அழகான உதடுகளுக்கு...!

முக அழகை முழுமையாக வெளிப் படுத்துவதில், கண்களுக்கு இணையாக உதடுகளுக்கும் முக்கியத்துவம் உண்டு. உடலிலுள்ள சருமம், 28 நாட்களுக்கொ...


முக அழகை முழுமையாக வெளிப் படுத்துவதில், கண்களுக்கு இணையாக உதடுகளுக்கும் முக்கியத்துவம் உண்டு. உடலிலுள்ள சருமம், 28 நாட்களுக்கொரு முறை வெளித்தோலை உதிர்க்கிறது. ஆனால், உதடுகளில் உள்ள சருமம் உதிர, மாதக் கணக்காகும். சரியான பராமரிப்பு இல்லாததால் தான், உதடுகள் தோல் உரிந்தும், வறண்டும் காணப்படுகின்றன.

உதடுகளைப் பராமரிக்க சில ஆலோசனைகள்:

* தினசரி பெட்ரோலியம் ஜெல்லியை உதடுகளில் பூசி வந்தால், உதடுகள் மென்மையாக மாறும்.

* வாரம் இரண்டு அல்லது மூன்று நாட்களுக்கு, வெதுவெதுப்பான மற்றும் குளிர்ந்த தண்ணீரால் உதடுகளுக்கு ஒத்தடம் கொடுத்து வந்தால், மென்மையாகும்.

* உதடுகளை கடிக்கும் பழக்கத்தினாலும், தரமில்லாத, "லிப்ஸ்டிக்' உபயோகிப்பதாலும், உதடுகள் வறண்டும், நிறம் மாறியும் விடும்.

* மற்றவர் உபயோகித்த, "லிப்ஸ்டிக்'களை உபயோகிப்பதாலும், "லிப்ஸ்டிக்' போட உபயோகிக்கும், "பிரஷ்'ஷை சுத்தப்படுத்தாமல், மறுபடி உபயோகிக்கும் போதும், தொற்றுக் கிருமிகள் பரவ வாய்ப்புண்டு. தற்போது, "மேட் பினிஷ் லிப்ஸ்டிக்'குகள் பிரபலம். அவற்றில் ஈரப்பதம் குறைவு என்பதால், உதடுகளில் உள்ள இயற்கையான எண்ணெய்களை அழித்து விடும். எனவே, அவற்றை எப்போதாவது தான் உபயோகிக்க வேண்டும்.

* இரவு படுக்கச் செல்வதற்கு முன், உதடுகளில் உள்ள, "லிப்ஸ்டிக்கை' சுத்தமாக அகற்றி விட வேண்டும்.

* லிப்ஸ்டிக்கை நேரடியாக அப்படியே பூசக் கூடாது. அது உதடுகளின் முழுமையான அழகை வெளிப்படுத்தாது. எனவே, "லிப் பிரஷ்'ஷின் உதவியாலேயே, "லிப்ஸ்டிக்' போட வேண்டும்.

* தினமும் நெய் அல்லது வெண்ணெய் உதடுகளில் பூசி வர, அவற்றில் உள்ள வெடிப்புகள் நீங்கி, உதடுகள் வழவழப்பாகும்.

* முட்டையின் வெள்ளைக் கருவோடு அரை ஸ்பூன் பாதாம் பவுடரைக் கலந்து, அத்துடன் கொஞ்சம் பாலாடையை சேர்த்து உதடுகளில் பூசி வர, வறண்ட உதடுகள் அழகாகும்.

* இரண்டு தேக்கரண்டி ஆலிவ் எண்ணெயுடன், இரண்டு கிராம் தேன் மெழுகும், பன்னீரும் கலந்து உதடுகளில் பூசி வந்தால், அவை சிவப்பாகவும், மென்மையாகவும் மாறும். கொத்தமல்லிச் சாற்றை உதடுகளில் தினமும் பூசி வந்தால், அவை இயற்கையிலேயே சிவப்பு நிறத்தைப் பெறும். உதடுகளில் தடவிய, "லிப்ஸ்டிக்'கை நீக்க, "பேஸ் வாஷ்' அல்லது தேங்காய் எண்ணெய் உபயோகிக்கலாம்.

* லிப்ஸ்டிக் போடுவதற்கு முன், உதடு களில், "ஐஸ்' கட்டிகளை ஒற்றி எடுத்தால், "லிப்ஸ்டிக்' நீண்ட நேரத்திற்கு அப்படியே இருக்கும்.

