50 ஆயிரம் முதலீடு... 10 ஆயிரம் லாபம்! வாழ்க்கையை மீட்டெடுத்த புடவை -- வீட்டிலிருந்தே சம்பாதிக்க,

சிறுதொழில் சிறப்பிதழ்   பெ ண்கள் எடுத்துச் செய்ய விரும்பும் சிறுதொழில்களில் ஒன்று, புடவை வியாபாரம். அதில் வெ...

சிறுதொழில் சிறப்பிதழ்
 பெண்கள் எடுத்துச் செய்ய விரும்பும் சிறுதொழில்களில் ஒன்று, புடவை வியாபாரம். அதில் வெற்றியாளராக காலூன்றியிருக்கிறார் காரைக்குடி, ஷோபா. 'இனி, வாழ்க்கை அவ்வளவுதான்' என்கிற கொடுமையான சூழலுக்குக் குடும்பம் தள்ளப்பட்ட நிலையிலும், எளிமையான இந்தத் தொழிலில் கால்பதித்து, தன் வலிமையால் வென்றது பற்றி இங்கே பெருமைப் புன்னகையுடன் பகிர்கிறார் ஷோபா... பலருக்குள்ளும் நம்பிக்கை விதைகளைத் தூவும் வகையில்!
''பத்தாவதுதான் படிப்பு. வீட்டு சூழ்நிலை காரணமா, 17 வயசுல ரெண்டாயிரம் ரூபாய் சம்பளத்துக்கு வேலைக்குப் போனேன். வீட்டுல இருக்குற நேரத்துல நவதானியத்துல பிள்ளையார் செய்து, ஃப்ரேம் பண்ணி விற்பேன். கல்யாணப் பேச்சு வந்தப்போ, காதல் விஷயத்தை சொன்னேன். பெரிய பிரச்னை வரவே... 'கல்யாணமே வேண்டாம்... ரெண்டு தங்கச்சிங்களுக்கும் பண்ணுங்க’னு சொல்லிட்டு, என்னால முடிஞ்சதை சம்பாதிச்சு கொடுத்து, தங்கச்சிங்க கல்யாணத்தை முடிச்சேன்.
தங்கச்சிகளுக்கு குழந்தைகள் பிறந்த நிலையிலயும்... 'கல்யாணம் வேண்டாம்'கறதுல உறுதியா இருக்கவே, ஒருவழியா என் காதலுக்கு எங்க வீட்டுல சம்மதம் சொன்னாங்க. அவர், இன்ஷூரன்ஸ் தொடர்பான பிஸினஸ், வேன் வாங்கி விடறதுனு சில வேலைகளை செய்துட்டிருந்தார். இதுக்காக நிறைய கடன்களையும் வாங்கியிருந்தார். ஆனா, திருமணம் முடிஞ்ச கொஞ்ச நாள்ல, பிஸினஸுல அவருக்கு ஏகப்பட்ட நஷ்டம்... வெளியில தலைகாட்ட முடியாத அளவுக்கு கடன். வீட்டுப்படியேறி வர ஆரம்பிச்சுட்டாங்க கடன் கொடுத்தவங்க.
தற்கொலை முடிவுவரை போனநிலையில... 'நாம நிச்சயமா இதுல இருந்து மீள முடியும். பத்து வருஷம் காத்திருந்து கிடைச்ச இந்த வாழ்க்கையை, பத்திரமா வாழணும். நமக்கு வாழ வழியா இல்லை'னு ரெண்டு பேருமா யோசிச்சோம். எங்க ஏரியாவுல இருந்து கரன்ட் பில் கட்டறதுக்கு ரொம்ப தூரம் போகணும். 'ஒரு கம்ப்யூட்டர் வாங்கி இணையதளம் மூலமா கரன்ட், போன் இப்படி பில் கட்டுற தொழிலை செய்யலாம்'னு முடிவு பண்ணினோம். நல்ல வரவேற்பு. 'பரவாயில்ல... இவங்ககிட்ட பொறுத்து கடனை வாங்கலாம்’னு கடன் கொடுத்தவங்களுக்கும் நம்பிக்கையும் வந்துச்சு.
அப்போதான் புடவை வியாபாரம் பத்தி யோசிக்க ஆரம்பிச்சேன். பொதுவாவே என்னோட ஆடை தேர்வு, ரசனையா இருக்கும். வாடிக்கையாளர்கள்கிட்ட பேசி விக்கிற வாய்த்திறமையும் நமக்கு இருக்குனு நம்பினதால, தைரியமா இறங்கினேன். ஆரம்பத்துல 10 சேலை வாங்கி, மிச்சமில்லாமல் விற்பனை செஞ்சேன். தொடர்ந்து, அம்மா வீட்டு ஏரியா, எங்க வீட்டு ஏரியானு கஸ்டமர்களைத் தேடிப் போனேன். கணிசமா கையில் காசு கிடைக்கவே... தைரியமா பத்தாயிரம் ரூபாய்க்கு சரக்கு எடுத்து, சின்ன கடையை பிடிச்சேன்.
வந்த கஸ்டமர்கள்கிட்ட எல்லாம், கடனை அடைக்க நான் தொழில் ஆரம்பிச்சுருக்குற அவசியத்தையும் பகிர்ந்துப்பேன். அவங்களும் எனக்கு உதவி பண்ணும்விதமா, 'அங்க புடவை சூப்பரா இருக்கு...’னு சொல்லி மற்ற பெண்களையும் அழைச்சுட்டு வருவாங்க. இப்படித்தான் நிறைய வாடிக்கையாளர்கள் கிடைச்சாங்க. அடுத்ததா, பிளவுஸ், உள்பாவாடை, நைட்டினு எல்லா துணிகளையும் விற்பனை செய்ய ஆரம்பிச்சேன். கூடவே கவரிங் நகைகளும்!
கடை ஆரம்பிச்சு ஒண்ணரை வருஷம் ஆகுது. கிடைச்ச வருமானத்துல வீட்டுக்காரர் வாங்கின கடன்ல பாதியை அடைச்சாச்சு ஆரம்பத்துல, 'கடன்ல இருந்து இவங்க மீண்டு வரவே முடியாது’னு என் காதுபட பேசினவங்க முன்ன, வைராக்கியமா கரையேறி இருக்கேன்.

