ஆன்லைன் டேர்ம் பிளான்: 15 நிமிஷத்தில் பாலிசி ரெடி!--இன்ஷூரன்ஸ், -

ஆன்லைன் டேர்ம் பிளான்: 15 நிமிஷத்தில் பாலிசி ரெடி! இ ன்ஷூரன்ஸ் என்றாலே டேர்ம் பிளான்தான் பெஸ்ட்;   அதையும் ஆன்லைன் மூலம் எடுப்ப...


ஆன்லைன் டேர்ம் பிளான்: 15 நிமிஷத்தில் பாலிசி ரெடி!


ன்ஷூரன்ஸ் என்றாலே டேர்ம் பிளான்தான் பெஸ்ட்;   அதையும் ஆன்லைன் மூலம் எடுப்பதினால் பிரீமியம் தொகையில் 30-35 சதவிகித பணம் மிச்சமாகும் என்பது பலருக்கும் தெரியாத உண்மை!
இது கம்ப்யூட்டர் யுகம். ரயில் டிக்கெட் வாங்குவது முதல் இ.பி. பில் கட்டுவது வரை  கம்ப்யூட்டரின் உதவியோடு இருந்த இடத்தில் இருந்தபடியே செய்து முடிக்கிற காலமிது. சமீப காலமாக ஆன்லைன் மூலம் டேர்ம் இன்ஷூரன்ஸ் பாலிசி வாங்குவதும் பிரபலமாகி வருகிறது. இதற்கு முக்கிய காரணம், டேர்ம் பிளானை பொறுத்தவரையில் முதிர்வுத் தொகை எதுவும் கிடைக்காது; இறப்பு பலன் மட்டுமே உண்டு. எனவே, பிரீமியம் மற்றும் இழப்பீடு வழங்கும் விகிதத்தை மட்டும் பார்த்துவிட்டு, ஒரு பாலிசியை சுலபமாக எடுத்துவிடலாம்.
இந்த பாலிசியை எடுக்க ஏஜென்டைத் தேடி அலைய வேண்டியதில்லை. தவிர, இந்த பாலிசி மூலம் ஏஜென்டுகளுக்கு கிடைக்கும் கமிஷன் குறைவு என்பதால் இதனை வாங்கித் தர ஏஜென்டுகள் தயங்கவே செய்வார்கள். ஆன்லைன் மூலம் விற்பனையாகும் லைஃப் இன்ஷூரன்ஸ் பாலிசிகளில் டேர்ம் பிளானின் பங்களிப்பு 90 சதவிகிதமாக இருக்கிறது.
ஆன்லைனில் பிரீமியத் தொகையைத் தெரிந்துகொண்டு, விண்ணப்பப் படிவம் பூர்த்தி செய்து, பணம் செலுத்தி பாலிசி பெற சுமார் பதினைந்து நிமிடமே ஆகிறது. மேலும், ஏஜென்ட் மூலம் எடுக்கப்படும் பாலிசிகளைவிட ஆன்லைனில் எடுக்கப்படும் பாலிசிக்கு சுமார் 30 சதவிகிதம் வரை பிரீமியத் தொகை குறைகிறது.
ஐம்பது லட்சம் ரூபாய் கவரேஜ் கொண்ட டேர்ம் பிளானை ஏஜென்ட் மூலம் வாங்கினால் ஆண்டுக்கு 7,500 ரூபாய் பிரீமியம் செலுத்த வேண்டும். இதே கவரேஜுக்கு ஆன்லைன் மூலம் டேர்ம் பிளான் எடுக்கும்போது 4,550 ரூபாய் பிரீமியம் செலுத்தினாலே போதும். ஏஜென்ட் கமிஷன், இதர நிர்வாக கட்டணங்கள் ஆன்லைன் பாலிசியில் கிடையாது என்பதால் பிரீமியம் குறைவாக இருக்கிறது.
