"ஜிம்'முக்கு போகாமலே....உடற்பயிற்சி!

   உடற்பயிற்சி செய்தால், தசைகளுக்கு நல்லது என்று எல்லாருக்குமே தெரியும். ஆனால், இதற்கென நேரம் ஒதுக்க முடியாத நிலை பல பெண்களுக்கு....



   உடற்பயிற்சி செய்தால், தசைகளுக்கு நல்லது என்று எல்லாருக்குமே தெரியும். ஆனால், இதற்கென நேரம் ஒதுக்க முடியாத நிலை பல பெண்களுக்கு. தவிர, இன்னும் கூட, பல குடும்பங்களில், பெண்கள் உடற்பயிற்சி செய்வதை, கிண்டலாகத்தான் பார்க்கின்றனர்.
உடற்பயிற்சிக்கென்று தனியாக நேரம் செலவழிக்கக் கூடாது; நாம் செய்யும் பயிற்சிகள் பிறருக்கு, "பளிச்'சென்று தெரியவும் கூடாது என்று நினைக்கும் பெண்களுக்கு, இதோ சில உடல் மற்றும் மனப் பயிற்சிகள்:
பெரும்பாலான பயிற்சிகள் அனைவராலும் செய்யக் கூடியவை தான் என்றாலும், ரத்தக்கொதிப்பு பிரச்னை உள்ளவர்கள், பயிற்சிகளை செய்வதற்கு முன், மருத்துவரின் ஆலோசனையைப் பெறுவது நல்லது.
* வரிசையில், அதிக நேரம் நிற்க நேரும்போது, உடலை அசைக்காமல், கழுத்தை, வலமும் இடமுமாக திருப்புங்கள். கழுத்துக்கு இது நல்ல பயிற்சி. அதே போல், உடலின் கீழ்ப்பகுதியை அசைக்காமல், இடுப்புக்கு மேல் உள்ள பகுதியை, வலதும், இடதுமாகத் திருப்புங்கள். இதனால், தொப்பைப் பகுதியில் ரத்த ஓட்டம் அதிகமாகி, கொழுப்பு குறையும்.
* ஒரு முக்கியமான நபரைப் பார்க்கப் போகிறீர்கள்; மனம் படபடப்பாய்இருக்கு. இந்த பதற்றத்தைத் தவிர்க்க, அந்த வி.ஐ.பி.யுடனான அந்த சந்திப்பு எப்படி அமைய வேண்டும் என்று நீங்கள் யூகிக்கிறீர்களோ, அதை, அப்படியே மனதில் காட்சிகளாக உருவகப்படுத்திக் கொள்ளுங்கள். அந்த வி.ஐ.பி.க்கு நல்ல குணங்கள் மற்றும் எதிராளியை மதிக்கும் பண்பு இருப்பதாக நம்புங்கள்.
* கடந்த காலத்தில், நீங்கள் செய்த சாதனைகளை, மனதில் கொண்டு வாருங்கள். பிறகென்ன, உங்கள் மனதில் நம்பிக்கை பிறக்கும், நம்பிக்கை வந்தால், நினைத்தது நிச்சயம் நடக்கும்.
* மணிக்கட்டுகளுக்கான பயிற்சி இது: இதை, எங்கு வேண்டுமானாலும் செய்யலாம். முஷ்டியை நன்கு இறுக்கி, பின், ஒவ்வொன்றாக எல்லா விரல்களையும் அகலமாக விரித்து வைத்துக் கொள்ளுங்கள். பிறகு, மணிக்கட்டைச் சுழற்றுங்கள். மணிக்கட்டை மேலும் கீழுமாக சில முறை உதறுங்கள். பிறகு, மொத்த கையுமே தளர்த்தி, அசைத்துப் பாருங்கள்.
