குளிர்கால நோய் பாதிப்பில் இருந்து தப்ப என்ன வழி? ஹெல்த் ஸ்பெஷல்!

குளிர் காலத்தில், அதிக சிறுநீர் வெளியாவது இயல்பு தான்; சர்க்கரை நோய் பாதிப்பு வந்து விட்டதோ என்ற பயம் வேண்டாம். அதற்காக தண்ணீர் குடிப்பதை ...

குளிர் காலத்தில், அதிக சிறுநீர் வெளியாவது இயல்பு தான்; சர்க்கரை நோய் பாதிப்பு வந்து விட்டதோ என்ற பயம் வேண்டாம். அதற்காக தண்ணீர் குடிப்பதை நிறுத்துவது, குளிருக்கு பயந்து குளிக்காமல் இருப்பது, வேறு விதமான பாதிப்புகளை ஏற்படுத்தும்

1. குளிர்காலத்தில் தோல் சுருங்கி பாதிப்பு ஏற்படுகிறதே?
குளிர் காலத்தில் பனி அதிகம் இருக்கும். இதனால், தோலில் சுருக்கம் ஏற்படும்; தோல் காய்ந்து, உதிரும் நிலை வரலாம். உதடு, தோல்களில், வெடிப்பு, புண் வரும். மலை பிரதேசங்களில், பாதிப்பு அதிகம் இருக்கும். இதற்காக, லிக்விட் பாரபின், கோல்டு கிரீம்களை தடவிக் கொள்ளலாம். இதை வாங்க முடியாதோர், தேங்காய் எண்ணெயை, கை, கால், முகத்தில் தேய்ப்பது நல்லது.

2. மூச்சுத் திணறல் வந்தால் என்ன செய்ய வேண்டும்?
மூச்சுப் பயிற்சி சரியாக செய்யாதோர், உடல் எதிர்ப்பு சக்தி குறைவாக உள்ளோர், ஆஸ்துமா பாதிப்புள்ளோருக்கு, சுவாச அடைப்பு, இருமல், மூச்சுத் திணறல் ஏற்பட வாய்ப்புள்ளது. திறந்த வெளியில், குளிர் அதிகம் உள்ள பகுதியில், படுப்பதை தவிர்க்க வேண்டும். மப்ளர், ஸ்வெட்டர் மற்றும் கம்பளி உடைகள் பயன்படுத்தலாம். உடல் முழுவதும் மூடும் வகையிலான, ஆடைகள் பயன்படுத்தலாம்; திறந்த வெளியில் படுப்பதை தவிர்க்க வேண்டும்.

3. குளிர்கால பாதிப்பில், ஒற்றைத் தலைவலி வரும் எனச் சொல்லப்படுகிறதே?
பனியில் அதிகம் சுற்றுவோர், தாமதமாக வீட்டுக்கு வருவோருக்கு, குளிர் கால பிரச்னையாக, ஒற்றைத் தலைவலி வரும். பனி விழும் நேரத்தில், வெளியில் சுற்றுவதை தவிர்க்க வேண்டும். தொப்பி, மப்ளர் அணிவது நல்லது. ஒற்றைத் தலைவலி அதிகம் இருந்தாலும், ஒற்றைத் தலைவலி தொடர்ந்தாலும், காது, மூக்கு, தொண்டை நிபுணர் ஆலோசனை பெறுவது நல்லது.

4. 'இன்ஹேலர்'அவசியமா?
ஆஸ்துமா பாதிப்புள்ளோருக்கு, நுரையீரலில் சளி தேங்குவதால், இடைவிடாத இருமல், மூச்சுத் திணறல் ஏற்படும். இந்த சமயத்தில், 'இன்ஹேலர்' பயன்படுத்துவது நல்லது. இதனால் உயிருக்கு உடனடி ஆபத்தில்லை என்றாலும், நுரையீரல் பாதிப்புள்ளோர், மாதம் ஒரு முறை, நெஞ்சக மருத்துவரிடம், பரிசோதனை செய்து கொள்வது நல்லது. 'அலர்ஜி' தரும் உணவுகளான, தக்காளி, சில வாழைப் பழங்கள், மீன், கருவாடு வகைகளை, சாப்பிடுவதை தவிர்க்க வேண்டும்.

5. முதியோருக்கு என்ன பாதிப்பு வரும்?
முதியோருக்கு மூச்சுக்குழல் சுருக்கம் ஏற்படும். மூளைக்குச் செல்லும் ரத்த ஓட்டம், இதயத்திற்குச் செல்லும் ரத்த ஓட்டம் குறையும். இதனால், 'ஸ்டிரோக்' வர வாய்ப்புள்ளது. ரத்த ஓட்டம் சீராக, நீண்ட துார நடை பயிற்சி மேற்கொள்வது நல்லது. கொழுப்புச்சத்து அதிகம் உள்ள பொருட்களை சாப்பிட வேண்டாம்.