ஆன்லைன் டேர்ம் இன்ஷூரன்ஸ் விநியோகத்தில் முன்னணியில் இருக்கும் ஏகான் ரெலிகேர் லைஃப் இன்ஷூரன்ஸ் நிறுவனத்தின் தலைமை மார்க்கெட்டிங் அதிகாரி யாதேஷ் ஸ்ரீவஸ்தவாவிடம் ஆன்லைன் டேர்ம் பிளான் இந்தியாவில் எந்த அளவுக்கு வளர்ச்சி கண்டு வருகிறது என்று கேட்டோம்.
உங்கள் நிறுவனத்தில் விற்கப்படும் பாலிசிகளில் எவ்வளவு சதவிகித பாலிசிகள் ஆன்லைன் மூலம் விற்கப்படுகிறது?
''ஆன்லைன் மூலம் இன்ஷூரன்ஸ் பாலிசிகளை விற்பதில் ஏகான் நிறுவனம் முதன்மையாகச் செயல்படுகிறது. எங்களது மொத்த பாலிசி விற்பனையில் 25 சதவிகிதம் ஆன்லைன் மூலம் நடக்கிறது.''
ஆன்லைன் டேர்ம் பிளான் பிரீமியம் புதுப்பிப்பது எத்தனை சதவிகிதமாக இருக்கிறது?
''ஆன்லைன் மூலம் எடுக்கப்பட்ட டேர்ம் பிளான்களில் 88% புதுப்பிக்கப்பட்டு வருகிறது.''
ஆன்லைன் மூலம் எடுத்த பாலிசிகளுக்கு கிளைம் வாங்கும்போது பிரச்னை வருமா?
''பிரச்னை ஏதும் ஏற்பட வாய்ப்பு இல்லை. கிளைம் செட்டில்மென்ட் செய்ய தேவையான ஆவணங்கள் எங்களுக்கு கிடைத்த ஏழு நாட்களுக்குள் கிளைம் கிடைக்க ஏற்பாடு செய்யப்படும். இதில் ஏதும் பிரச்னை இருப்பின் வாடிக்கையாளர் சேவை மையம் அல்லது அருகில் இருக்கும் கிளைகளை அணுகலாம்.''
ஆன்லைன் மூலம் இழப்பீடு கோர முடியுமா?
''தாராளமாக..! எங்கள் இணைய முகவரிக்குச் சென்று, அதில் வாடிக்கையாளர் பற்றிய விவரம் மற்றும் என்ன காரணத்துக்காக கிளைம் தேவை என்பது போன்ற தகவல்களை பதிவு செய்வதன் மூலம் இழப்பீடு கோர முடியும். அடிப்படை விசாரணையை முடித்தபின் கிளைம் தொகை கிடைக்கும்.''
அடுத்த மூன்று முதல் ஐந்து வருடங்களில் ஆன்லைன் டேர்ம் பிளான் வளர்ச்சி எப்படி இருக்கும்?
''இந்தியாவில் இணையதள பயன்பாடு வேகமாக அதிகரித்து வருவதன் தொடர்ச்சியாக ஆன்லைன் இன்ஷூரன்ஸ் வளர்ச்சியும் அதிகரிக்கும். வாடிக்கையாளர்களுக்கு ஏற்ற பாலிசிகளை ஆன்லைன் மூலம் தருவதினால் அதிக எண்ணிக்கையில் பாலிசிதாரர்களை சேர்க்கத் திட்டமிட்டுள்ளோம்''.
பிரீமியம் குறைவு, பாலிசி எடுப்பது சுலபம் போன்ற காரணங்களால் பலரும் ஆன்லைன் டேர்ம் பிளானை விரும்பி எடுக்கத் தொடங்கி இருக்கிறார்கள். எளிதாக எடுக்க முடிகிறது என்றாலும்,  பாலிசி எடுக்கும்முன் அது பற்றிய அனைத்து விவரங்களையும் படித்து தெரிந்துகொள்வது அவசியம்..!