* தொலைபேசி ரிசீவரை இடது கையில் வைத்திருந்தால், நாற்காலியில் அமர்ந்து, வலது கையில், பேப்பர் வெயிட் அல்லது கனமான புத்தகம் போன்ற ஒரு பொருளை கையில் எடுத்து, தலைக்கு மேல் தூக்குங்கள், பிறகு, உங்கள் தலைக்குப் பின்புறம் வழியாக அதை, கீழே கொண்டு வந்து, அப்படியே பக்கவாட்டில் கொண்டு வந்து இங்குமங்குமாக ஆட்டுங்கள். அதாவது, உங்கள் மார்புப் பகுதியை நோக்கி கொண்டு வருவது போலிருக்க வேண்டும். பிறகு மெதுவாகப் பக்கவாட்டில் இறக்குங்கள். தொடர்ந்து சில தடவை, இப்பயிற்சியை அடிக்கடி செய்து வந்தால், கைகள் வலிமை பெறும்.
* கார், பஸ், ரயிலில் உட்கார்ந்து செல்லும் போது, மூக்கின் வழியாக காற்றை நன்கு உள்ளே இழுத்து, சில நொடிகள் சுவாசத்தை உள்ளேயே அடக்கி, நாக்கை வெளிப்புறமாக நீட்டுங்கள். நாக்கினால், முகவாயின் கீழ்ப்பகுதியைத் தொடுவது போன்று இருக்கட்டும். கண்களையும் முடிந்தளவு நன்கு விழித்துப் பாருங்கள். இப்போது, வாயைத் திறந்து காற்றை வெளியேற்றுங்கள். இந்தப் பயிற்சி, உங்கள் முகத்தில் சுருக்கங்கள் தோன்றுவதைத் தடுக்கும். ஜலதோஷம், தொண்டைக் கரகரப்பை அண்ட விடாது.
* எங்காவது ஒரு ரிசப்ஷன் அறையில் உட்கார்ந்து கொண்டிருக்கிறீர்கள் என்றால், அங்கு உள்ள பொருட்களை, அரை நிமிடம் உற்றுப் பார்த்து, மனதில், பதிய வைத்துக் கொள்ளுங்கள். பின், கண்களை மூடி, உங்கள் மனதில், நீங்கள் பார்த்த பொருட்களை, பட்டியலிடுங்கள். பின், கண் விழித்து, மீண்டும் அப்பொருட்களை பார்த்து, உங்கள் நினைவில் இருந்து மறந்த விஷயங்களையும் பட்டியலிடுங்கள். இது போன்ற மனப்பயிற்சி, நம் கவனிக்கும் திறமையை அதிகரிக்கும்.
* ஆள் நடமாட்டம் இல்லாத தெருவில், நடந்து செல்ல நேரும் போது, உடலை உறுதியாகவும், முகத்தில் தைரியம் வெளிக்காட்டும் விதமாக, கண்கள், வாய், தலையை அசைப்பது எல்லாவற்றிலுமே ஒரு கம்பீரத்தை (தற்காலிகமாவது) கொண்டு வாருங்கள். தோள்களை இறுக்கமின்றியும், அந்தப் பகுதி, உங்களுக்கு பழக்கமானது போன்ற உணர்வோடு நடந்து செல்லுங்கள்.
* மனதில் பல்வேறு கவலைகள் அரித்துக்கொண்டிருக்கிறது எனில், எந்த இடமாக இருந்தாலும் சரி, ஒவ்வொரு கவலையாக நினையுங்கள். அது, கழுகு, வல்லூறு வடிவில், உங்களை விட்டுப் பறந்து போவதாகவும், அப்படி பறந்தவுடன், உங்கள் மனதில் உற்சாகம் பரவுவதாக கற்பனை செய்யுங்கள். மனம் லேசாவதை உணர்வீர்கள்.
என்ன... பயிற்சிகளை செய்ய ஆரம்பித்து விட்டீர்களா?

