர்ப்பு மருத்துவ டிப்ஸ் மருத்துவ டிப்ஸ் வீடியோ பதிவுகள் மருத்துவக் குணம் நிரம்பிய உணவுகள் மன நலம்! முகவரிகள். மூலிகை சமையல் மூலிகைகள் கீரைகள் மைக்ரோ கீரைகள் ரிலாக்ஸ் ப்ளீஸ் வங்கியில் பல வகை கடன்கள் வடாம் வகைகள் வத்தல் வகைகள் வரலாற்றில் ஒரு ஏடு வருமான வரி விவசாயக்குறிப்புக்கள் விஷப்பூச்சிகள் கடிக்கு இயற்கை வைத்தியம் வீடியோ பதிவுகள் வீட்டிலிருந்தே சம்பாதிக்க வீட்டுக்குறிப்புக்கள் வேலை வாய்ப்புகள் ஜூஸ் வகைகள் ஷாப்பிங் போகலாமா..? ஹெல்த் ஸ்பெஷல் ஹோமியோபதி மருத்துவம்
item