Related

இன்ஷூரன்ஸ் 8737628190989159474

Post a Comment

Tamil Unicode Converter

Find Here

Date & Time

No. of Posts

Follow Pettagum on Twitter

Follow pettagum on Twitter

Counter From Jan 15 2011

Try this

Total Pageviews

Advertisement

Contributors

Popular Posts

Blog Archive

Followers

Cloud Labels

30 நாள் 30 வகை சிறுதானிய உணவுகள் 30 நாள் 30 வகை சமையல் 30 வகை மருந்து குழம்பு E-BOOKS GOVERNMENT LINKS Greetings WWW-Service Links அக்கு பிரஷர் சிகிச்சை முறைகள். அசோலா ஓர் அட்சயப் பாத்திரம் அடை வகைகள். அமுத மொழிகள் அழகு குறிப்புகள். ஆசனம் ஆப்பிள் சிடர் வினிகர் ஆரோக்கியம் காக்கும். ஆயுர்வேத மருத்துவம் ஆறு சுவையும்... அஞ்சறைப் பெட்டியும்... இஃப்தார் நோன்பு ஸ்பெஷல் இந்த நாள் இனிய நாள் இந்தியா நமது தேசம்! தேசத்தின் நேசம் காப்போம்!! இய‌ற்கை மருந்துகளின் ஆயுள்காலம் இய‌ற்கை வைத்தியம் இன்ஷூரன்ஸ் இஸ்லாமிய உணவுகள். ஈஸியா பேசலாம் இங்கிலிஷ்! உங்களுக்கு உதவும் சட்டங்கள் உடலுக்கு வலிவு தரும் சூப்கள் உடற்பயிற்சி உணவே மருந்து உபயோகமான தகவல்கள் உலகத்தமிழ் மங்கையர்மலர் ஊறுகாய்கள் ஃபண்ட் முதலீடுகள் கணிணிக்குறிப்புக்கள் கல்வி வழிக்காட்டி கவிதைத்துளிகள் கன்சல்ட்டிங் ரூம் காய்கறிகளின் மருத்துவ குணங்கள் கால்நடை வளர்ப்பு கால்நடைகளுக்கான இயற்கை மருத்துவம் காளான் வளர்ப்பு குழந்தைகள் நலம்! குழம்பு வகைகள் குளிர் பானங்கள் குறைந்த செலவில் அதிக லாபம் தரும் நாட்டு கோழி வளர்ப்பு குறைந்த செலவில் அதிக லாபம் தரும் நாட்டு கோழி வளர்ப்பு!!! கை மருந்துகள் கொரோனா நோய் எதிர்ப்பு சக்தி உணவுகள் கொரோனாவுக்கு மருந்து சட்னிகள் சமையல் அரிச்சுவடி சமையல் குறிப்புகள் சமையல் குறிப்புகள்-அசைவம்! சமையல் குறிப்புகள்-சைவம்! சமையல் சந்தேகங்கள்-கேள்வி-பதில் சர்க்கரை நோயைக் கட்டுப்படுத்தும் உணவுகள் சித்த மருத்துவம் சிந்தனை துளிகள் சிந்தனை துளிகள். சிறுதானிய உணவுகள் சுற்றுலா சூரணம் சேமிப்பின் சிறப்பு டெங்குக் காய்ச்சல். தமிழகத்தின் சுற்றுலா தளங்கள் தமிழால் இணைவோம் தமிழ்ப் பழமொழிகளும் சொலவடைகளும் தாய் சேய் நலம்! துவையல்கள் நாட்டு மருந்துகளின் பெயர்கள் நாட்டு வைத்தியம் நாட்டுக் கோழி வளர்ப்பு நாட்டுப்புறப் பாடல்கள் நாட்டுப்புறப் பாடல்கள். நில அளவுகள் அறிவோம் நீங்களும் பிசினஸ்மேன் ஆகலாம் நீதி நூல்கள் பச்சடிகள் பலவிதம் பதிவுத்துறை சட்டங்கள் பரீட்சை சுலபமாக பழங்களின் பயன்கள் பாட்டி வைத்தியம் பிசிஓஎஸ் பிரச்னை குணமாகும் பிசினஸ் ஸ்பெஷல் புகைப்படங்கள் பூக்களின் மருத்துவக் குணங்கள் பெட்டகம் சிந்தனை பெண்களுக்கான நோய்களும் இயற்கை மருத்துவமும் பேலியோ டயட் பொடி வகைகள் மசாலா பால் மண்ணில்லாமல் பசுந்தீவனம் வளர்ப்பு மரம் வளர்ப்போம் மருத்துவ டிப்ஸ் மருத்துவ டிப்ஸ் வீடியோ பதிவுகள் மருத்துவக் குணம் நிரம்பிய உணவுகள் மருத்துவக் குறிப்பு மன நலம்! மாடித்தோட்டம் முகவரிகள். மூலிகை சமையல் மூலிகைகள் கீரைகள் மைக்ரோ கீரைகள் ரிலாக்ஸ் ப்ளீஸ் வங்கியில் பல வகை கடன்கள் வடாம் வகைகள் வத்தல் வகைகள் வரலாற்றில் ஒரு ஏடு வருமான வரி விவசாயக்குறிப்புக்கள் விஷப்பூச்சிகள் கடிக்கு இயற்கை வைத்தியம் வீடியோ பதிவுகள் வீட்டிலிருந்தே சம்பாதிக்க வீட்டுக்குறிப்புக்கள் வேலை வாய்ப்புகள் ஜூஸ் வகைகள் ஷாப்பிங் போகலாமா..? ஹெல்த் ஸ்பெஷல் ஹோமியோபதி மருத்துவம்
item