இதய நோய் வராமல் தடுக்க என்ன செய்ய வேண்டும்? --ஹெல்த் ஸ்பெஷல்,
இதய நோய் பெரும்பாலும் தடுக்க கூடியது என்பது அசைக்க முடியாத உண்மை. முதலில் உணவுப் பழக்கத்தை சரியாக மாற்றி அமைப்பது அவசியம். உணவில் எண்ணெயை அ...
https://pettagum.blogspot.com/2012/08/blog-post_6137.html
இதய நோய் பெரும்பாலும் தடுக்க கூடியது என்பது அசைக்க முடியாத உண்மை. முதலில் உணவுப் பழக்கத்தை சரியாக மாற்றி அமைப்பது அவசியம். உணவில் எண்ணெயை அறவே தவிர்ப்பது, உப்பு, சர்க்கரை அளவை நன்கு குறைப்பது, காய்கறி, பழங்களை நிறைய உண்பது, தினமும் அரை மணிநேரம் நடைப் பயிற்சி மேற்கொள்வது அவசியம். இவை தவிர ரத்தக் கொதிப்பு இருந்தால் அதை, 140/90க்கு கீழ், 120/80 என்ற அளவில் வைத்துக் கொள்ள வேண்டும். ரத்தத்தில் சர்க்கரை அளவை வெறும் வயிற்றில், 100 மி.கி.,க்கு கீழும், சாப்பிட்டு 2 மணி நேரம் கழித்து, 140க்கு கீழும் இருக்கும்படி பார்த்துக் கொள்ள வேண்டும். எல்.டி.எல்., என்னும் கெட்டக் கொழுப்பின் அளவு 100 மி.கி.,க்கு கீழ் இருக்க வேண்டும். இவை தவிர, Statin வகை மாத்திரையை எடுப்பதும் அவசியம். ஏனெனில் அது, ரத்தத்தில் கெட்டக் கொழுப்பை குறைப்பதுடன், ரத்தக்குழாயின் உட்புறச் சுவரை ஆரோக்கியமாக வைத்திருக்கவும் உதவுகிறது. இதனால் மாரடைப்பு, பக்கவாதம் போன்ற நோய்கள் தடுக்கப்படுகின்றன.
Post a Comment