உருளை தயிர்வடை---வாசகிகள் கைமணம்
உருளை தயிர்வடை தேவையானவை: வேக வைத்து மசித்த உருளைக்கிழங்கு - அரை கிலோ, அரிசி மாவு - ஒரு டேபிள்ஸ்பூன், அரைத்த இஞ்சி - பச்சை மிளகாய் - கொ...
https://pettagum.blogspot.com/2011/08/blog-post_6384.html
உருளை தயிர்வடை
தேவையானவை: வேக வைத்து மசித்த உருளைக்கிழங்கு - அரை கிலோ, அரிசி மாவு - ஒரு டேபிள்ஸ்பூன், அரைத்த இஞ்சி - பச்சை மிளகாய் - கொத்தமல்லி விழுது - ஒரு டீஸ்பூன், தேங்காய் விழுது - அரை டீஸ்பூன், தயிர் - ஒரு கப், கடுகு, பெருங்காயத்தூள் - தலா கால் டீஸ்பூன், சர்க்கரை, உப்பு, எண்ணெய் - தேவையான அளவு.
செய்முறை : ஒரு பாத்திரத்தில் மசித்த உருளைக்கிழங்கு, அரிசி மாவு, இஞ்சி - பச்சை மிளகாய் - கொத்தமல்லி விழுது, உப்பு ஆகியவற்றை எல்லாம் ஒன்றாகச் சேர்த்து, வடை மாவு பதத்தில் பிசைந்து கொள்ளவும். கடாயில் எண்ணெய் விட்டு, காய்ந்ததும் மாவை வடைகளாகத் தட்டி, எண்ணெயில் போட்டுப் பொரித்து எடுக்கவும்.
கடைந்த தயிரில் சர்க்கரை, உப்பு, தேங்காய் விழுது சேர்த்துக் கலந்து... கடுகு, பெருங்காயத்தூள் தாளித்துக் கொட்டவும். தட்டில் கொஞ்சம் தயிர் விட்டு அதன் மேல் வடைகளை வைத்து, பிறகு மீண்டும் கொஞ்சம் தயிரை வடைகளின் மேல் விட்டு பரிமாறவும். தயிரில் ஊற வைத்தால் வடை கரைந்துவிடும்.
விருப்பப்பட்டால் சிறிது மிளகுத்தூள் தூவி பரிமாறலாம்.
உருளை தயிர்வடை: அரிசி மாவுக்குப் பதிலாக சோள மாவு அல்லது ரவை சேர்த்தால், அதிக ருசியாக இருக்கும்.
-----------------------------------------------------------------------------------------
Post a Comment