6. அடிக்கடி சிறுநீர் வெளியேறுகிறதே... சர்க்கரை நோய் அறிகுறியா?
குளிர் காலத்தில் வியர்வை அதிகம் வெளியேறாது; அடிக்கடி சிறுநீர் போக வேண்டிய நிலை வரும். இது இயல்பானது தான். சர்க்கரை நோய் இருக்கும் என்ற அச்சம் வேண்டாம். அதிக சிறுநீர் வெளியேறுவதால், தண்ணீர் குடிப்பதை குறைத்து விடக் கூடாது; அப்படி குறைத்தால் சிறுநீரக பாதிப்பு, கல் அடைப்பு போன்ற பாதிப்பு வர வாய்ப்புள்ளது.

7. வேறு ஏதேனும் பாதிப்புகள் வருமா?
குளிர் காலத்தில், மூட்டுக்கள் இறுகி காணப்படும். நடு முதுகில் தசைப்பிடிப்பு ஏற்பட வாய்ப்புள்ளது. கை, கால்கள் மரத்துப் போவது உண்டு. இது இயல்பானது தான்; பயந்து, தேவையில்லாத மருத்துவ பரிசோதனைகள் செய்ய வேண்டாம். குளிர்ந்த நீரில் குளிப்பதை தவிர்த்து, வெதுவெதுப்பான நீரில் குளிப்பது நல்லது.

8. குளிர் காலத்தில் ஒரு நாள் விட்டு ஒரு நாள் குளிப்பது சரியா?
குளிர் காலம் என்பதால், குளிக்காமல் இருப்பது, இரண்டு, மூன்று நாட்களுக்கு ஒரு முறை குளிப்பது சரியல்ல. அதனால், தேமல் போன்ற சரும நோய்கள் வர வாய்ப்புள்ளது; தினமும் கட்டாயம் குளிக்க வேண்டும்.

9. ஜன்னலோர பயணத்தால் பாதிப்பு வருமா?
குளிர் காலத்தில் பஸ், ரயில்களில், ஜன்னலோரத்தில் அமர்ந்து செல்வதால், குளிர் காற்று, காதுக்குள் சென்று, நரம்பு வீங்கும். இதனால் வரும் பாதிப்பால், முகத்தின் ஒரு பகுதி, கோணலாக வாய்ப்புண்டு. பிசியோதெரபி, மின் அதிர்வு சிகிச்சை கொடுத்து, சரி செய்ய வேண்டி வரும். இதைத் தவிர்க்க, பஸ், ரயில் பயணத்தின்போது, ஷட்டர்களை மூடிவிடுவதே சிறந்தது.

10. குளிர் காலத்தில் சிலருக்கு, கோபம் அதிகம் வருகிறதே...?
மன அழுத்தத்தால் பாதிக்கப்பட்டோருக்கு, குளிர்கால மன எழுச்சி (சீசனலி அபெக்டடு டிஸ்ஆர்டர்) ஏற்பட வாய்ப்புள்ளது. எப்போது பார்த்தாலும் பேசிக் கொண்டே இருப்பர். நான் தான் பெரிய ஆள் என்கிற மாதிரி பேசுவர். எளிதில் மற்றவர்களை புண்படுத்தி விடுவர். கோபத்தின் உச்சத்தில் இருப்பர். அவர்களை கட்டுப்படுத்துவது கடினம். இதுபோன்ற பாதிப்புள்ளோர், மனநல மருத்துவரிடம் சென்று, பரிசோதனை செய்து கொள்வது நல்லது.
மொத்தத்தில், அளவான சாப்பாடு, முறையான உடற்பயிற்சி, தினமும் வெதுவெதுப்பான தண்ணீரில் குளியல் மற்றும் போதிய அளவில் துாக்கமும் இருந்தால், குளிர்கால பாதிப்புகளில் இருந்து தப்பலாம்.
டாக்டர் எம்.ஆனந்த் பிரதாப்,
நிலைய மருத்துவ அதிகாரி,
சென்னை ராஜிவ் காந்தி அரசு பொது மருத்துவமனை.

