மணத்தக்காளி கீரைக்கழனி--சமையல் குறிப்புகள்

மணத்தக்காளி கீரைக்கழனி உடல் உஷ்ணத்தைத் தணிக்க மணத்தக்காளி கீரைக்கு நிகர் வேறெதுவும் இல்லை எனலாம். கிராமப்புறங்களில் இன்றும் கூட வயிற்றுப்புண், வாய்ப்புண், உடல் உஷ்ணம் போன்றவற்றிற்கு இந்தக் கீரையை கழனி செய்து சாப்பிடுகிறார்கள். தேவையான பொருட்கள் மணத்தக்காளி கீரை - ஆய்ந்தது 2 கப் சின்ன வெங்காயம் - 50 கிராம் பச்சை மிளகாய் - 3 பூண்டு - 6 பல் சீரகம் - 1 டீஸ்பூன் தேங்காய்த் துருவல் - 1/2 கப் அரிசி கழனி - 4 கப் உப்பு - தேவையான அளவு செய்முறை * தேங்காயுடன் சீரகம் சேர்த்து மிக்சியில் நைசாக அரைக்கவும். கீரையை ஆய்ந்து கொள்ளவும். * சின்ன வெங்காயம், பூண்டு இரண்டையும் பொடியாக நறுக்கவும். பச்சை மிளகாயை நீளவாக்கில் கீறிக்கொள்ளவும். * கீரை, வெங்காயம், பூண்டு, பச்சை மிளகாயுடன், அரிசி கழுவிய கழனி சேர்த்து மூடி போட்டு கீரை குழையுமாறு நன்கு வேக விடவும். * வெந்ததும், அரைத்த தேங்காய், சீரகம் சேர்த்து இது உப்பு சேர்த்து ஐந்து நிமிடம் கொதிக்கவிட்டு இறக்கவும். சாப்பிட மிகவும் ருசியாக இருக்கும்.