* உடல்நலக் கோளாறுகள் இருந்தாலும் உதடுகள் பொலிவிழந்து காணப்படும். உதாரணத்திற்கு, "வைட்டமின் பி' குறைபாடு உள்ளவர்களுக்கு, உதடுகளின் ஓரங்களில் புண்கள் மாதிரி காணப்படும். அதற்கு சிகிச்சை எடுத்து கொண்டால் சரியாகி விடும்.

உதடுகளுக்கு மேக் அப் போடும்போது கவனிக்க வேண்டிய சில விஷயங்கள்
* முதலில் பவுண்டேஷன் பூசிய பின், "லிப்ஸ்டிக்' போட்டால், நீண்ட நேரம் அப்படியே இருக்கும்.

* லிப்ஸ்டிக் உபயோகிக்கும் பழக்கம் இல்லாதவர்கள், "லிப் சால்வ்' உபயோகிக்கலாம். அதே மாதிரி பல வண்ண நிறங்களில் இப்போது வாசலின் வந்துள்ளது. அதையும் உபயோகிக்கலாம்.

* லிப்ஸ்டிக் உபயோகிக்காமல் நேரடியாக, "லிப் கிளாஸ்' பூசி கொள்ளும் பழக்கம் சிலருக்கு உண்டு. இது தவிர்க்கப்பட வேண்டிய விஷயம். லிப்ஸ்டிக்கின் மேல்தான், "லிப் கிளாஸ்' போட வேண்டும்.

* "லிப் பேஸ் பூசி, அதன் மேல், "லிப்ஸ்டிக்' பூசினாலும் லிப்ஸ்டிக் நீண்ட நேரத்திற்கு அப்படியே இருக்கும். லிப்ஸ்டிக் போடும்போது, "லிப்ஸ்டிக்' நிறத்திற்கு ஏற்றதாக, "லிப் லைனரின்' நிறம் இருக்க வேண்டும். இல்லையென்றால் உதட்டின் அழகு கெட்டுவிடும். அதற்காக ஒவ்வொரு, "லிப்ஸ்டிக்' வாங்கும் போதும், அதற்கேற்ற, "லிப் லைனர்' வாங்க வேண்டும் என்று அவசியமில்லை. லிப்ஸ் டிக்கின் நிறத்தைச் சார்ந்த நிறமாக இருந்தாலும் போதுமானது.

* சிவப்பு நிறத்தைச் சார்ந்த, லிப்ஸ்டிக்குகளுக்கு சிவப்பு நிற லிப் லைனரும், "பிரவுன்' நிறத்தைச் சார்ந்த, "லிப்ஸ்டிக்'குகளுக்கு, "பிரவுன் லிப்லைனரும் உபயோ கிக்கலாம். தேவைப்பட்டால், லிப் லைனரை கூட, "லிப்ஸ்டிக்'காக பயன்படுத்தலாம்.

* மாய்ஸ்சுரைசர் இல்லாத லிப்லைனரை, "லிப்ஸ்டிக்'காக பயன்படுத்தினால், மறக்காமல் சிறிதளவு, "கிரீம்' தடவ வேண் டும். இது உதடுகள் காய்ந்து, வெடிக்காமல் இருக்க உதவும்.