Related

ஹெல்த் ஸ்பெஷல் 4049770051645350769

Post a Comment

Find Here

Date & Time

No. of Posts

Follow Pettagum on Twitter

Follow pettagum on Twitter

Counter From Jan 15 2011

Try this

Total Pageviews

Contributors

Popular Posts

Blog Archive

Followers

Cloud Labels

30 நாள் 30 வகை சிறுதானிய உணவுகள் 30 நாள் 30 வகை சமையல் E-BOOKS GOVERNMENT LINKS Greetings WWW-Service Links அக்கு பிரஷர் சிகிச்சை முறைகள். அடை வகைகள். அமுத மொழிகள் அழகு குறிப்புகள். ஆசனம் ஆப்பிள் சிடர் வினிகர் ஆரோக்கியம் காக்கும். ஆயுர்வேத மருத்துவம் ஆறு சுவையும்... அஞ்சறைப் பெட்டியும்... இஃப்தார் நோன்பு ஸ்பெஷல் இந்த நாள் இனிய நாள் இந்தியா நமது தேசம்! தேசத்தின் நேசம் காப்போம்!! இய‌ற்கை மருந்துகளின் ஆயுள்காலம் இய‌ற்கை வைத்தியம் இன்ஷூரன்ஸ் இஸ்லாமிய உணவுகள். ஈஸியா பேசலாம் இங்கிலிஷ்! உங்களுக்கு உதவும் சட்டங்கள் உடலுக்கு வலிவு தரும் சூப்கள் உடற்பயிற்சி உணவே மருந்து உபயோகமான தகவல்கள் ஊறுகாய்கள் ஃபண்ட் முதலீடுகள் கணிணிக்குறிப்புக்கள் கல்வி வழிக்காட்டி கவிதைத்துளிகள் கன்சல்ட்டிங் ரூம் காய்கறிகளின் மருத்துவ குணங்கள் கால்நடை வளர்ப்பு கால்நடைகளுக்கான இயற்கை மருத்துவம் காளான் வளர்ப்பு குழந்தைகள் நலம்! குழம்பு வகைகள் குளிர் பானங்கள் கை மருந்துகள் சட்னிகள் சமையல் அரிச்சுவடி சமையல் குறிப்புகள் சமையல் குறிப்புகள்-அசைவம்! சமையல் குறிப்புகள்-சைவம்! சமையல் சந்தேகங்கள்-கேள்வி-பதில் சர்க்கரை நோயைக் கட்டுப்படுத்தும் உணவுகள் சித்த மருத்துவம் சிறுதானிய உணவுகள் சுற்றுலா சூரணம் சேமிப்பின் சிறப்பு தமிழகத்தின் சுற்றுலா தளங்கள் தமிழால் இணைவோம் தமிழ்ப் பழமொழிகளும் சொலவடைகளும் தாய் சேய் நலம்! துவையல்கள் நாட்டு மருந்துகளின் பெயர்கள் நாட்டு வைத்தியம் நாட்டுப்புறப் பாடல்கள். நில அளவுகள் அறிவோம் நீங்களும் பிசினஸ்மேன் ஆகலாம் நீதி நூல்கள் பச்சடிகள் பலவிதம் பரீட்சை சுலபமாக பழங்களின் பயன்கள் பாட்டி வைத்தியம் பிசிஓஎஸ் பிரச்னை குணமாகும் பிசினஸ் ஸ்பெஷல் புகைப்படங்கள் பூக்களின் மருத்துவக் குணங்கள் பெட்டகம் சிந்தனை பெண்களுக்கான நோய்களும் இயற்கை மருத்துவமும் பேலியோ டயட் பொடி வகைகள் மசாலா பால் மண்ணில்லாமல் பசுந்தீவனம் வளர்ப்பு மருத்துவ டிப்ஸ் மருத்துவ டிப்ஸ் வீடியோ பதிவுகள் மருத்துவக் குணம் நிரம்பிய உணவுகள் மன நலம்! முகவரிகள். மூலிகை சமையல் மூலிகைகள் கீரைகள் மைக்ரோ கீரைகள் ரிலாக்ஸ் ப்ளீஸ் வங்கியில் பல வகை கடன்கள் வடாம் வகைகள் வத்தல் வகைகள் வரலாற்றில் ஒரு ஏடு வருமான வரி விவசாயக்குறிப்புக்கள் விஷப்பூச்சிகள் கடிக்கு இயற்கை வைத்தியம் வீடியோ பதிவுகள் வீட்டிலிருந்தே சம்பாதிக்க வீட்டுக்குறிப்புக்கள் வேலை வாய்ப்புகள் ஜூஸ் வகைகள் ஷாப்பிங் போகலாமா..? ஹெல்த் ஸ்பெஷல் ஹோமியோபதி மருத்துவம்
item