மாசம் 20 ஆயிரம் சம்பாதிக்கிறேன் இந்த சேலை தொழில்ல. தண்ணி கேன், பால் பாக்கெட்னு என் வீட்டுக்காரரும் ஓடியாடிட்டு இருக்காரு. சீக்கிரமே கடனை எல்லாம் அடைக்கற உத்வேகத்தோட ரெண்டு பேரும் உழைச்சுட்டு இருக்கோம். எல்.கே.ஜி படிக்கிற பையனோட எதிர்காலத்தை பாதுகாப்பா அமைச்சுக் கொடுக்கணும் இல்லையா!'' என்று மூச்சுவிடாமல் பேசி முடித்த ஷோபா,
''நான் பெருசா தொழில் செய்து, பணத்தை அள்ளிக் குவிச்சுடல. ஆனா, பூஜ்யத்துல இருந்து, நம்பிக்கையோட எழுந்து வந்திருக்கேன்கிறதே பெருமைதானே! கஷ்டத்துல இருக்கற சகோதரி கள்... என்னையும், பெண்களுக்கு நெருக்கமான புடவை வியாபாரத்தையும் நம்பிக்கையா எடுத்துக்கோங்க. 50 ஆயிரம் ரூபாய்க்கு புடவை வாங்கி விற்பனை செய்தா, 10 ஆயிரம் ரூபாய் லாபம் கிடைக்கும். புடவை கெட்டுப் போற பொருள் இல்லை. அதனால, துணிஞ்சு இறங் குங்க. உத்திரவாதமுள்ள லாபத்தை எடுங்க!''
- நம்பிக்கை வார்த்தைகளை அள்ளிவிட்டார்!

