கபசுரத்துக்கு சித்தாவில் தீர்வு! சித்த மருத்துவம் சிறப்பான் தீர்வு !!
ம ழை மற்றும் குளிர் காலங்களில் மக்களை, அதிகப் பாதிப்புக்கு உள்ளாக்குவது ஃப்ளூ காய்ச்சல் என்கிற 'கபசுரம்’....
https://pettagum.blogspot.com/2013/12/blog-post_3835.html
மழை மற்றும்
குளிர் காலங்களில் மக்களை, அதிகப் பாதிப்புக்கு உள்ளாக்குவது ஃப்ளூ
காய்ச்சல் என்கிற 'கபசுரம்’. இது ஒரு வகை வைரஸ் மூலம் சுவாசப் பாதையில்
உண்டாகும் தொற்று நோய்.
அறிகுறிகள்:
காய்ச்சல், மூக்கில் நீர் வடிதல், மூக்கடைப்பு, தும்மல், தலைவலி, உடல்வலி.
சித்த மருத்துவத்தில் எளிய தீர்வுகள்
கண்டங்கத்திரி வேர்ப்பொடி அரை ஸ்பூன் எடுத்து நீர் சேர்த்துக் காய்ச்சி, தேன் கலந்து உண்ணலாம்.
தர்ப்பைப் புல் கைப்பிடி அளவு எடுத்து, நீர் சேர்த்துக் காய்ச்சி, அதில் விஷ்ணுகிரந்திப் பொடி கால் ஸ்பூன் கலந்து உண்ணலாம்.
கோரைக்கிழங்குப் பொடியுடன் சீந்திற்சர்க்கரை சம அளவு கலந்து, அதில் அரை ஸ்பூன் எடுத்து, வெந்நீரில் கலந்து உண்ணலாம்.
கருநொச்சி இலைச்சாறு ஒரு டேபிள்ஸ்பூன் அளவு எடுத்து, அதில் அரை ஸ்பூன் மிளகுப் பொடி சேர்த்து உண்ணலாம்.
கால் ஸ்பூன் திப்பிலிப் பொடியுடன் கம்மாறு வெற்றிலைச்சாறும் தேனும் கலந்து உண்ணலாம்.
வில்வ இலை, வேர் இவற்றைக் கைப்பிடி அளவு எடுத்து இரண்டு டம்ளர் நீர் சேர்த்துக் காய்ச்சி, அரை டம்ளராக வற்றவைத்து அருந்தலாம்.
வல்லாரை, மிளகு, துளசி இலை, சமஅளவு எடுத்து அரைத்து கொட்டைப்பாக்கு அளவு உண்ணலாம்.
அதிமதுரம், திப்பிலி, தாளீசம் சிற்றரத்தை சமஅளவு எடுத்துப் பொடித்து அதில் கால் ஸ்பூன் எடுத்துத் தேனில் கலந்து உண்ணலாம்.
உணவு சேர்க்க வேண்டியவை:
தேன், பால் நீக்கப்பட்ட தேநீர், இஞ்சி, பூண்டு, பனங்கற்கண்டு, முளைக்கீரை, காய்கறிகள்.
தவிர்க்க வேண்டியவை:
வாழைப்பழம், திராட்சை, புளி, தக்காளி, பால், ஐஸ்க்ரீம், குளிர்பானங்கள், குளிரூட்டப்பட்ட அறை.
Post a Comment