Related

உடற்பயிற்சி 5887373173549488454

Post a Comment

Find Here

Date & Time

No. of Posts

Follow Pettagum on Twitter

Follow pettagum on Twitter

Counter From Jan 15 2011

Try this

Total Pageviews

Contributors

Popular Posts

Blog Archive

Followers

Cloud Labels

30 நாள் 30 வகை சிறுதானிய உணவுகள் 30 நாள் 30 வகை சமையல் E-BOOKS GOVERNMENT LINKS Greetings WWW-Service Links அக்கு பிரஷர் சிகிச்சை முறைகள். அடை வகைகள். அமுத மொழிகள் அழகு குறிப்புகள். ஆசனம் ஆப்பிள் சிடர் வினிகர் ஆரோக்கியம் காக்கும். ஆயுர்வேத மருத்துவம் ஆறு சுவையும்... அஞ்சறைப் பெட்டியும்... இஃப்தார் நோன்பு ஸ்பெஷல் இந்த நாள் இனிய நாள் இந்தியா நமது தேசம்! தேசத்தின் நேசம் காப்போம்!! இய‌ற்கை மருந்துகளின் ஆயுள்காலம் இய‌ற்கை வைத்தியம் இன்ஷூரன்ஸ் இஸ்லாமிய உணவுகள். ஈஸியா பேசலாம் இங்கிலிஷ்! உங்களுக்கு உதவும் சட்டங்கள் உடலுக்கு வலிவு தரும் சூப்கள் உடற்பயிற்சி உணவே மருந்து உபயோகமான தகவல்கள் ஊறுகாய்கள் ஃபண்ட் முதலீடுகள் கணிணிக்குறிப்புக்கள் கல்வி வழிக்காட்டி கவிதைத்துளிகள் கன்சல்ட்டிங் ரூம் காய்கறிகளின் மருத்துவ குணங்கள் கால்நடை வளர்ப்பு கால்நடைகளுக்கான இயற்கை மருத்துவம் காளான் வளர்ப்பு குழந்தைகள் நலம்! குழம்பு வகைகள் குளிர் பானங்கள் கை மருந்துகள் சட்னிகள் சமையல் அரிச்சுவடி சமையல் குறிப்புகள் சமையல் குறிப்புகள்-அசைவம்! சமையல் குறிப்புகள்-சைவம்! சமையல் சந்தேகங்கள்-கேள்வி-பதில் சர்க்கரை நோயைக் கட்டுப்படுத்தும் உணவுகள் சித்த மருத்துவம் சிறுதானிய உணவுகள் சுற்றுலா சூரணம் சேமிப்பின் சிறப்பு டெங்குக் காய்ச்சல். தமிழகத்தின் சுற்றுலா தளங்கள் தமிழால் இணைவோம் தமிழ்ப் பழமொழிகளும் சொலவடைகளும் தாய் சேய் நலம்! துவையல்கள் நாட்டு மருந்துகளின் பெயர்கள் நாட்டு வைத்தியம் நாட்டுப்புறப் பாடல்கள். நில அளவுகள் அறிவோம் நீங்களும் பிசினஸ்மேன் ஆகலாம் நீதி நூல்கள் பச்சடிகள் பலவிதம் பரீட்சை சுலபமாக பழங்களின் பயன்கள் பாட்டி வைத்தியம் பிசிஓஎஸ் பிரச்னை குணமாகும் பிசினஸ் ஸ்பெஷல் புகைப்படங்கள் பூக்களின் மருத்துவக் குணங்கள் பெட்டகம் சிந்தனை பெண்களுக்கான நோய்களும் இயற்கை மருத்துவமும் பேலியோ டயட் பொடி வகைகள் மசாலா பால் மண்ணில்லாமல் பசுந்தீவனம் வளர்ப்பு மரம் வளர்ப்போம் மருத்துவ டிப்ஸ் மருத்துவ டிப்ஸ் வீடியோ பதிவுகள் மருத்துவக் குணம் நிரம்பிய உணவுகள் மன நலம்! முகவரிகள். மூலிகை சமையல் மூலிகைகள் கீரைகள் மைக்ரோ கீரைகள் ரிலாக்ஸ் ப்ளீஸ் வங்கியில் பல வகை கடன்கள் வடாம் வகைகள் வத்தல் வகைகள் வரலாற்றில் ஒரு ஏடு வருமான வரி விவசாயக்குறிப்புக்கள் விஷப்பூச்சிகள் கடிக்கு இயற்கை வைத்தியம் வீடியோ பதிவுகள் வீட்டிலிருந்தே சம்பாதிக்க வீட்டுக்குறிப்புக்கள் வேலை வாய்ப்புகள் ஜூஸ் வகைகள் ஷாப்பிங் போகலாமா..? ஹெல்த் ஸ்பெஷல் ஹோமியோபதி மருத்துவம்
item