Related

அழகு குறிப்புகள். 5266868855270092387

Post a Comment

Tamil Unicode Converter

Find Here

Date & Time

No. of Posts

Follow Pettagum on Twitter

Follow pettagum on Twitter

Counter From Jan 15 2011

Try this

Total Pageviews

Advertisement

Contributors

Popular Posts

Blog Archive

Followers

Cloud Labels

30 நாள் 30 வகை சிறுதானிய உணவுகள் 30 நாள் 30 வகை சமையல் 30 வகை மருந்து குழம்பு E-BOOKS GOVERNMENT LINKS Greetings WWW-Service Links அக்கு பிரஷர் சிகிச்சை முறைகள். அசோலா ஓர் அட்சயப் பாத்திரம் அடை வகைகள். அமுத மொழிகள் அழகு குறிப்புகள். ஆசனம் ஆப்பிள் சிடர் வினிகர் ஆரோக்கியம் காக்கும். ஆயுர்வேத மருத்துவம் ஆறு சுவையும்... அஞ்சறைப் பெட்டியும்... இஃப்தார் நோன்பு ஸ்பெஷல் இந்த நாள் இனிய நாள் இந்தியா நமது தேசம்! தேசத்தின் நேசம் காப்போம்!! இய‌ற்கை மருந்துகளின் ஆயுள்காலம் இய‌ற்கை வைத்தியம் இன்ஷூரன்ஸ் இஸ்லாமிய உணவுகள். ஈஸியா பேசலாம் இங்கிலிஷ்! உங்களுக்கு உதவும் சட்டங்கள் உடலுக்கு வலிவு தரும் சூப்கள் உடற்பயிற்சி உணவே மருந்து உபயோகமான தகவல்கள் உலகத்தமிழ் மங்கையர்மலர் ஊறுகாய்கள் ஃபண்ட் முதலீடுகள் கணிணிக்குறிப்புக்கள் கல்வி வழிக்காட்டி கவிதைத்துளிகள் கன்சல்ட்டிங் ரூம் காய்கறிகளின் மருத்துவ குணங்கள் கால்நடை வளர்ப்பு கால்நடைகளுக்கான இயற்கை மருத்துவம் காளான் வளர்ப்பு குழந்தைகள் நலம்! குழம்பு வகைகள் குளிர் பானங்கள் குறைந்த செலவில் அதிக லாபம் தரும் நாட்டு கோழி வளர்ப்பு குறைந்த செலவில் அதிக லாபம் தரும் நாட்டு கோழி வளர்ப்பு!!! கை மருந்துகள் கொரோனா நோய் எதிர்ப்பு சக்தி உணவுகள் கொரோனாவுக்கு மருந்து சட்னிகள் சமையல் அரிச்சுவடி சமையல் குறிப்புகள் சமையல் குறிப்புகள்-அசைவம்! சமையல் குறிப்புகள்-சைவம்! சமையல் சந்தேகங்கள்-கேள்வி-பதில் சர்க்கரை நோயைக் கட்டுப்படுத்தும் உணவுகள் சித்த மருத்துவம் சிந்தனை துளிகள் சிந்தனை துளிகள். சிறுதானிய உணவுகள் சுற்றுலா சூரணம் சேமிப்பின் சிறப்பு டெங்குக் காய்ச்சல். தமிழகத்தின் சுற்றுலா தளங்கள் தமிழால் இணைவோம் தமிழ்ப் பழமொழிகளும் சொலவடைகளும் தாய் சேய் நலம்! துவையல்கள் நாட்டு மருந்துகளின் பெயர்கள் நாட்டு வைத்தியம் நாட்டுக் கோழி வளர்ப்பு நாட்டுப்புறப் பாடல்கள் நாட்டுப்புறப் பாடல்கள். நில அளவுகள் அறிவோம் நீங்களும் பிசினஸ்மேன் ஆகலாம் நீதி நூல்கள் பச்சடிகள் பலவிதம் பதிவுத்துறை சட்டங்கள் பரீட்சை சுலபமாக பழங்களின் பயன்கள் பாட்டி வைத்தியம் பிசிஓஎஸ் பிரச்னை குணமாகும் பிசினஸ் ஸ்பெஷல் புகைப்படங்கள் பூக்களின் மருத்துவக் குணங்கள் பெட்டகம் சிந்தனை பெண்களுக்கான நோய்களும் இயற்கை மருத்துவமும் பேலியோ டயட் பொடி வகைகள் மசாலா பால் மண்ணில்லாமல் பசுந்தீவனம் வளர்ப்பு மரம் வளர்ப்போம் மருத்துவ டிப்ஸ் மருத்துவ டிப்ஸ் வீடியோ பதிவுகள் மருத்துவக் குணம் நிரம்பிய உணவுகள் மருத்துவக் குறிப்பு மன நலம்! மாடித்தோட்டம் முகவரிகள். மூலிகை சமையல் மூலிகைகள் கீரைகள் மைக்ரோ கீரைகள் ரிலாக்ஸ் ப்ளீஸ் வங்கியில் பல வகை கடன்கள் வடாம் வகைகள் வத்தல் வகைகள் வரலாற்றில் ஒரு ஏடு வருமான வரி விவசாயக்குறிப்புக்கள் விஷப்பூச்சிகள் கடிக்கு இயற்கை வைத்தியம் வீடியோ பதிவுகள் வீட்டிலிருந்தே சம்பாதிக்க வீட்டுக்குறிப்புக்கள் வேலை வாய்ப்புகள் ஜூஸ் வகைகள் ஷாப்பிங் போகலாமா..? ஹெல்த் ஸ்பெஷல் ஹோமியோபதி மருத்துவம்
item