Related

வீட்டிலிருந்தே சம்பாதிக்க 440265818973544117

Post a Comment

Tamil Unicode Converter

Find Here

Date & Time

No. of Posts

Follow Pettagum on Twitter

Follow pettagum on Twitter

Counter From Jan 15 2011

Try this

Total Pageviews

Advertisement

Contributors

Popular Posts

Blog Archive

Followers

Cloud Labels

30 நாள் 30 வகை சிறுதானிய உணவுகள் 30 நாள் 30 வகை சமையல் 30 வகை மருந்து குழம்பு E-BOOKS GOVERNMENT LINKS Greetings WWW-Service Links அக்கு பிரஷர் சிகிச்சை முறைகள். அசோலா ஓர் அட்சயப் பாத்திரம் அடை வகைகள். அமுத மொழிகள் அழகு குறிப்புகள். ஆசனம் ஆப்பிள் சிடர் வினிகர் ஆரோக்கியம் காக்கும். ஆயுர்வேத மருத்துவம் ஆறு சுவையும்... அஞ்சறைப் பெட்டியும்... இஃப்தார் நோன்பு ஸ்பெஷல் இந்த நாள் இனிய நாள் இந்தியா நமது தேசம்! தேசத்தின் நேசம் காப்போம்!! இய‌ற்கை மருந்துகளின் ஆயுள்காலம் இய‌ற்கை வைத்தியம் இன்ஷூரன்ஸ் இஸ்லாமிய உணவுகள். ஈஸியா பேசலாம் இங்கிலிஷ்! உங்களுக்கு உதவும் சட்டங்கள் உடலுக்கு வலிவு தரும் சூப்கள் உடற்பயிற்சி உணவே மருந்து உபயோகமான தகவல்கள் உலகத்தமிழ் மங்கையர்மலர் ஊறுகாய்கள் ஃபண்ட் முதலீடுகள் கணிணிக்குறிப்புக்கள் கல்வி வழிக்காட்டி கவிதைத்துளிகள் கன்சல்ட்டிங் ரூம் காய்கறிகளின் மருத்துவ குணங்கள் கால்நடை வளர்ப்பு கால்நடைகளுக்கான இயற்கை மருத்துவம் காளான் வளர்ப்பு குழந்தைகள் நலம்! குழம்பு வகைகள் குளிர் பானங்கள் குறைந்த செலவில் அதிக லாபம் தரும் நாட்டு கோழி வளர்ப்பு குறைந்த செலவில் அதிக லாபம் தரும் நாட்டு கோழி வளர்ப்பு!!! கை மருந்துகள் கொரோனா நோய் எதிர்ப்பு சக்தி உணவுகள் கொரோனாவுக்கு மருந்து சட்னிகள் சமையல் அரிச்சுவடி சமையல் குறிப்புகள் சமையல் குறிப்புகள்-அசைவம்! சமையல் குறிப்புகள்-சைவம்! சமையல் சந்தேகங்கள்-கேள்வி-பதில் சர்க்கரை நோயைக் கட்டுப்படுத்தும் உணவுகள் சித்த மருத்துவம் சிந்தனை துளிகள் சிந்தனை துளிகள். சிறுதானிய உணவுகள் சுற்றுலா சூரணம் சேமிப்பின் சிறப்பு டெங்குக் காய்ச்சல். தமிழகத்தின் சுற்றுலா தளங்கள் தமிழால் இணைவோம் தமிழ்ப் பழமொழிகளும் சொலவடைகளும் தாய் சேய் நலம்! துவையல்கள் நாட்டு மருந்துகளின் பெயர்கள் நாட்டு வைத்தியம் நாட்டுக் கோழி வளர்ப்பு நாட்டுப்புறப் பாடல்கள் நாட்டுப்புறப் பாடல்கள். நில அளவுகள் அறிவோம் நீங்களும் பிசினஸ்மேன் ஆகலாம் நீதி நூல்கள் பச்சடிகள் பலவிதம் பதிவுத்துறை சட்டங்கள் பரீட்சை சுலபமாக பழங்களின் பயன்கள் பாட்டி வைத்தியம் பிசிஓஎஸ் பிரச்னை குணமாகும் பிசினஸ் ஸ்பெஷல் புகைப்படங்கள் பூக்களின் மருத்துவக் குணங்கள் பெட்டகம் சிந்தனை பெண்களுக்கான நோய்களும் இயற்கை மருத்துவமும் பேலியோ டயட் பொடி வகைகள் மசாலா பால் மண்ணில்லாமல் பசுந்தீவனம் வளர்ப்பு மரம் வளர்ப்போம் மருத்துவ டிப்ஸ் மருத்துவ டிப்ஸ் வீடியோ பதிவுகள் மருத்துவக் குணம் நிரம்பிய உணவுகள் மருத்துவக் குறிப்பு மன நலம்! மாடித்தோட்டம் முகவரிகள். மூலிகை சமையல் மூலிகைகள் கீரைகள் மைக்ரோ கீரைகள் ரிலாக்ஸ் ப்ளீஸ் வங்கியில் பல வகை கடன்கள் வடாம் வகைகள் வத்தல் வகைகள் வரலாற்றில் ஒரு ஏடு வருமான வரி விவசாயக்குறிப்புக்கள் விஷப்பூச்சிகள் கடிக்கு இயற்கை வைத்தியம் வீடியோ பதிவுகள் வீட்டிலிருந்தே சம்பாதிக்க வீட்டுக்குறிப்புக்கள் வேலை வாய்ப்புகள் ஜூஸ் வகைகள் ஷாப்பிங் போகலாமா..? ஹெல்த் ஸ்பெஷல் ஹோமியோபதி மருத்துவம்
item