சமையல் குறிப்புகள்! இறால் வறுவல்
இளம் இறால் 1/4 கி தேங்காய் 3 பற்கள் சோம்பு 1/2 தேக்கரண்டி கசகசா 1/4 தேக்கரண்டி கறிவேப்பிலை 4 கொத்து சி.வெங்காயம் 1/4 கி தக்காளி சின்னதாய் ...
https://pettagum.blogspot.com/2011/02/blog-post_6137.html
இளம் இறால் 1/4 கி
தேங்காய் 3 பற்கள்
சோம்பு 1/2 தேக்கரண்டி
கசகசா 1/4 தேக்கரண்டி
கறிவேப்பிலை 4 கொத்து
சி.வெங்காயம் 1/4 கி
தக்காளி சின்னதாய் ஒன்று
புளி ஒரு கொட்டையளவு
மஞ்சள் தூள் சிறிதளவு
வர மிளகாய் பொடி 2 தேக்கரண்டி
நல்லெண்ணெய் 4 தேக்கரண்டி
உப்பு தேவையான அளவு
ஒரு தேக்கரண்டி எண்ணெய், சிறிது உப்பு, ஒரு தேக்கரண்டி மிளகாய்ப் பொடி, சிறிது மஞ்சள் பொடி போட்டு இறாலைக் கால் மணி நேரம் ஊற வைக்கவும். பாத்திரத்தை அடுப்பில் வைத்து, 3 தேக்கரண்டி எண்ணெய் விட்டு அதில் கறிவேப்பிலை மற்றும் வெட்டி வைத்த சி.வெங்காயத்தை வதக்கவும். பின், தக்காளியையும் சேர்க்கவும். வெங்காயமும், தக்காளியும் வதங்கிய பின், ஊற வைத்த இறாலையும், மீதமுள்ள மிளகாய்ப் பொடியையும், சிறிது மஞ்சள் பொடியையும், தேவையான அளவு உப்பும் சேர்க்கவும். இறால் நன்றாக வதங்கிய பின் புளிக்கரைசல் சேர்த்து மேலும் 5 நிமிடம் வதக்கவும். தேங்காய், சோம்பு, கசகசாவை விழுதாக அரைத்து, அதை நன்கு வதங்கிய இறாலுடன் சேர்த்து 10 நிமிடம் கழித்துப் பின் இறக்கிவிடலாம். வட்டமாக ஆகிவிட வேணும்.
பின் குறிப்பு: கறிவேப்பிலை ரொம்ப ரொம்ப முக்கியம்.
Post a Comment