சுரைக்காய் கோஃப்தா கறி -- சமையல் குறிப்புகள்
தேவையான பொருட்கள் : சுரைக்காய் - 3/4 கிலோ கடலைமாவு-1/2 கப்/தேவைகேற்ப பச்சைமிளகாய்-இரண்டு இஞ்சி-ஒரு துண்டு உப்பு-தேவைகேற்ப வெங்காயம்-இரண்டு ...
https://pettagum.blogspot.com/2012/01/blog-post_993.html
தேவையான பொருட்கள் :
சுரைக்காய் - 3/4 கிலோ
கடலைமாவு-1/2 கப்/தேவைகேற்ப
பச்சைமிளகாய்-இரண்டு
இஞ்சி-ஒரு துண்டு
உப்பு-தேவைகேற்ப
வெங்காயம்-இரண்டு
தக்காளி-இரண்டு
இஞ்சி-ஒன்றரை அங்குலத் துண்டு
பூண்டு-ஐந்து பற்கள்
பச்சைமிளகாய்-இரண்டு
சீரகத்தூள் -ஒரு தேக்கரண்டி
தனியாத்தூள்-ஒரு தேக்கரண்டி
மாங்காய்த்தூள் -அரைத் தேக்கரண்டி
கரம்மசாலா-ஒரு தேக்கரண்டி
கொத்தமல்லி-சிறிது
எண்ணெய்-ஒரு குழிக்கரண்டி
செய்முறை :
வெங்காயத்துடன் இஞ்சி பூண்டு பச்சைமிளகாயைச் சேர்த்து அரைக்கவும்,தக்காளியை பொடியாக நறுக்கவும்.
சுரைக்காயின் தோலைச் சீவி காய்கறி துருவியால் துருவி அதிலுள்ள நீரை பிழிந்து எடுக்கவும்.
பின்பு அதில் பச்சைமிளகாய் இஞ்சி உப்பு சிறிது கொத்தமல்லியைப் போட்டு கலக்கவும்.
பிறகு கடலை மாவை சிறிது சிறிதாக கொட்டி கலக்கி சிறு சிறு உருண்டைகளாக உருட்டி சூடான எண்ணெயில் பொரித்து வைக்கவும்.
கிரேவி செய்வதற்கு வாணலியில் எண்ணெயை காயவைத்து வெங்காய விழுதைப் போட்டு வதக்கவும்.
பின்பு தக்காளியைக் கொட்டி நன்கு வதக்கி அனைத்து பொடிகளையும் உப்புத் தூளையும் போட்டு வதக்கவும்,
மசாலா எண்ணெய் மிதக்க ஆரம்பித்ததும் தேவையான நீரை ஊற்றி கொதிக்கவிடவும்.
நன்கு கொதித்து இறக்குவதற்கு முன்பு பொரித்து வைத்துள்ள கோஃப்தாக்களைப் போட்டு கொத்தமல்லியைத் தூவி அலங்கரிக்கவும்.
கொண்டாட்டங்களுக் கேற்ற சுவையான சுலபமான சுரைக்காய் கோப்தா கறி தயார்.
Post a Comment